بين عينيها حكايا

الجزء العشرون

#بين_عينيها_حكايا
.
.
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.تعليق بين الفقرات وتصويت للقصة
متابعة الحساب دعماً للقصة فضلاً وليس امراً❤️
.ZAHRAA_KKK

.
.
.
.
أنا اهجر الأراضي التي لا ترحب بي
وأن كلفتني عزة النفس أن أعيش بلا أرض
.
.
.
.

وَهج
________________________

دائما بالضروف الصعبة ولمن متگدر تواجه الواقع المتعب بوحدك
تستحظر الماضي
وتتمنى يعود ولو للحضات
.
.
.
.
متوزعين كُلنة نبحث عن شمس
اللي أختفت تاركة وراهة رسالة
توضح بيهة مشاعرهة

مشاعرهة الأنانية اللي مالهة أي أساس من الصحة
شمس بالذات جانت الوحيدة اللي مشافت تعب
كلنة لاحنة من الهم شوية

جوع وبرد وقلة مادة
الا هية لأن صغيرة محاوطيهة بكل أنواع
الدلال

من ماما وخالو أياد واولاد خالة هدية
بذرتهة ونشاتهة غريبة
أنانية نحسة ومتطلبة

بس رغم كل شي جنة ولا زلنا محاوطيهة برعايتنة
خوفا من الانحراف عن الطريق

بعد ملگيت رسالتهة
ركضت اعيط وادور
گلبنة البيت ماكو

طلعو الولد يدورون بالشارع
واني واخواتي انخبصنة
العجيب ان ظلال باردة ومااهتمت
بهوستنة اجت
وبيدهة مفاتيح بيتنة

-وَهج حبيبتي روحو للبيت هسة تلگوهة هناك

-شنو شمدريج

-المفاتيح كُلهن مسويهن نسختين وهسة مباقي بس نسخة
اختج تحب الدراما وسوالف المسلسلات
روحو لبيتنة تلگوهة مبسطة بالغرفة وتزبل بيهة

ركض غيث وعمار للبيت
وفعلا
ربع ساعة اتصلو لاگيهة بالبيت

تركتهم وصعدت لغرفتي
جمعت أغراضي
ونزلت للبنات دخلت الغرفة گاعدات يتناقشن

-يلة بنات جمعو غراضكم خل نرجع للبيت

-بس وَهج انت بعدج تعبانة وحتى خياطاتج ممفتوحات

-حبيبتي ضَي زحمة من خالة والولد كل يوم مسويتلنة حفلة شمس وتعيط وتتشرد

طبت خالة وياهة ليث
على اثر كلامي

-حبيبتي وهج الزحمة والعيب من الغريب اني خالتجن أمجن الثانية واخواتج يبقن يمنة بعد مااگدر أخليهن لوحدهن

-لا خالة مو لوحدهن آني وياهن

ليث مكتف ايدي ورافع حاجبة يباوعلي خلاني كملت وحجة

-وبكيفج تتركين البيت

-خالة اني كلامي وياج ماعندي كلام ويا أحد ثاني