دخلت الغرفه تطفي النور ، كانت بتستلقي على السرير لولا يدّ جسّاس الي سحبتها وصرخت بخوف ،
جسّاس: اوبا ، هدّي من روعك
رفعت راسها تناظره: وش الحركات ذي جسّاس اعقل
رفع حواجبه جسّاس: حركات وش! زوجتي ترا
ضحكت الجوهره: ياشينك اذا قلت زوجتي ، كانك قايل نكته ،
لفّها جسّاس لاتجاهه ،يقبل طرف ثغرها ، ويمرر انامله على خصرها بهدوء وترّها، بعدت يده عنها: جسّاس وش تسوي!
ناظرها جسّاس: ترا مشيتها لك لانك كنتي متوتره مني ومانتي متعوده علي ، الحين خلاص طفح الكيل ، انا اعلنها لك اذا انتي بتقعدين تكابرين كذا
صرخ : احبببش تعرفين وشو يعني؟ يعني اهيمش ، يعني اتنفسش ، يعني ابي رعد باختصار ، هذا اكثر شي اعبر عن حبي فيه ، رعد
تنفست بهدوء الجوهره تتوتر ، هي ما تقدر تقول لا وتاخذ ذنب ، استسلمت له تسكت ، قبّل ثغرها جسّاس ، وبادلته القُبله الجوهره بخجل ، ابتعد عن ثغرها ، سحبها مع خصرها يتجه للسرير ، حرّرها من لبسها ، يتحرر هو قبلها من لبسه ، ونقدر نقول امتزجت الارواح ، انتصر حُب جسّاس الطاهر ، في هذه الليله ، كلاهم يتخلص من خجله ، "واولهم انا الكاتبه" ،
انتهت الليله ، بوصل احد ابطالنا واهمهم ،
،
ناظرتهم نوف بجنون ترفع صوتها: فواز ماراح اخذه لو اموت
العنود بعصبيه: فواز اقرب لك من ساير!
راجح: ماهي على القرب ياحرمه ،البنت تبي ساير ، خلاص ابلغ ساير انها موافقه ،
نوف: ياخي انتي وش لاقيه بفواز؟
العنود: رجال
راجح بحدّه : وساير ارجل منه ، وازين ماختارت بنتي ،
العنود: لاتجننوني! اخر عمري اعطي بنتي لولد نرجس!!
نطقت نوف بحدّه توقف: ساير وماني اخذه غيره لو اعنّس عمري كله
التفتت العنود لراجح: شفت شفت، تحبه انا داريه تحبه
راجح: لو ماهو رجال ماجا يخطبها ، اختار انه يحبها بالحلال ، الرجال مافيه عيب لو تطلعين لسهيل وتعودين ، ساير اعتبره ولدي، زي ما خيّال وجسّاس واحمد عيالي،
تقدمت تضمّ ابوها نوف ، شدّ عليها يبتسم وابتعدت عنه تطلع لفوق ، دخلت غرفتها ،
التفت راجح يناظر العنود: لاتنكدين عليها ، خليها
العنود: اي خليها خليها، ولا صار فيها شي قلتوا العنود ماوقفتهم
راجح: لا ماننا قايلينه بس كفينا شرك
اخذ الجوال راجح يدق على ساير ، ويناظر في العنود ينتظره يرد ، اعتدل بجلسته ساير يرد : ارحب
ابتسم راجح: تبقى يامرحب ، البنت وافقت والله يبني بيتكم على العزّ والطاعه ان شاء الله
توسعت عيونه بذهول يوقف: انا في وجهك ياعم
ضحك راجح: ترا بهوّن
نطق بسرعه ساير: لالا ، وش تهوّن الله يصلحك
راجح: الله يوفقكم يابو سعود، ووالله انك تستاهل كل خير
ساير بفرحه :تستاهل الطيب جعلني قبلك
قفل راجح وصرخ ساير : حاااااي
نزلت عهود تناظره مرعوبه ، ناظرها يضحك وصرخ ينطق بحماس وهو يبتسم : ووش يقووول مهنناا
افرررحي واستاامني بالخيير يالعييين الكحييله
ضحكت عهود بذهول : احلف بالله
كملت عهود تناظره: هييه كذاااب
فهمته لان الشطر ذا عندهم مربوط بالافراح ، كل ماتزوج واحد شغلوه ، فهمته ان نوف وافقت ، ضحكت عهود
وصرخ ساير بحماس يرقص ، حذف عقاله يطيره فوق ويرجع يمسكه ، مسكت جوالها تصور ساير وهو يرقص على الشيله وشايل السماعه ، ارسلته بالقروب الي جامعين عايلة راجح وعايلة سعود وعايلة عبدالعزيز وعايلة سلطان فيه ، طلعت من الحمام الجوهره
"يُكرم القارئ"، وناظرت جوالها الي امتلى اشعارات ، دخلت القروب تناظر الفيديو وضحكت تناظر ساير ، لانت ملامحها من سمعت الشيله! ،
همست الجوهره: تكفى ياساير!
كتبت لهم ترسل: اسألكم بالله!
ضحك جسّاس يناظر ردة فعلها ورجع يناظر محمد الي ارسل : حي ابو سعود
"محمد وساير رجعت علاقتهم طبيعي ولا كأن صاير شيء" ، ارسل ساير : خلاص من قدكم العريس ابو سعود يراسلكم
ضحك جسّاس بقوه يرفع صوته: ياااووويييل امهااا ياساير
ارسل موقع الاستراحه ساير يكتب تحته : حياكم الله على عشاء ابو سعود بمناسبة ملكته بكره ، حجزتها لنا قبل الملكه بيوم ،
ارسل احمد: يعني نجي الحين ولا بكره؟
كتب ساير يرسل لهم: يارجال اقول لك قبل الملكه بيوم والملكه بكره يعني تعال اليوم
ارسل احمد: طيب لاتنافخ ولا والله ماحضر
ضحكوا من حسّيت احمد ، وارسلت الهنوف: نوف يعنني مستحيه تشوف وماترد ، بليز مو لايق
كتبت بسرعه نوف ترسل: تخسين من قال ، هذي حركاتك انتي ونجد
ابتسم ساير يكتب: ارحبي ام سعود
كتبت نوف وهي تضحك ترسل: ترا بخلعك
ساير: لاحول ولا قوة الا بالله ،استهدي بالله
احمد: ترا بعلم ابوي
ساير: زوجتي انت شتبي
احمد: زوجتك بكره يالسلقه
ساير: تمون يابو نسب
وقف جسّاس عند باب الاستراحه هو والجوهره وكتب يرسل بالقروب: افتحوا الباب بس
ساير: قلنا له اقلط وقلط صدق
جسّاس : انت بتلبخ ولا كيف
ساير: بلبخ عشان زوجتي بس
التفت جسّاس من فتح ساير الباب ودخلوا ، ضمّته الجوهره تضحك: مبروك يالحب
ابتسم ساير يبتعد ينطق: الله يبارك فيك
،
«قسم الحريم»
ابتسمت نوف من دخلوا البنات تنطق: ارحبوا خوات زوجي العزيز
ضحكت الجوهره من فزّت نوف من قرصة العنود ،
تآوهت نوف بألم تفرك مكان القرصه: ياخي عادي شفيها زوجي !
العنود: انتي مارج مافيتس طبّ
ضحكت الهنوف : الايام ذي الزواجات ماتوقف ، مافيه بريكات ماشاء الله
نجد: جسّاسوه الزق فتح لهم مجال ،
ضحكت تِذكار: هم ينتظرون احد يحركهم بس
سِهام: الله يستر علينا يارب لايجينا الدور
خزنه: افكر اخطب لاحمد
همست تِذكار: حوالينا ولا علينا يارب
ضحكت اسماء : كل واحد تدبّس ببنت عمه والي بنت خاله والي بنت خالته ، غيّروا وراكم ثبتوا
نجد: انا بزوّج اخواني برا القبيله بعدّل النسل
سِهام: أأيدك
التفتت عليها نجد: بس انتي حلوه ماتتوفتين خلاص بخليك لواحد منهم
سِهام: لا حبي انا بتزوج سيركاي
ضحكت تِذكار: وش ذوق المراهقات هذا
نجد: صدق سِهام انتي وش تدرسين؟
همست سِهام بهمس سمعوه: والله البلشه هاذي ناويتني
ضحكت نجد ونطقت سِهام: بأول جامعه
،
كانوا العيال صافين ويرقصون بحماس ، وكسروا الارض على دروبهم ،ضحك سعود: يا الله انك لاتسلط علينا
راجح: ولدك مطفوق ، كيف زوجته بنتي انا
سعود: ماني خابره كذا ، بنتك الي عامله العمايل يابو جسّاس
ضحك راجح: تقوله صادق؟
ابتسم سلطان: الله يبني بيته ان شاء الله
ارسل جسّاس للجوهره تفتح له باب القاطع الي بينهم وطلعت تفتح له وهي لابسه عبايتها ،
ناظرته تحاول تتناسى ليلة امس ، تحس كل ماتناظر فيه تتذكر ،
ابتسم جسّاس على جنب بخبث: ماحللتي
توسعت عيونها بذهول:جسّاس!
حكّ شنبه جسّاس يضحك ، ناظرته : ترا بقطعها معك والله
جسّاس: ماتستغنين عني
ناظرته ترفع حواجبها: وي
ضحك جسّاس من نطقت: قايله لك متغير مو مصدقني
لفّ يده حول خصرها جسّاس يقرب منها وينطق: يمكن الحب
دخلت عليهم نوف ، وصدّت بسرعه : استغفرالله ياربي!
رفعت صوتها تكمل بطقطقه: البيت دا طاهر وهيبقى طاهر
ضحك جسّاس : مايمشي الكلام هذا عند ساير
التفتت نوف عليه بذهول:وجع
الجوهره: يوجعك ، الا زوجي حبيبتي
ناظرها جسّاس يضحك بذهول: اوبا
ضحكت الجوهره ، طلعت نوف من عندهم تنشر الخبر ، وقمطت ام العافيه الجوهره من صارت معه لحالهم ،
جسّاس: شفيك
الجوهره: ولا شي شدعوه ، بروح البنات ينادوني
تقدمت بتطلع وسحبها جسّاس: ماسمعتهم ينادونك
الجوهره بتوتر: الا انا متاكده سمعتهم
جسّاس: يمكن انك ملبوسه وتتخيلين،
الجوهره برعب : خير يمه
،
«صباح اليوم الثاني بالاستراحه»
«عقد قرآن ساير بن سعود على نوف بنت راجح»
تقدم جسّاس يدخل مقلط الحريم، ناظر نوف جالسه بفستانها السُكري الهادي ،
جسّاس: وصلك الرابط؟
هزّت راسها نوف بالايجاب ، والتفت يتفقد المكان ورجع ينطق: الجوهره وين
رفعت كتفها نوف بعدم المعرفه ونطق: بالعه لسانك اليوم انتي؟
نوف: ياخي امي تقول لاتتكلمين تجيبين العيد
ضحك جسّاس: اجل عوّدي اسكتي ، وافقتي؟
هزّت راسها بالايجاب ، وضحك جسّاس يهزّ راسه بيأس ينطق: ساير بيجي
فزّت نوف: لااا
جسّاس: افا ليه
هزّت راسها نوف ، ونطق جسّاس: قسم بالله لو ماتتكلمين لا اهبدك بذا النعال
نوف: خلاص ياخي انقلع
جسّاس: اي ادب
نوف: دز امها
رفع حاجبه جسّاس يناظرها ، ودخل ساير ونطق جسّاس: معك خمس دقايق يالشايب العايب ،
ساير: يصير خير
طلع جسّاس يسكر الباب وراه ، التفت ساير يبتسم ويناظر نوف ، ينطق: الوجه الي يفتح النفس ، ماهب وجه احمدوه
نوف: حدّك الا اخوي عاد
تقدم ساير يجلس جنبها ويحط يده ورا ظهرها ينطق: خلينا من اخوك الحين ، انتي حلالي
ضحكت نوف: احلف
ساير: تطقطقين انتي
ابتسمت نوف من وقف وقامت توقف قباله تعدل ياقة ثوبه تنطق: طيب سيوري
ساير: شوف الاختلاف ، سمعتها مرتين ، من الجوهره ومنك انتي ،
نوف: ومن الافضل؟
ناظرها ساير: تخسين افضلك على اختي ، كل وحده لها منزلتها بقلبي، فيه فرق انتي زوجتي وهي اختي
نوف : طيب ماعلينا ، بطلبك طلب
ساير: اسلمي
ناظرته نوف تنطق بترجي: سيوري صديقاتي بيطلعون كوفي يحتفلون بزواجي
ساير: وعساك بتطلعين معهم؟
نوف: سااير!! الحفله لي!
ساير : لا مافيه روحه
ناظرته نوف وكأنها بدت تزعل: ساير؟؟
ناظرها ساير بحدّه: حركات الكوفيهات هذي ماهي عندي
نوف: ساير لاتخلي شي بسيط يخرب بينا ، واذا طلعت ؟ وش بيصير؟
رفع صوته ساير: انا قلت لك مافيه لاتراددين
نوف بهدوء عكسه: لاترفع صوتك
ناظرها ساير بحدّه يرفع صوته اعلى: وش بتسوين؟
تنهدت نوف بعصبيه تصدّ تستغفر ورجعت تناظره من نطق يعلي صوته: وش بتسوين؟
مسكت ذراعه نوف تشدّ عليه بحدّه: ماهي انا الي تسكت لك انت واشكالك ، مايرفع صوته على حرمه غير الرخمه يارخمه ، تروح ويجي بعدك عشره ياساير والله ماحسبت حسابك ، الحب الي كذا مانبيه، ابيعه بريال
فلت ذراعه من يدها ساير ينطق بحدّه: اقصري الشر وادخلي داخل
رفعت صوتها نوف: ماهو انت الي تامر علي
ناظرها ساير يتهدد فيها: رافعٍ سبعٍ طباق وناصب جبالٍ ثقيله ، ان ماركدت جنونك يانوف والله لـ
قاطعته نوف: وش بتسوي؟ ترا ابداً مو انا الي اخاف منك
ساير بحدّه : تونا ماقلنا بسم الله مشاكل على طول! فيك شي انتي؟
نوف: انت الي فيك شي؟ ماقلت بروح اطلع مع عيال ترا ! قلت بروح للكوفي مع البنات
ساير: اجل عيال؟ نوف انقلعي داخل
دخل جسّاس: انتم للحين ماتفرقتوا للمجالس؟
التفتت نوف على ساير تناظره بحدّه وتنطق: بنتفرق
كان جسّاس يقصد شيء ونوف تقصد شيء ثاني ، تحسست نوف من كلام ساير ، لانه هي عندها عادي بتطلع لكوفي مع صديقاتها يحتفلون ، شي طبيعي ، بس عند ساير يرفض خوفاً عليها من عيال وبنات الحرام ، يثق فيها ، بس مايثق بعيال الحرام الي برا ، ساير من النوع الي اذا شاف وحده برا مُتبرجه او مسويه شي غلط، يظن ان بيجي يوم وتسويه وحده من محارمه، عشان كذا يحاول يتشدد باقوا ماعنده ، طلعت نوف تدخل الغرفه الي فوق بالاستراحه ، وجلس ساير يثبت اكواعه على ركبته يسند يمسك راسه ،
،
في المجلس الكبييير ، كانوا البنات ماسكين الدي جي يشغلون للي يطلبون ، ناظرتهم سِهام : بنات ابي ارقص مصري
شيماء : بنت اهجدي
نطقت سِهام: وربي ماتنتهي الليله الا وانا راقصه مصري
اسماء : خلوها ترقص مصري علامكم عليها
تقدمت سِهام تختار لها اغنيه مصريه ، وناظروها البنات يأشرون على الحريم الكبار ، وكملت تدور لها اغنيه ماحسبت لهم حساب ، شغلت دقّه مصريه بدون كلمات ، تربط الشال على خصرها وتهزّ بهدوء ومهاره وتتمايل على الدقه ، شوي تهزّ كتفها وتحرك يدينها وشوي تهزّ خصرها ، كانت مُبدعه فعلاً ،
،
اخذ خيّال المباخر يعطيها احمد ، ودخل احمد لقسم الحريم ينزلها بالمطبخ ، انزعج من صوت الاغاني ، وتقدم بيطق باب المجلس ، رفع صوته ينادي ومحد سمعه بحكم الصوت العالي ، رجع يدخل المطبخ وارسل بالقروب يسجل صوت: اقصروا الاغانننييي
ارسلها ، والتفت من دخلت سِهام الي جت تشرب مويه بعد الرقص الي اتعبها ، صدّ احمد ينطق : وضح لي من المارج الي ترقص مصري
سِهام : وي! عن الغلط !
نطق احمد: ابعدي بطلع
سِهام: ايوا صح قول لسيّاف يجي بليز
عقد حجاجه احمد: وش تبين بسيّاف
سِهام: ابغاه شتبي انت
احمد: ووش اسمك؟
سِهام: امبيه شدخلك
لفّ احمد بيطلع وناظرها قدامه ورجع يصدّ يستغفر: ابك حوصي عن الباب هنا
عقدت حجاجها سِهام: مافهمت ايش تُقصد
قلّد طريقة كلامها احمد بطقطقه: يعني روحي عن الباب شويّا
سِهام: ابداً حركتك مو كيوت ، ترا مالك داعي
احمد: اووه مرره مالي داعي ،
كمل احمد بحدّه: لا صكّيني بالبلكه هذي احسن؟
نطقت سِهام:ياليت
طلع احمد من المطبخ لقسم الرجال ، تقدم لسيّاف: فيه بنتٍ تبيك داخل
عدّل شماغه سيّاف يعقد حجاجه: منهي
احمد: والله ماعلم
نطق سيّاف بتساؤل:من خواتي؟
احمد: يارجال وش يدريني انا خواتك ولا لا
