ابتسام :- سمعت صوت طلقه و صرخت راعوث بـ اسم عُقاب تخبلت احس رجليه جمدن لا اكدر اكوم ولا اكدر احجي شفت راعوث نزلت تركض خايفه وترجف وما حجت ايشي وكلبها اله شويه يطلع من مكانه واني مادري شصاير بس كلبي مقبوض کمت وراها دفعتني وطلعت تركض كامت فرح وراها کمت طلعت للحوش شفت راعوث فتحت الباب وكعت بالكاع منتهيه لا انفاس ولا حركه عُقاب نزل عيونه على المنطقه وعليها يضرب على خدها ماكو ماتصحه أيست منها مثل الميته خفیفه ایدها بارده باوعت على ايد عُقاب كلها دم ردن القميص انصبغ بالدم
ابتسام :- زلغت خدودي وصرخت ، عقاااااب ايدكككك سوده بوجهي شنو هذا الدم يممه صخام الصخمني
عُقاب :- شلووووون اطلعوووون ورااااي يعني شفتوووو کو ***** رمممه طلقه عليه ومتقصدددد شلون تعرضووووون حياتكم للخطررررر
ابتسام :- صدك تحجييييي عُقاااااب يمه ايدككك سوده بوجهي الله ياخذ عمرري ويخلصنييي
- على صوتي طلعو الجوارين و عُقاب كل باله يم راعوث السياره الجام متفلش ودمه يسيل على ايده
حسن :- ها ها خويه اللهم صل على محمد وآل محمد خير شصاير شبيكم خويه عُقاب منو تأذه شنو هذا الدم
عُقاب :- شغل سيارتك بسرعه
ابتسام :- رحت بسرعه لبست وطلعت جيرانه جاب سيارته يم الباب عقاب يحاول يشيل راعوث ماخله واحد يلمسها شالها حطها على الكشن بالوره كعدت يمها نيمتها بحضني صايره قطعه جليد
- ركب عُقاب اجو الولد انطو وصله شد ایده قوي وايده شبه بيها رجفه دمارات ایده برزت اكثر وصار لونهن شبه بنفسجي وهوه كل باله يم راعوث وما انطه أي اهتمام لايده المتصوبه
- راعوث منتهيه بحضني مادري اخاف على عُقاب لو عليها انطلق للمستشفى بـ سرعه قويه وصلنه نزل عُقاب شالها ودخل للمستشفى حطها على السديه ودخلوها للغرفه حجه و يادكتور
- سيدي متصوب ؟
عُقاب :- بس دير بالكم على زوجتي خلي تكعد اريد ارتاح شلون حجي هذا دتعال اعالجك خاسر دم هواي
عُقاب :- فدوه الها
- والله تكعد بركبتي بس تعال وياي
ابتسام :- راح عُقاب بين ما يضمدون جرحه بقيت افتریم الغرفه ما يخلوني ادخل وياها وره شويه وطلعت الدكتوره
- منو ويا المريضه الجوه ؟
ابتسام :- اني اني شبيها حاجيني بيها شي كلبي انمرد مرد راح اموت والله ضغطي هبط من الخوف
- عيني علكيفج البنيه شويه وتصحه بس ماخذه علاجات لعمر اكبر من عمرها ومأثر عليها وعلى كلبها و متعرضه لصدمه بسيطه وفقدت وعيها
ابتسام :- يمه سوده بوجهي شما خذه بنيتي شبيها خو ما يصير عليها شي خاف حامل فدوه اروحلج ديربالج عليها انشاء الله عدها العافيه تكدرين تكعدين يمها بين ما تكعد
