------ حفيدة آلـ سرحان
بقلمي/ أنا رواء هادي
لا تنسون تخلون لايك وتعلقون بين الفقرات
قراءة ممتعة لجميع 🤍🌿
اندك الباب وانه بعدنه شايلة المصلاية ولابسة
ثوب الصلاة انفتح الباب دخل مُهيـم
شايل تلفون بايده ...
مُهيـم ـ يمة ابوي يريدچ ظروري
ام فلاح ـ انطيني يمة
دخل وسد الباب ..وانطه التلفون لامه قطرة دم مابقت بي اريد الكاع تنشك وتبلعني على
هذا الموقف الي انحطيت بي .
مُهيـم ـ هلأ سارة شلونچ
رديت وانه مدنكة راسي "
زينة ... طلعت بسرعة من الغرفة فتحت الباب وطفرت عدل لغرفة امي ام فرح دخلت و
صارت بوجهي امي ام فرح
ام فرح ـ شبيچ مخطوف لونچ ؟
ـ سودة مصخمة
ـ شكو ؟
ـ هذا ابن ابو فلاح مُهيـم شافني بغرفة امي
ـ وإذا شافچ
ـ هسة غياث يخنكني
ـ امداج شوف شعبالي بدلي وتعاي تغدي
خلت وطلعت نزعت ثوب الصلاة وعدلت حجابي وطلعت هم طلع بوجهي جان بالصالة رجعت
ارجوع بالغرفة اليوم انحبس من وراه
كل مرة من يجي يروح للمضيف اليوم سكان
بالبيت شوي واجت امي
ام غياث ـ ماتكومين تتغدين
سارة ـ يمة گلي الغياث خل ياخذ مُهيـم
للمضيف ترى تقيدت
ام غياث ـ راحوا كومي
سارة ـ همزين حس
ام غياث ـ ترى عيب الولد حالة من حال
اخوجن وعينه مو وصخة
سارة ـ والله عينه تلمع لمع كلما يشوفني يضحك
ام غياث ـ صخام براسچ تخلين عينچ بعين الولد
سارة ـ والله نسيت اسد عيني وامشي
ام غياث ـ انجبي وكومي تغدي وغسلي
المواعين راح تجي اختچ
سارة ـ والله ماغسل المواعين وحتى
غدة ماتغدة كايمة ابدل واتمكيج
ام غياث ـ سارة
ـ ماريد هم يلا ابدل الحفلة الساعة
بال٢ ونص ومابقى وكت
ـ ملابسچ وين ؟
ـ بغرفتچ كايمة اجيبهن
كمت رحت للغرفة جانت ام فلاح وبناتها وچنتها بالغرفة جاي يتمكيجن فتحت الكنتور طلعت
ملابسي وملابس اخواتي كلهن والمكياج
شلتهن ومشيت بيهن
ام فلاح ـ وين تردين هلكد شايلة
سارة ـ خفاف خالة
ام فلاح ـ ذبي من ايدج وصيحي اخواتچ يساعدنچ
أنت تقرأ
حفيدة آلـ سرحان ( مكتملة )
غموض / إثارةتدور أحداث القصة حول قصة حقيقية... عن (فتاتين) كان عمل عائلتهما خارج القانون.. تنقلب حياة رنا رأساً على عقب بعد انفصال والديها وتتعرض لعدد من الحوادث منها التحرش والاستغلال والخطف.... اما ابنه عمها (سارة) فيقع ابن صديق والدها في حبها فترفضه تماماً "...
