"من يوم شفتك وقلبي مد لك يده والعين ذابت في روعة حسنك وزينك"

P4

بالديره:

عند الرجال:
ابو سعود:اسمع ياراشد انا عازم جارنا وليد ابو ياسر
ابو خالد:حياه الله
خالد:يبه انا بروح اشوف النياق

اكتفى  راشد بهز راسه وطلع خالد

عند الحريم:
ام سعود:ذا ابو سعود توه دق يقول جارتنا ام ياسر بتجي
ام خالد:اي حياها الله
وجد:يعني احمد بيجي معهم
شروق:وليش تسالين
وجد:احب اللعب معه
لمياء غمزت لها:تحبين تلعبين معه ولا تحبينه
شروق:لمياء عيب
لمياء قلدتها:لمياء عيب
شروق:هنا كتمه انا بطلع برا شوي

عند رغد وانجود:

راحت انجود لغرفة رغد

انجود:ها وش قال
رغد:قال أبوه مو فيه وامه ماتعرف
انجود اكتفت بهز رأسها وطلعت

بمكان ثاني عند سعود وعبدالله
عبدالله:سعود اليوم ويكند تعال نطلع نغير جو
سعود: عبد الله تكفى مو فاضي لك
عبدالله سوا الحركه ذي 🙌🏻:مالت عليك
سعود:وعليك

عند ابو ياسر:
دخل البيت وبصوت عالي
ابو ياسر:ضحى
ام ياسر:سم
ابو ياسر: سم الله عدوك ترا احنا معزومين عند جارنا ابو سعود وابو خالد بالديره خلي العيال يجهزون والهنوف واحمد بناخذهم معنا
ام ياسر:ابشر الحين لقولهم
تقدمت ام ياسر تطلع فوق طرقت الباب
ودخلت
تعدل ضاري بجلسته:سمي
ام ياسر:سم الله عدوك
ضاري:وش بغيتي يمه؟
ام ياسر:لا ابد بس جايه اقول لك ابو سعود عازمنا تجهز
ضاري:ابشري
ام سعود:تبشر بالجنه

نزلت ام سعود تحت
ام سعود:ها اتصلت على ياسر قلت له؟
ابو سعود:اي قلت

بالديره:
طلعت شروق تشم هواء
شروق تنهدت:الله الجو حلوو والله داخل كان كتمهه
لفت انتباها خالد الي كان عند النياق
قربت عنده

ناظرها
خالد:سمي اختي بغيتي شي؟
شروق:لا بس جوا كان حر وطلعت برا
خالد:بروح احلب النياق تجين معي؟
شروق:اي ليش لا

عند ابو ياسر الي وصل الديره سلم على ابو خالد وابو سعود
ابو سعود:وش اخباركم عساكم بخير
ابو ياسر:والله كلنا بخير الحمد لله
ابو سعود: الحمدلله
ابو خالد:اي حياكم الله اقلطوا
ابو خالد:ياسر تلاقي خالد عند النياق روح شوفه وخله يجي يسلم على ابوك
ياسر:ابشر ياعم
ابو خالد:تبشر بالجنه
طلع ياسر متوجه عند النياق شاف خالد وبجنبه بنت توقع أنها أخته ومارضى يقرب أكثر ناداه من بعدين
خالد:شكل عمي ابو ياسر جا بروح اسلم عليه
شروق:اي حتى انا بروح اسلم على عمتي
راحت شروق ومن شافها ياسر راحت ركض عند خالد وحضنه
ياسر:لك وحشههه والله
خالد بادله الحضن:والله وانا اشتقت لك ولضاري
ياسر بعد عنه:يلا تعال ابوي يبي يشوفك
خالد جاي جاي