في بيت ام نوره
نوره شافت جواللها لقت محمد مرسلها
محمد : نوره فيه أحد بيجي معنا بكره نسيت اسالك
نوره عرفت انه يدور أي سبب عشان يراسلها : لا انا و انت بس ليه ؟؟؟
محمد : بس أسأل بس امي يوم جت الملكه سوت شي ضايقك ولا شي
نوره ب استغراب : لا ليش فيه شي
محمد : ياكثر اسالتك بس مافيه شي اسالك بس
نوره : هههههه لا والله انت الي تسالني عن اشياء غريبه ترا واضح انك تبي سبب تراسلني فيه
محمد : يعني مفضوح
نوره : جداً
محمد : طيب احبك تصبحين على خير
نوره: وانت من اهله
دخلت رغد بدون طق
نوره : وجع طقي طيب
رغد : بسالك و جاوبي بكل صراحه تسمعين
نوره: خير ياطير وش تبين
رغد : فيه بينك انتي و سعود شي
نوره بتوتر: خيير وشذا السوال
رغد بصراخ : جاوووبي ولا علمتت اميييي الحيين
نوره : اقصرييي حسكك مافيه شي بينا انا أحب محمد و هو يحبني
رغد : و تكذبين بعد تحسبيني غبيه تراني ملاحضه من قبل لا يخطبني ان فيه بينكم حب بس وافقت عشان اقهرك و اذلك و اشوفك حزينه لانك طول عمرك المفضله عند اهلي كلهم و ماعمرك صرتي حزينه حتى ابوي كان يضربني و مايضربك بس الحين صرتي حزينه و بتصيرين حزينه اكثر لما أحمل منه و تشوفين ولده مني اناا مو انتيي
نوره: انا فعلا عشقته لا وش عشيقته همت فيه انا انا كنت كل ماصليت ابكي و انهار و اشتكي ل ربي لان ماعندي احد اشتكي له و امي الي تحسديني عليها ماقدر اشتكي لها و اختي الي هي انتي ماكنت ابي اشوفك تعيسه بس انتي كنتي تبيني اكون تعيسه بس الله ياربي ياربي انه ياخذ حقي منك و يوريني فيك عجايب الدنيا والله ما اسامحك روحي حسبي الله ونعم الوكيل فيك
رغد : على وش تتحسبين انا الي المفروض اتحسب ياماما بس ربي نصرني و اخيران و أخذت سعود منكك وانتي تشوفين و ماتقدرين تسوين شي و لسى جايك اقوى
نوره ابتسمت لها بدموع : و على نياتكم ترزقون انا صح اني أحب سعود و مارح أحب غيره بس ربي رزقني ب محمد الي متاكده انه ربي عوضني فيه و روحي الله لا يوفقك ولا تذوقين طعم السعاده في يوم و حسبييي اللله ونعم الوكييل يارب يارررب يا حاي ياقيوم بعينك التي لا تنام انك تاخذذ حقيي يارببب ورني فيها عجائب الدنياا ياحي ياقيوم و الحين اطلعي بنام والله لا يوفقك
