لَيت الخَلايِق تِنقلب كِلها أنت وأصير أشوفك كِل مَا شِفت مخلوق

٤

طلع من المحل أبو صيته وقعد حاتم ع الكرسي يتأمل الاطفال الي يلعبون قدامه ..
::::::::::::::::::::::::::::::::
~ فـ سيـارة أبو صَـدف ~
نطقت صَدف بـ تعب : بابا ما قلت اننا معزومين عند مين ؟
أبو صَدف بـ تنهيد : شفتو السياره الي وقفت عندها امس؟
صَدف : ايوه لا يكون اننا حنروح عندهم !
هزّ رأسه بـ معنى أي ونطق بـ إبتسامه : ابوهم الي عزم
نرجس بـ حماس و فرحه لـ مِطلق لفت على نبرة صَدف الي كانت تقول: ايييييش!!!!
لفت أم صَدف لـ صَدف : إيش فيكِ أنتي ؟
صَدف : ماما تكفين ما نعرفهم ولاشيء كيف حنروح عندهم كدا!
نرجس بحِده : طيب عادي حنتعرف عليهم وحيتعرفون علينا !
صَدف الي لـفت تشوف الطريق بـ عصبيه : طيب ودوني مكان أكل جيعانه!
ضحك أبو صَدف : ابشري حنوديكِ
نرجس بـ حماس لـ صَدف و خِفه : حشوفه!
ناظرت صَدف لـ نرجس بـ حِقد : مين ؟
نرجس : الولد هداك!
صَدف بـ قرف : مو منجدكِ !
عـقدت حَاجبها بـ كُره : اصلًا ماني جريئه زيكِ
صَدف بحِده : كيف يعني منتي جريئه زيي؟
لـفت تاخذ الروج وتفتح الغطاء : يعني احب من طرف واحد ولا حكلم شخص وحوقف معه لحالي
بلعـت ريقها بخوف : نرجس؟
لفت لها وهي تطبطب على الروج وكملت صَدف :
بس أنتي وعدتيني ما راح حتقولين أحد ؟
نرجس بـ إبتسامه لعُوبه : لو ما تركتي العلاقه هَدي حتشوفين وقتها إيش حتسوي نرجس!
تنهدت بعصبيه : مالكِ دخل فيا ! وإنتي عارفه حياخدني غصب
هزت رأسها بنفي وحطت يدينها على شفايفها بـ معنى أسكتي : ماما وبابا لا يسمعونكِ ! وإنتي عارفه قوانين أهل بابا
صَدف بـ عدم خوف , رجعت ظهرها لـ المقعد :
لا تدخلي فيا مهما سويت !
تنرفزت ونطّقت بعصبيه واضحه : الين هنا وبس ! بكره حياخذكِ لا سمح الله لـ أماكن محد يعرف عنكِ ؟
صَدف بحِده : هذام رجال وأنا عارفه هذام
نرجس : أوكي رجال ما قلت لكِ حاجه ! بس العلاقه هَدي لو ما تركتيها كل سوالفكِ عند بابا ما هددتكِ في حياتي أبدًا وحـ أهددك المره هَدي
صَدف بقهر وصوت عالٍ : نرججججسسس!
رفعت كتُوفها بـ معنى مالي دخل ..
ضربت على فخـذها بـ قهر وناظرت بـ أبوها بـ عصبيه بعد نطـقه بـ إسمها : نعم ؟
أبو صَدف : أنزلي مو تبغين تاخذين أغراض
نزلت و قفلت باب السياره بـ كامل قوتها وناظر أبو صَدف لـ نرجس : شفيها أختك؟
نرجس : ما ادري , نزلت وراها
سحبت ذراع أختها بعصبيه وسط الناس و الزحمه : اسمعييييني!!!
دفتها بـ عصبيه : نعمم فكي يدي!
اخذتها نرجس بعيد عن الناس وقفت تمسك رأسها بـ إنزعاج : أخت تنصح أختها وتغار عليها وتخاف عليها من أبسط الاشياء الي تأذيها ليش زعلتي يا صدف !
صَدف : ما زعلت بس**
قاطعتها نرجس : علاقتكِ مع هَدا الولد حتتحاسبين عليه؟ مشت نرجس وهي متجاهله كلام صَـدف تمامًا
بلعّت ريقها بخوف وأدركت إن أختها تفضح مصيبتها فـ أي وقت وموضوع صعب جدًا بـ النسبه لـ صَدف الي كانت مشهُوره بين البنات بـ إخلاقها و أسلوبها ..
و بـ النسبه لـ أبوها الي كانو ينادونه بـ كُل مكان
" أبو البنات " ما إنرزق بـ عيال عنده بنتين وعايش حياته بـ سعَاده وأدركت الموضوع إذا طلع بتصير مشكله جديده وأبوها قاسي وتطلقت أمها مرتين ورجعت المره الثالثه لـ أبوها عاشت مع أمها هي وأختها وتمسكت بـ لهجة الحِجاز أكثر ولهجة أمها أكثر و أكثر ..
تضايقت من الموضوع وجتها غَصه كيف تترك علاقه دامت سنين طويله جدًا مع شخص يعرف كل شيء عنها ويعرف موقعها وين تروح وين تجي ؟
جات عيُونها بـ عيون رّف الكِندر من بعيد وأبتسمت بـ ضيقه ركضت مِثل الطفله تاخذ كِندر ، خلصت أغراضها حطت الأغراض عند الكاشير لـفت لـ الكاشير الي كان يقول لها كم الحساب ، فتحت جوالها ولقت الصرافه فااضيه : لحظه وحرجع لك
ركضت لـ سيارة أبوها الي كان منطرب حطت كَفها ع الدريشه تطقه فتح أبو صَدف الدريشه وتقدم يرخي صوت الراديو العاالي : هلا يا بنتي؟
صَدف بـ فشله وإبتسامه : بابا صرافتك بليييز!
ضحك بخِفه وطلع محفـظته من جيبه يطلع صرافته : هاك وأرجعي بسرعه !
هزت رأسها بـ معنى طيب وركضت لـ السوبر ماركت من جديد حاسبت لـ أغراضها وطلعت تركب السياره ..
أبو صَدف : مشينا؟
صَدف : يلا ، لفت رأسها لـ نرجس الي كانت تظبط حِجابها وملامح العصبيه واضحه فـ وجهها البريئ
تجاهلت الموضوع ودخلت بـ هواجيس عميقه فـ
هذام وكيف تترك علاقتها معه ، فزت من صرخة أبوها ونطقت بـ توتر : ه هلا!
أبو صَدف بـ عصبيه : ما تسمعين أنتي! هاتي مويه
مدت لـ أبو صَدف المويه بدون م تقول شيء فكت طرحتها وشعَرها البُـني رجعت ظهرها لـ المقعد فتحت الأيباد تفتح مسلسلها قاطعها مكالمة من هذام شافت نرجس الإسم وعصبت أخذت جوالها صَدف وهي تناظر بـ نرجس قفلت الجوال ونطّقت نرجس : ردي ؟ يلا ردي؟؟
شمقت بـ قرف : مالكِ دخل !
أخذت سماعاتها تتفرج مسلسها ..
..
فـ الرياض تحديدًا ~ بـيـت أبـو مِـطـلـق ~
أحداث سـابقه :-
طـلع مِطلق من البيت فتح باب سيارته وركب بهدوء مد يدينه يشغل المكيفات جاته إتصال من تميم
رد بـ إبتسامه : أرحب يبو سطام!
تميم : البببقى يبو مصعب
تقدم يقفل باب السياره عدّل المرايه الي قدَامه : أمر
تميم : ما يأمر عليك عدو تخاوي الصناعيه بجيب سيارتي؟
نطّق وهو يولع سيجـارته : العذر والسموحة يبو سطام وراي أشغال مع أمي
هزّ رأسه بمعنى طيب : أبدد ما بها عذر وسموحة خذ راحتك والله يوفقك
أبتسم مِطلق : وياك
قفل مِطلق المكالمه وزفر دخانه بـ تعـب , طلع من الحي يجيب أغراض أمه لـ عزيمة أبو البنات
~ أبو صَدف ~ طـلع من حي بيُوتهم وصل عِند إشارة مرور بعد فتره تقدم ياخذ نظارته من الدرج الي قدام مقعد السائق لبس نظارته وزفر بـ تعب وأدرك إن بكره ليلة العيد ويوم عرفة و فوضى الديره و الأهل ..
ضرب جبهته بـ غباء بعد ما عرف أن وراه أضحية العيد يجيبها وكان موعده اليوم نطق بينه وبين نفسه : نجيبها مع رفيقي المزيون ~ تميم ~ عدل جلسته بعد ما قلبت الإشاره من اللون الأحمر لـ الأخضر طار مِطلق بـ سيارته وكان ما يحب يمشي شوي شوي
فتح جواله ياخذ الأغراض الي أرسلتهم أم مطلق لـ مطلق جاته إتصال من أخته هيام رد مِطلق بـ إستغراب وعيُونه ع الطريق : سمي شبغيتي؟
هيام : ميمي جيب لنا فحم خلصو أخر حبه ولعتها قبل شوي
عدل جلسته ونطّق بحِده : الأسم ذا لا سمعته على لسانتس مره ثانيه حشيت رجولتس!
ضحكت بصوت عالٍ : يلا مطلوقي
مطلق بعصبيه : بنتتت!!!
هيام : خلاص اسفه يا الدلوع بس لا تنسى
نطق بخِفه : أبشري
وقف مِطلق بـ سوق شعبي ياخذ ثوب العيد لـ الخياط وياخذ أغراض أمه , دخل محل الخيّاط وقماش ثوبه بـ يدينه ، حدد كل شيء يبيه فـ ثوبه
مِطلق : بالله عجل قبل العيد
صاحب المحل : أبشر
مِطلق بـ إبتسامه : تبشر بـ الجنه
طلع برا المحل خطواته لـ محل الحلويات
طلع جواله من جيبيه يدق على أم مِطلق وفعلًا كانت تظبط شعرها نطقت بـ إستغراب : هلا مطلق ؟
مطلق بحِيره وهو يحك رأسه : يمه أحترت في أكثر من نكهه!
ضحكت أم مِطلق وأبتسم مِطلق كملت تقول: جيب لنا على ذوقك
مِطلق : غيرها طلبتس خوفي ما يعجب المعازيم ويعجبتس
أم مِطلق : عطني النكهات وبرسل لك كل شيء فـ واتس
مِطلق بخِفه : يليل الليل واتس وقروشه
ام مِطلق : شقلت؟؟
ضحك بخِفه : سلامتس وأبشري أنتي قولي وتم
ضحكت أم مِطلق : لا تقروشني خلاص مب بزر كلها كم حلا !
مِطلق : والله لو أني بدالس هبدت أي شيء بس بنتس الدلوعه تطقطق على ذوق ولدس يرضيس ؟
هزّت رأسها بـ نفـي وضحكت : مِطلق الله يسلمك أخلص يجون المعازيم وأنت باقي تاكي بـ المحل !
مِطلق بـ إستعجال : يلا يلا , قفل مِطلق المكالمه وصور النكهات لـ أم مِطلق وفعلًا أختارت أم مِطلق كل شي تحتاجه وتبيه دفع مِطلق الحساب وطلع برا المحل بيدينه أكياس ورافع إكمام ثوبه وعاضّ على شماغه ..
ركب سيارتـه وزفر بـ قرف من الحـر نزل شماغه وحطه بـ حِضنه ، حرك مِطلق يطلع من السوق لـ بيتهم من جديد ..
فـ بيـت ~ أبو مِطلق ~
نزلت أم مِطلق وهي تصارخ : هاااا هااااا !!
أبو مِطلق بـ عصبيه : وين الجمر !
أم مِطلق : ارسلت مِطلق يجيبها خلصت
صدّ بـ قرف وعصبيه : ووينه مطلق طس ؟
أم مِطلق : راح يجيب غرض العزيمه والبيت أحد يعزم ليلة العرفه؟
أبو مِطلق بـ عصبيه : أسمعيني يا مره! انا رجال واعرف متى اعزم ومتى ما بغيت؟
تخصرت بحِده : زين وانا مره على قولتك وراي اكثر من شغله مب فاضيه لـ عزايمك!
قعد بـ عصبيه وصدّ منها يستغفر بـ عصبيه , رفعت جلابيتها الطويله وركضت بـ كعّبها القصير لـ الغرفه
تتعطر من عِطرها دخلت ومسكت قلبها بـ خوف : شتسوي هنا لعنبو إبليسك!!!
عزام بـ ضحكه : يمه عطيني عود أبوي الاصلي !
إنلجم عزام كف على ظهره وغمض عيُونه بـ آلم : ما في عود ولا عطر ولا لك شيء عندي ويلا اذلف أنت والتبن الي حاطه فـ وجهك!!
ضحك عزام بصوت عالٍ : الله يهداس ويطول لي بـ عمرس بس تحرق الكف والله!
رفعت رجُولها بـ مستوى طول ولدها وقبضت على إذن عزام الي كان يضحك ولا هامه شيء : اذلف لا يشوفك أبو مِطلق الحين ويكفر فيك انت والي فـ وجهك!
عزام : يعني ما في عود من هنا ولا هناك ؟
هزّت راسها بـ نفـي : لا ويلا طس!
دخل غرفة هيام الي كانت طالعه من الشاور صرخت هيام بـ خوف من دخُوله : وجع أن شاء الله!
عزام : عطيني شيء يبيض وجهي
هيام : فاتحه صيدليه هنا ؟ دز دز من غرفتي يلا
مسكت قلبها وشهقت: و كريمي بعد الي حاطه على وجهك!!!
عزام : اي شفيها اول مره اجربه واخر مره!
ضربت جبهتها بـ غباء وقعدت ع السرير تضحك كمل عزام يقول ويناظرها بحِده : أنهبلتي؟
هيام : يا غبي هذا كريم إزالة شعر !
توسعت عيُونه : ايششششش!!!!!
هيام بـ ضحكه هستيريه : والله العظظظظيم!
دخل حمام هيام يغسل وجهه أسرع من البرق وناظر فـ وجهه أحمرررر ويحرق , طلع بـ عصبيه وهو ينشف وجهه ونطّقت هيام : أهبل أنت؟ تحط كريم قبل تقرأ الاسم هذا وإنت دكتور !
ناظر عزام فـ هيام بحِده : اركدي اركدي بس مسويه قافطه هذا وأنت دكتور
هيام وهي تنشف شعرها : أشوا ما حطيته على لحيتك وحواجبك وشنبك !
عزام : الحمد لله عطيني شيء يرجع لون بشرتي
هيام : تعرف الباميه المثلجه الي بـ الفريزر؟
ضحك بخِفه وهز رأسه يسمعها كملت تقول : حطها على وجهك
عزام : مهبوله أنتي ؟
هيام : ما امزح حط ثلج اي شيء بتطلع لـ الرياجيل كذا؟
عزام : نكبتيني أنتي وكريمس الزفت ذا
هيام : احسن لا يشوفك مطلق والله يمسكك طقطقه!
عزام : أكفر به اذا مسكني طقطقه ؟
ضحكت بخِفه تكحل عيُونها لفت لـ عزام الي قاعد ع السرير ويناظرها أشرت ع الباب بـ هدوء : اطلع لو سمحت ببدل
عزام الي وقف وهو ماسك وجهه : يعني طرده بـ إحترام
هزّت رأسها بـ معنى أي بـ إبتسامه , وقف عزام وغمز لـ هيام طلع بهدوء متجه لـ غرفته ..
دف مِطلق الباب بـ جبينه وبيدينه الأغراض صارخ بـ صوت عالٍ : يا يمه ! يا هياااامي
نزلت هيام ركّض لـ مِطلق : ها يا مطلق!
مِطلق وهو يناظر بـ عيونها ومِبتسم : وش الزييين!
ضحكت بخجل ونطّقت بخِفه : انتتت الزين
مِطلق الي مدّ لها الكيس وناظر فيها : تبارك الله عليس
هيام بحِده : خلاص عاد ما احب المدح المبالغ!
مطلق : وانا شقايل لس ذكرت ربي عليس
هيام : الله يسعدك شكرًا ما تقصر والله
ضحك مِطلق وعرف انها استحت : زين خذي الاغراض لـ المطبخ وانا بطلع بتروش وبجهز لـ الرجال
غمزت هيام بـ إبتسامه : رجال اجل
عقّد حاجبينه بحِده : شتقصدين؟
هيام الي ضربت كتفه بـمِزح : نمزح ميمي
صفق مِطلق كف خفيف على خد هيام ونطّق بـ عصبيه : اعقلييييي!!!!
ضحكت بصوت عالٍ و ميلت رأسها وجسمها تحت أنظاره تشيل الأغراض رفعت نفسها ونطقت: يلا اذلف
مِطلق بحِده : احترمي نفسس لا امردغس الحين يا النمله
مشت وهي تقلد كلامه واسلوبه لـ المطبخ
صارخ مِطلق ينطق لها: اقولل لا تنسسسين وراتسس قهوهه وشاهي وضيافه
طلع لـ غرفته وقابل عزام يظبط ترسيمة شماغه قدام المرايه : من الي مدهن بـ وجهك فلفل!
ناظره بحِده : حساسيه لعنبو وجهك
مِطلق : لا تلعن لا ابطحك ع الارض
عزام : تحدي؟
مِطلق الي تكّى ع الجدار : اتحداك
عزام : حسابي معك لا خلصت العزيمه والله لأكسر ضلوعك
مِطلق بـ ضحكه : اتحداك وقلتها مرتين بعد
عزام الي أشر على خشمه : ابد على خشمي
طلعت أم مِطلق وبيدينها مبخرة البخور تبخر البيت , مدت المبخره لـ عزام الي كان واقف يظبط حزامه وسلاحه
أم مِطلق : جبت الاغراض؟
هزّ راسه بـ معنى أي : افا عللللليس!
أم مِطلق : كفو ولدي
باس رأس أمه ونطّقت أم مِطلق لـ عزام وأشرت فـ وجهه الأحمر : شفيه وجهك احمر !!
عزام : حساسيه يا يمه حساسيه
مِطلق الي إبتسم ع الجنب : ما ظنتي حساسيه ولدس خكري يجرب الكريمات على وجهه
فار دم عزام من كِلمه الخكري وضرب بطن مِطلق بـ رجله أنصقع مِطلق ع الجدار وتآلم : اعلمك الخكري شلون!
مِطلق الي قام يمدّ يده على عزام وضربه على خشمه وتآلم من خاتم مِطلق ويده الثقيل نزف خشمه مسك خشمه عزام لا يجي الدم على ثوبه ناظر بـ مِطلق وجا يكمل مِطلق قاطعته أم مِطلق بخُوف وهي تدفه بعيد عن عزام وعصبيه : بسسسسس!!!!
مِطلق الي مسك بطنه وغمز لـ عزام : تحسبني بخليك؟
توجه لـ غرفته وقفل الباب بـ عصبيه , فصخ ثوبه ورماه ع الأرض و فصخ فنيلته دخل الحمام يتروش
مدت المناديل لـ عزام بـ عصبيه : بزران انتممم!
أخذ منها المناديل وعيُونه حمراء وكان عزام يعصب ويزعل على اي شيء : ما بردت قلبي فيه يا يمه!
أم مِطلق : انثبر انثبر بس لا ينسمك
فزّ من مكانه : يخسي ويعقب! انا يقول عني خكري والله ما اخليه والله! مشى وهو متجاهل صراخ وعصبيه أم مِطلق يغسل خشمه ووجهه ..
نزلت أم مِطلق تجدد الجمره لـ بخور أبو مِطلق وهي تستغفر بـ عصبيه قابلت هيام بـ غرفة الملابس تكوي ملابسها نطّقت أم مِطلق بعصبيه : وين الفحم!
هيام بـخوف : شفيس يا يمه!
أم مِطلق : اخوانس وهوشاتهم ما تخلص حسبي الله**
هيام : تكفين يمه غير حسبي الله عيالس هذولا!
أم مِطلق : استغفر الله
هيام : الفحم فوق الدولاب
توجهت أم مِطلق تجدد الجمّر لـ أبو مِطلق ، وخلصت بعد فتـره طلعت لـ الصاله وبيدينها المِبخره فتح أبو مِطلق شماغه وأخذ البخور منها يتطيب : وين عيالس ؟
أم مِطلق : فوق ما غير يتهاوشون مثل الورعان
أبو مِطلق : مطلق ما ترك عوايده وطبعه
أم مِطلق : والله اني احبهم جميع لكن يقهروني
ضحك أبو مِطلق : دوري له حرمه بس
أم مِطلق : رفض خمسه وفوق !
أبو مِطلق : عقبال السادسه حلاله ...
أم مِطلق : اميييين
مدّ المِبخره لها: خلي عيالس يلحقوني المجلس وجيبو دّلات القهوه والشاي لا تنسون شيء
أم مِطلق : أبشر يا مصعب
توجهت أم مِطلق لـ المطبخ تبدأ تحضر القهوه لـ الرجال ثم الحريم ..
طلع من الحمام " اكرمكم الله " بـ ملابسه الداخليه حقت الثوب أخذ ثوب من الدولاب يلبسه وأخذ غُتره بيضاء حطها ع السرير وعقال وطاقيه , لبس ساعته وحزامه وسلاحه وقف يظبط غُترته قدام المرايه تقدم يقّرب أكثر من المرايه يرتب شنـبه ولحيته أخذ عِطره الثقيل الي ما يطلعه الا وقت العزايم والاعياد والزواجات بخّ بختين أخذ سبحته ونزل لـ اهله وهو يلعب بـ سبحته جات عيُونه على عزام الي كان يشيل دّلات القهوه من أم مِطلق
مّثل إنه يكح قدام عزام ونطق بـ صوت ثقيل : يمه وين باقي الاغراض ؟
أم مِطلق : يا هيامم جيبي الشاي لـ مطلق
ناظره عزام وأبتسم له بـ خُبث : ثقيل على مطلق انتبهو
ناظره بحِده وعرف إنه يقهر أخوه طنشه وأخذ ترامس الشاي من هيام طـلع لـ المجلس عند أبوه وحطّ الشاي على الطاوله حط عيُونه على أبوه وهو يتكلم مع أبو صَدف : ابد حياكم
قفل جواله وحطه بـ جيبه تحت أنظار مِطلق ونطق مِطلق وهو يناظره نطق : عزمت غير بدر ؟
هزّ رأسه بـ نفـي : العزيمه خاصه له واشكره
مِطلق : الله يكثر خيرك ..
دخل عزام بيدينه دّلات القهوه : سلام عليكم
رد أبو مِطلق السلام لـ عزام وكان مِطلق مطبق الصمت العقابي لـ عزام طلع بـ سُرعه وإستعجال لا يمسكه ابوه تسفيل وسبّ ما رد السلام على أخوه
عزام الي نـزل المِسواك : علامه ذا
أبو مِطلق : ما عليك منه رخمه رح خبّر اختك وامك اهل التميمي قريبين من حينّا !
عزام : الاااااان!
ركض لـ الداخل ينطق بـ صوت عالٍ : يا يمه!!!
طلعت أم مِطلق وهي تنشف يدينها : ها يا عزام!
عزام الي مسك كتّفها الصغيـر : ابوي يقول اهل التميمي شوي ويوصلون تجهزو
طلعت هيام تحط الحلا ع الطاوله ونطّقت أم مِطلق : جاهزين جاهزين
عزام : زين استودعتس الله
أبتسمت أم مِطلق ونطّقت لـ هيام : سرييييع قربو!
صارخت : ما لبست فستااااااني!!!!
ركّضت لـ غُرفتها تلبس فستانها وطلع مِطلق من المطبخ وهو يشرب مويه: وصلو؟
أم مِطلق وهي تقلده: وصلو؟ حرمه انت طس عن وجهي باقي ما وصلو ورحّب فيهم زي الرياجيل!
عقّد حاجبينه ولا قدر ينطق شيء لـ أمه غير : سمي
أم مِطلق : يلا وش تنتظر !
مِطلق : قولي لـ هيام حركات ورعان ما ابي قدام الرجال تقومني اروح هنا ولا هنا !
ضحكت بخِفه : خلاص ابشر بس رح لا يسلخ جلدك مصعب
طلع وهو يرفع إكمام ثوبه ويرفع شماغه ..
..
~ فـ بـيـت أبـو نـاصـر ~
نزلت شِنطها : ساعدني بطيح بطييييييح!!!!
أخذ خالد منها الشنط و نطق بـ عصبيه : خفي علي شايله شنطتين على رأسس بعد محسستني جونسينا !
نغم بحِده : حرك حرك دمك ثقيل الله يحفظك
خالد : ليه أحرك سياره انا !
نغم : يا ثقل دمك طالع على تميم اقول اذلف
خالد : بس شنطتس معي
ضحكت بخِفه : نزلها الصاله لو سمحت
خالد : سمي
مشى يتعدّا درجه درجه ونغم وراه ماسك شِنطّها وهي بـ المثل معها شَنطّتها ..
حط الشنطه عند الدرج يتمغط: حاطه جثه ف الشنطه انتي؟
نغم : الصراحه ما الوم نفسي معليش الاجازه كلها بالديره لازم ملابس شتاء وصيف وخريف و **
خالد : بس بس خلاص عرفت كل الفصول
نغم : اي بالظبط وتعرف يعني عيد ولازم كشخه
خالد : والله من ثقل شنطتس سيارة ابوي تتمردغ من المطبات
نغم : ما فهمت !
خالد : سلامتس
نزلت أم ناصر وهي تصفق : يلا يلا بننزل بعد شوي
نغم: يمه وين تميم طس !
أم ناصر : ما ادري عنه مب معكم؟
هزّت رأسها بـ نفـي وقاطعها خالد : بـ الصناعيه يجيب سيارته
أم ناصر : وانت وينك ما رحت معه تساعده!
خالد : سيارته ويجيبها ليه اروح اساعده الله يهداس
أم ناصر : طس عن وجهي وجهز أغراضك
خالد : يعني ما في امل اجيب سيارتي ؟
أم ناصر : في امل ليه علامك !
خالد : الوالد يقول ثلاث سيارات بس ناصر وتميم وابوي
أم ناصر : ما عليك منه خذ سيارتك وتعال انا بقول له
فزّ وباس رأس أم ناصر : كفووووووو!
أم ناصر بـ إبتسامه : كفوك الطيب
نزلت حِصه وبيدينها أغراض تركي ولدها صدّ خالد من حِصه وطلع من الصاله السُفليه تنهدت بـ تعب وناظرت المطبخ الي كان مطـل على الصاله : يمه المطبخ مفسخ!
أم ناصر : شتخربطين إنتي؟
أنفجرت نغم تضحك بصوت عالٍ : قصدها إن ما في ولاشيء بالمطبخ صار فاضي
أم ناصر : اي أزين فاضيه أنسى اكلات واشياء بـ الثلاجه والفرن ويتخمجون وتصير ريحة غنم ميت
و سطام يقعد يسفل فينا كلنا
ضحكت حِصه بصوت عالٍ : الا صح متى يجيبون الاضحيه؟
نغم : اصبري يوخيتي بكره عرفه بدري
تخصرت أم ناصر بعصبيه : بدري اجل ! يجيبونها اليوم او بكره ما ادري الصراحه
هزّت حِصه رأسها بـ معنى طيب
أم ناصر : جيبي كل احتياجات تركي والاحتياطات
حِصه : ما عليس حريصه
نغم : ترا الديره مب شيء واو
أم ناصر : واو ومعروفه ما فيها بقايل ومحلات قريبه من بيوتنا وقريتنا
دخـل تميم البيت وهو يصارخ بـ إسم أخوه خالد صدّ وشال عيُونه بعد ما عرف أن حِصه موجوده طلعت حِصه لـ جناحها ونطق تميم بـ عصبيه : وين المهبول ذا !
نغم بـ تعب : منهوووو!
تميم : خالد و منهو غيره!
أم ناصر : طلع برا قبل شوي
تميم : غبي ترك سيارته البيبان مفتوحه والشنطه
نغم : يمكن يسقي الزرع برا
تميم : لا يا شيخه ؟
ضحكت بخِفه : اي وشو !
تميم : بالله سدي حلقس مب ناقص لس!
نغم : يمه قلت له شيء ؟
أم ناصر بـ تأفأف وعصبيه : بسسسس هوشات وراعين ما تخلص!
دخل خالد البيت : نغممم تخاويني انا ولا ابوي ؟
تميم : انت وين ذلفت!
خالد : يخوي كنت انظف داخل السياره !
تميم : وليه ما شفتك!
خالد : ما عندك عيون تشوف فيها
تميم : والحين اشوف بـ وشو ؟
خالد : اعلمك بـ وشو؟
تميم الي ضربه بـ السبحه على ذراعه : اذلف
خالد : ها تخاوين من !
نغم : سيارتك فاضيه ؟
خالد : شرايس ؟
نغم : خلاص بجي معك خذ أغراضي وشنطي
تقدم ياخذ شنطها: الصغيره هذي جيبيها أنتي
أخذت شنطتها الصغيره وإتجهت ورا خالد أخوها
تميم : يمه
أم ناصر الي كانت تجهز أغراض أبو ناصر : ها يا تميم ها!
تميم الي تكـى على الكنبه : تميم جويع يرضيس؟
أم ناصر الي لفت له: اي يرضيني احسن محد قال تطلع لـ الصناعيه بدون ما تفطر
تميم : اح يعني جحدتي ولدس؟
أم ناصر الي أشرت ع المطبخ : شايف المطبخ ما في ولا شيء غير المواعين لو دخلت وهبدت ب الاكلات حشيت رجولك! اطلب لك او طس خذ لك من برا
تميم : اح اح اح خلاص الا عصبيتس يا الغاليه
أم ناصر : الا وينه مِطلق ؟
رفع كتُوفه بـ معنى ما أدري : كلمته قبل ساعه قال ان وراه شغلات
أم ناصر : الله يوفقه
تميم بمِزح : وانا ؟
أم ناصر الي رفعت يدينها لـ السماء تدعي لـ تميم : يا الله انك توفق ولدي وتسعده
أبتسم وفزّ من مكانه يبوس رأس أمه : الله لا يحرمس من تميم
أم ناصر بـ إبتسامه : اللهم امين وعساني اشوفك عريس قبل اموت
تميم: فال الله ولا فالس وان شاء الله تشوفيني عريس
أم ناصر : يلا يا تميم لا يوقف أبوك فوق راسي ويستعجل!
أشر على خشمه : على خشمي
طلع غُـرفته فتح شِنطه على السرير توجه لـ الدولاب وطلع ثيابـه وأشمغته والعُقل والطواقي وملابـسه الداخليه بدأ يرميهم فـ الشِنط ويرتبهم , خلص من الملابس وتوجه لـ تسريحته الي كانت مليئه بـ العطُور والعُود , أخذ عطوره واحتياجاته الثانيه ..
قفل الشِنط طلع ثوب العيد الجديد الي كان بـ كيس ومكوي ومجهّـز من الدولاب علقه على جنـب أخذ الشِنط ونزلها على السرير وأخذ شماغ العيـد الجديد جات عيُونه لـ أغراض تركي الي أخذهم قبل أيام , ضرب جبهته بـ غُبـاء وكان مجهز هديته أخذ الهديه بـ إبتسامه ونزل يصارخ بـ إسم تركي ولد أخوه : ترررركييي!!! يا ترررركي!
ركض تركي لـ عمـه وحضن تركي تميم بـ حُب وكان تميم ما ينسى تركي فـ أي حاجه ويعتبره مثل ولده وأخوه باس تميم رأس تركي بـ لُطف وحِنيه مدّ كيس هديته لـ تركي : عيديتك والفلوس تبشر بـ يوم العيد!
أخذ تركي الكيس : وش هذا يا عمي!
تميم : أفتحه وشوف انت
ناظـر بـ الثوب و الإكسسوارات الرجاليه ~ الأطفال ~
أبتسم بـ تعجُب وهو يناظر لـ السبحه الي كانت بـ اللون الأصفر الغامق و إسمه على الجنب
" تُـركي " نطق بـ إبتسامه : الله يخليك يا عم شكرًا!
تميم : أبد انت قول بس وابشر ولا تتشكر لا سمعتك وانت تشكرني خنقتك
ضحك تركي : الله يسعدك جذبتني السبحه يا عمي
تميم : تستاهل كللل خير !
مسـح على ظهره : يلا قم تجهز لا يجلدك جدك
~ أبو ناصر ~
أشر تركي على خشمه : على خشمي !
باس خشم تركي وقام من الدرج يرجع لـ غرفته
باس تركي رأس تميم من باب الإحترام , باس تميم خدّه وعضّ خده ضحك تركي ونطق بـ آلم : فداك خدي يا عم
تميم : يا روح عمك انت !
أبتسم تركي وشال أغراضه وراح تميم يرجع لـ غرفته ياخذ شِنطه ويحملها لـ السياره أخذ ثوبه وشماغه يرفعهم فوق لا يتوصخون من الأرضيه ويجي عليهم شيء , أخذ شنطته الكبيره دّف الباب بـ جبينه ينزل ركض على الدرج وشاف نغم تلبس عبايتها وقف يشوفها : مضيع يبو الشباب بدري !
نغم : بدري اجل ! ابوي جا يقول يلا وخالد شغل سيارته وناصر بعد وانت خلك هنا
لف لـ تركي الي كان بـ يطلع : تركي!
تركي : لبيه يا عم
أبتسم بخِفه : وين ابوك الشايب ؟
تركي لـ ضحكه : ف سيارته
تميم : يلا يلا روح لا تتأخر عليه , طلع تركي ولّف يكمل لـ نغم : الحين منجدكم أنتم!
نغم : وش علامك انت !
تميم : الساعه كم؟
نغم : تميم شارب شيء؟ رفعت يدها تشوف ساعتها : الساعه ١٢:٣٠
تميم : قبل شوي كان الصباح !
نغم : انهبلت شكلك يلا يلا اشوفك ب الديره حبيبي
تميم بـ قرف : وش حبيبي طسي طسي
طلعت نغم وركّض تميم لـ سيارته وقف وهو ينط من سخونة الأرض : احححح اححح
فتح باب السياره وركّض يفتح الباب الخلفي يحط شنطته ويعلق ثوبه و شماغه قفل الباب الخلفي ورجع من جديد لـ باب السائق شغل المكيفات وقفل الباب طلع بعد ما نطق أبو ناصر بـ عصبيه : يلا يااااا وللللد!
تميم بـ صراخ : درب السلامممه يبه لاحقكم
ركب أبو ناصر سيارته وحرك وناصر وخالد وراه ..
دخل البيت بـ إستعجال ركض لـ الدرج وشاف سوارة شال السواره وشاف الإسم " نغم " أخته ضحك بخِفه : مهبوله! حط السواره على الطاوله وركّض لـ غرفته يلبس ثوبه ويشيل شاحنه وجواله ويطلع ..
لبس ثوبه وحط جواله ومحفظته بـ جيبه وشال شاحنه بـين يدينه قفل الأنوار و المكيف ودخل يقفل أنوار دورة المياه .. قفل باب غرفته بـ المفتاح وركّض يشيك على غرف أخوانه وأخته وشاف إنهم مقفلين الأنوار والبيبان بـ المفتاح قفل أنوار المدخل الي فوق ونزل من الدرج يقفل جميع أنوار البيت و المطبخ ويطلع الأفياش , وقف برا عند الباب يقفل الباب بـ المفتاح وركّض لـ سيارته طلع من البيت ونزل من جديد يقفل باب الشارع بـ المفتاح أيضًا
طلع من الحي متوجـه لـ أقرب مطعم يتغدأ ويمسك خط الديره ..
..
~ فـ بـيـت أبـو ضـيـدّان ~
دخل حاتم البيت بـ تعب بعد صلاة الظهر وشاف أهله قاعدين : السلام عليكم
ردو السلام على حاتم , قعد ونطق بـ إبتسامه : مين جاب الاضحيه؟
موضي : ضيدان
حاتم : كان خليتو وحده جايبين ثلاثه ما شاء الله واجد!
موضي : اهل الديره واجد واهلنا بعد
أبو ضيدان : انت رح ارقد بس هذا الي فالح به
حاتم : افا يبه !
أم ضيدان : تو بدت الاجازه وانت ذا وضعك نوم واكل غير من روتينك شوي اعوذ بالله!
حاتم : يمه مين الي يشتغل اربع وعشرين ساعه ب الدكان؟
أبو ضيدان وهو يقلده : دكان؟ تراك قاعد مثل الامير فوق الكرسي وتحاسب غيره ما منك فايده
حاتم : ومين الي يرتب أغراض الدكان !
أم ضيدان : تذلنا على دكان !
أبو ضيدان : اتركيه اتركيه انتظره يخلص دراسته يشتغل بـ مكان ثاني غصبًا عنه
حاتم وهو يحك رأسه : هدو وماله داعي هواش وسب بكره عرفه !
ضيدان : انت اول واحد تسب
حاتم : سد حلقك بس
أبو ضيدان : العصر رح مع عيال عمانك العزبه
حاتم بـ تأفأف : يبه دكان ولا العزبه شيء واحد!
أبو ضيدان : ضيدان بيمسك الدكان اليوم
ضيدان : ابشر يبه اروح العزبه ؟ ابشر من عيوني
حاتم: مسوي تصرف؟ اقول غصبًا عنك
ضيدان : يبه المفروض انا العزبه وهو الدكان ما يفهم شيء بـ الإبل توه بزر طالع له شعرتين على وجهه!
حاتم الي مسك لحيته ونطق : تعقب !
أبو ضيدان : خلاص خلك بـ الدكان وضيدان يروح العزبه
موضي بـ ضحكه : القمم خيس ب الدكان
حاتم : اقول سدي حلقس بس حسبي الله عليس
موضي : شفت يبه شفت يتحسب على اخته الكبيره!
رمّت أم ضيدان عقال أبو ضيدان على حاتم : وجع استغفر ربك!
حاتم بـ آلم : استغفر الله !
لينا : شرايك يا جد امسك الدكان عنه!
حاتم : شكرًا مب حاجة لـ بنت وحريم
ضيدان بـمِزح : مسوي رجال؟
حاتم : رجال وطرق عن خشمك
أبو ضيدان : ما عندنا بنات يشتغلون اعقبي بس
لينا : شفيها الشغل مب عيب !
ضيدان : اخلص من حاتم وصجة رأس تجين انتي؟
لينا بـ ضحكه : العذر والسموحه ما قلنا شيء
ضيدان : موضي سوي اجواء عيد شوي شذا !
موضي : وع! اصبر باقي ما دخلنا عرفه فيك دوده انت!
ضيدان : لا بس حسيت لازم الحين
أم ضيدان : الا صدق احد يعرف العيد بـ بيت من!
موضي : ما قالو بـ القروب ؟
ضيدان : ما ظنتي
أبو ضيدان : الظاهر فـ بيت سطام
أم ضيدان : وانت شدراك!
أبو ضيدان : ما سمعتيني وانا اقول الظاهر!
أم ضيدان : علامك خلاص زين زين
..
عِند التميمي فـ الديره تحديدًا
~ فـ بـيـت أبـو طـلال ~
وقـف الجد هزاع مساند عصـاته : يا نادر !
وقف أبو طلال وراه : سم يبه
مسح لحيته ونطق : قل لـ أخوانك الفطور بكره ببيتي
هزّ رأسه بـ معنى طيب : ابشر
نزل طـلال : السلام عليكم
ردو السلام عليه وتقدم طلال يبوس رأس ابوه و جده وقف يشوف ومسك ذراعه أبو طلال : ارسل بـ قروب الاهل الفطور فـ بيت ابوي بكره بإذن الله
عقّد حواجبه : الأفضل يا يبه انت الي ترسل!
أبو طلال : صدق ؟
ضحك بخِفه : أيه يبه
طلع جواله يدق على أبو صَدف وإستغرب إنه ما يرد : علامه ما يرد!
الجّد هزاع : الظاهر انه مشغول دق على آسر!
هزّ رأسه بـ معنى طيب : غريبه بدر مب من عوايده يعطيني مشغول !
الجّد هزاع : مدام عطاك مشغول يعني مشغول ما تفهم!
ضحك بخِفه: يبه مشغول هذا غير عن هذا
نطقت نجود تصارخ من بعيد لـ طلال : طلاللللل!
لّف لها: شبغيتي ؟
نجود الي أشرت بـ معنى تعال , توجه لها وقف قدام أخته : خير !
نجود بـ قرف : اسلوب شويه !
طلال بـ تأفأف : شبغيتي اخلصي !
نجود : ابي كاميرا حلوه من عندك
عقّد حواجبه : شتبين فيه؟
نجود : ابيه بعد بكره لـ العيد نصور صور جماعيه مع البنات تكفى !
طلال : تعرفين لـ الامور ذي ولا ؟
نجود : ترا كاميرا مب قاعده اصلح سياره!
طلال : مب وقته ذلحين تعالي لي بكره
نجود بسخـريه : وليه مب اليوم !
طلال : اعقلي قلت بكره خلاص لا تذلين ام امي!
نطقت بخِفه : وع
طلال : والله لأكنسل أبو الخطه !
نجود : يا ماما ماقلت حاجه !
طلال : انثبري احسن لك
رمّت عليه الوساده الصغيره : وع نفسيه
طلال : قومي قومي سوي لي اكل لا أهفك
نجود : نعم نعم!!! العامله مقصره معك بشيء
طلال : خلاص اجل ما في كاميرا
وقفت بـ عصبيه : مب حاجة لـ كاميرتك الزفت
ضحك بخِفه : اف اف خلاص امزح معك اهجدي لا تسوين اكل
قعدت وشمقت له بقهّر , توجه يصارخ بـ إسم عاملتهم : ماريااااا ! يا ماريا!
طلعت له بعصبيه : نعم إيش في؟
طلال : اقععععد سوي لي اكل
مشت وهي متجاهله طلال الي كان ينرفز أي احد بـ العائله ..
نزلت موج ركض بـ يدينها فستان : كيف حلووو؟
نجود بـ إنبهار و صرخه : أنتي صممتيه!!!!!
ضحكت بخِفه ونطّقت بـ حماس : ايووووه!
نجود : يجنننننن
غطت وجهها بـ الفستان : اللهههه
نجود : للعيد صح؟
هزّت رأسها بـ معنى أي ، وكمّلت نجود : بنات عمي بدر يقفلون ملفاتنا كل عيد ومناسبه
زفرت بـ قهر : وع صدق !
رمّت عليه علبة الڤاين : اذكري الله!
موج : ما قلت شيء ما شاء الله يعني
نجود : يبي لك كف على كرهك لهم تراهم عسولات !
موج : عسولات اجل يا شيخه اذلفي تكفين
نجود : اي عسولات بسم الله عليهم!
موج الي تكّت على الكنّبه : ما اقصدهم بـ الجمال هم فعلًا جميلات الله يحفظهم لكن الاخلاق اخلاقهم معي زي الزفت
نجود : عدلي علاقتك واخلاقك بـ الاول بعدين فكري يكلمونك زي الناس والاوادم
صدّت بـ حِقد : اعدل ؟ ايه زين
..