في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت١٠

الهوى جاب الغلا والهوى ودا
وأنت وجروح الزمن بالحشا خشره

يا بعد من ما بعد جا ومن عدا
ويا بعد من ساج روض الحشا نشره

يوم صار الحب جزيه ولك تدا
والقصيد اسهل من كتابته نشره

خذ قصيدي ياشذا الورد لاندا
وأنتبه لي واستمع موجز النشره

والله أنك بالغلا فارق جدا
مثل فرق الابتسامه عن الكشره

_________
بيت ابو طلال
عصر بعد ما راح من عندهم ناصر وتجمعوا يشربون شاي العصر فـ هم عائله تعشق شاي لكن اماني تفضل قهوه اكثر بس تشرب معهم
اماني وهي تمد شاي لابوها: يبه
ابوطلال:سمي
اماني:يصير اروح اليوم لبيت عمي جراح وانام عندهم يومين زمان عنهم ولاتعودت ابعد عنهم
طلال وابوه تغيرت وجيهم تذكروا فاتن وفاطمه الي بيتهم مع بيت جراح بنفس الحوش
ابوطلال: انا موافق يبنتي بس
اماني:فاهمه الي يدور براسك انت وطلال لكن لي صرت في بيت عمي جراح تأكدوا اني بـ امان ولاعلي خوف واصلن فاتن وفاطمه مراح يسون لي شي
طلال:اماني مراح ارتاح
اماني:طلال تكفى لا تقول شي يكفي مكه الي ما رحت معهم
طلال بضحك: ما عاش من يردك توكلي دام ابوي موافق
نطت اماني تبوس راسه بس منعها وجلسها جنبه
التفت لهادي وهاني:وانتو موافقين
ضحكوا ونطقو:ايي
اماني بنبره براءه:يمه عادي اروح
ام طلال:طبعا يروحي وحد يقدر يقول لك لا
اماني:فديتك يلا بقوم اتجهز
طلال:تردين كل ما دقيت اذا مادقيتي ترا بجيكم
اماني وهي طالعه درج: ههههههههه ابشر بس لا تكون رادار
طلال:هههههههههههه علمتك اسويها ترا
طلعت اماني تتجهز واتصلت على همايل
همايل:لبييه يعيون همايل
اماني:فديتك اسمعي هموله بجي اليوم عند عمي جراح وبنام عندهم تعالي نسهر مع بعض
همايل:والله واخيراً زمان عن سهره مع بعض
اماني:اي والله
همايل:الحمدالله انك جيتي اليوم لان سعيد مسافرً
اماني: صدق الحمدالله خليك تجين مرتاحه مافيك للهواش
همايل : اي والله

________________
بعد المغرب بيت ابو العنود
رائحه البخور والعطور والفرح واصوات ضحكتهم ينتظرون اماني
لكن مستغربين فاتن وفاطمه لهم اسبوعين ماطلعوا من البيت حتى جراح مراح يسلم على امه
ماهي الا دقايق وصلت اماني ومعها شنطه كبيره كان طلال موصلها رفض على هادي يبي هو يرتاح ويشوفها ويتأكد
ابوالعنود في الحوش بصوت عالي: ارحبو يالله حيهم
طلال:الله يبقيك وسلم عليه
وبعدها سلم على اماني
ابو العنود واماني بحضنه:اقلطوا
طلال:مستعجل والله جيت اوصل الامانه لكم
ابوالعنود: والله ما تروح العشاء جاهز
طلال بحب:يمال الغناه وراي دوام مالي انشب مع فارس
ضحك ابو العنود: الله يحفظك مابي انشبك مع فارس هههههه
حس ابو العنود ان طلال يبه لحاله ونطق:يبه اماني ادخلي على خواتك اوصل اخوك هزت راسها وتقدمت تضم طلال الي كان يحصنها ويودعها
طلعوا
ابو العنود: سم حسيت بخاطرك كلام
طلال وهو مفتشل:مدري كيف اوصيك على بنتك لكن مثلك خابر الوضع
ضحك ابوالعنود:اماني بعيوني اما بنسبه الي انت تقصد مراح يسون شي لان صار لهم اسبوعين ماندري عنهم بشي هم موجودين فالبيت او لا
هز راسه طلال بتفهم واستاذن
دخل عند البنات واماني الي كان صوت ضحكهم واصله عند باب ابتسم ونطق:الله لا يحرمني منكم