قَدَر

part 8 : كيف عسى ذاك أن يحدث!!!

التامن
----------------------
وقابلتك أنت لقيتك بتغير كل حياتي ⁦♡>⁠ 
___________
في قسم الشرطه -
-ازيك يا مصطفى
- حنان ازيك يا حنان البنات اخبارهم ايه طمنيني عليهم
-بخير طول م أنت بخير يا حبيبي أنت اللي أخبارك إيه طمنني عليك
- ازيك يا عمي
- أهلا ازيك يا حسن ازيك يا أحمد
- بخير الحمدلله يا عمي متقلقش إحنا معاك وبناتك أمانه في رقبتنا اتطمن
- رجوله يا ولاد ربنا يحفظكم
- كل يا حج أنا جايبالك أكل بالهنا والشفا
- هتيجي منين النفس بس يا حنان
- أنا آسف إني هتدخل يا عمي بس معلشي لازم تاكل والمحامي دلوقتي هيشوف الدنيا وأن شاء الله تخرج معانا
تنهد مصطفى بحزن : شكلها مفيهاش خروج يا حسن
شرعت حنان في البكاء فأخذها ابن أختها وقام بإخراجها من عند زوجها حتى لا يزداد حزنه
وفي الخارج قام بإحتضان خالته :
- خالتو بقولك إيه انشفي كده مينفعش أولاً علشان البنات وعلشان عمو مصطفى ميشيلش همكم اكتر وده يأثر على نفسيته بالسلب
- حاضر يا أحمد  ربنا يكرمك يا إبني واسفه والله إني تعباك معايا
- أنتِ هبله يا بت يا خالتو بجد يا حنون انتو أهلي متقوليش كده وعمي مصطفى ياما وقف جنبنا
- ماما حنان
- ايه يا حسن سيبت عمك لوحده ليه
- أنا خارج اقولكم تدخلوا معاد الجلسه جه
دلف الجميع للداخل مسرعين وسرعان ما بدأت الجلسه وتم الحكم على مصطفى بالحبس لمدة 4 سنوات نتيجه لكمية الكمبيالات المتقدمه عليه
صرخت حنان وشرعت في بكاءها وانصدم حسن وأحمد من ذلك
-حنان متهمليش في بناتك يا حنان علشان خاطري
-مصطفى متسيبناش لوحدنا
حقاً كان المشهد صعب للغايه
ثم توجهوا للمنزل وسرعان ما دلفوا كان الجميع في انتظارهم
سألت الصغيره غزل عن والدها الذي ظن الجميع أنه آتٍ معهم ونظرت فريده لوالدتها وفهمت من منظرها: ماما هو بابا فين بابا فين
ثم صرخت بصوت عالٍ: بابا فين بقولكم يا بابا أنت ليه مرجعتش
دخلت في نوبة بكاء هستيريه فأسرعت داليا ابنة عمها وقامت بإحتضانها وتهدأتها
وفي تلك اللحظه كانت صديقتها روزان قادمه إليها للذهاب للدرس دخلت روزان الشقه لتجد فريده في تلك الحاله جرت إليها وجلست بجانبها واحتضنتها وبالفعل استنتجت سبب بكاء الجميع
تحدثت داليا: اهدي يا فريده اهدي يا غزاله بس يا حبايب قلبي بابا هيرجع بالسلامه إن شاء الله متقلقوش
____________________
في منزل آدم
- أنا جهزت ياحج يلا بينا
- شوف أمك لبست ولا لسه .
- ايدا انتو رايحين فين يا بابا
- رايحين عند عمو مصطفى يا چوكا
- اه ابو البت يا آدم
نغزها آدم لتصرخ : إيه يا فضيحه ده انتِ جرسه يبت
- چنا اقعدي انتي ويوسف في هدوء متعملوش دوشه
تحدث يوسف: والله عيب عليك يجدع عيب يا بابا هو إحنا صغيرين للعمايل دي
- وأنا واثق فيكم
- بس انا مش واثق بقى يابابا
تحدث يوسف: إيه يا آدم متبلع لسانك ده شويه
- ماشي يعم ماشي
- أنا جهزت يا جماعه
- ياه ياه ياه يا ست الكل إيه الشياكه دي عقبال متروحي تخطبيلي بقى
وغمز لوالدته ضاحكاً فابتسمت له هي الأخرى: يارب يا ابو لسان أنت يارب
تحدثت چنى بلؤم : بس إيه يا آدم الشياكه والجمال ده تكونش رايح تخطب بجد
كان آدم في غاية وسامته حيث يرتدي بنطال چينز أسود اللون وشيميز من اللون السماوي وكان يرتدي ساعته ذات الماركه العاليه ويضع من العطر الجذاب الخاص به حقاً كان وسيماً للغايه
تحدث يوسف هو الآخر غامزاً : الله صحيح يابت يا چوكا إيه الشياكه دي يا عم رايح تخطب واجب تاخد أخواتك معاك.
- يلا يا حج علشان لو وقفنا كده مش هيبقى فيها مرواح النهارده
- يلا
تحدثت الأم موجهه الكلام لصغارها : قسماً بالله لو جيت لقيت الشقه فيها حاجه او بس حسيت إن في حاجه متحركه من مكانها لتزعلوا جامد
- عيب يا ماما كده كده أنا هدخل أنام و چنا هتزاكر
ونغز أخته في كتفها
ثم عقب على حديثه مكملاً: ولا إيه يا چنا
- آه يا ماما فعلاً أنا هنام وهو هيزاكر
- العكس يا غبيه
- سوري يا ماما العكس اللي هو بقولك إيه اتكلوا على الله يلا هنرش مايه
وسرعان ما خرج آدم ووالديه من الشقه
زغرطت چنا : يلا يا چو
- يلا يا قلبو
قام يوسف بتشغيل التلفاز على اليوتيوب وقام بتشغيل أغنيته المفضله لتقاطعه چنا : معلش هات أغنيتي  المفضله أنا الأول
- بصي الاتنين كده كده لعمي وعمك وعم الناس رضا البحراوي
فنسمع بقا ناس مني ومن دمي الأول
وجلس كلاهما يدندنان مع الاغنيه ويتراقصان ثم رن جرس الباب لتقلق الصغيره : چو مفيش حد في البيت يلهوي لو ماما اللي رجعت هنموت هنموت يا خلق استر يا رب
- متقلقيش يا هبله ده أنا طلبت أكل من فون آدم ودفعت كمان من كارته
غمزت له چنا : ايوا بقا يا مشخلعنا
ثم أخد يوسف الطعام من عامل التوصيل وشكره ودخل للشقه
- صحيح هو إحنا محرومين يا چو
- لأ طبعاً بس احتفال أن ماما مش موجوده ومش هتزهق علشان بهدلنا الشقه .
_______________________
وصل آدم وعائلته لمنزل الجزار
وفي أثناء صعودهم للسلم
- ماما هو إيه لازمة اللي في إيدك ده
- بص يا سيدي الناس لبعضها وفي حاجه إسمها الأصول مينفعش في أول زياره لينا ليهم في ظروف زي دي  ندخل  بإدينا فاضيه كده
دي يا حبيب ماما إسمها أصول بتعلي من  قيمة الإنسان لأنها كمان بتبين إنك مش بخيل طبعاً التفكير ده عند بعض الناس الناس الباقيه  مش بيفرق معاها يعني كل واحد وعقليته
- يلا يا سعاد خبطي على الباب .
فتحت لهم روزان : أهلا وسهلا اتفضل يا عمو .
- هي دي بقى هي مش بطاله مش وحشه بس مش اللي اتصورتها كمان عينها مش بني ايه هي الحجه نظرها قل أوي كده
ذلك ما تفوه به آدم
-  ادخل يا آدم
- حاضر يا حج
دخلوا ليتفاجؤا بمنظر الجميع ليستفهم صبري عن السبب فيخبره أحمد بما حدث
- يا حول الله ياربي
أسرعت سعاد واحتضنت حنان: معلشي يا قلب اختك ظروف وهتعدي والله ثم أخدت الصغيره غزل في حضنها وربتت على رأسها : متعيطيش يا كبد أمك متعيطيش يا حبيبتي
تحدث آدم في نفسه منزعجاً : هي إزاي الكبيره اللي معندهاش دم واقفه عادي كده  إيه ده لا عمري مبصلها كتها البلا في شكلها
- امال فريده فين يا حنان
نظر آدم لوالدته وأشار إلى روز : أهي يا ماما
- لا يا آدم دي مش فريده أمال أنتِ مين يا معسله
- أنا روزان صاحبتها يا طنط
ابتسم آدم محدثاً في نفسه : الحمدلله لسه في فرصه ياض يا دوما
- حسن لو سمحت هو الحمام فين
- أشار له حسن  عن مكان الحمام فتوجه آدم له
تحدثت نجاة بخبث
- بت يا منه
- نعم يا ماما
- هي فريده فين
- في الحمام تقريباً
- طب قومي شوفي البت دي أحسن يحصل حاجه
دخل آدم للحمام حيث وجد باب الحمام مفتوح وذلك ما يؤكد عدم وجود أحد بالداخل
لكن سرعان ما دخل وجد فريده على أرضية الحمام جالسه تبكي
- نظر لها آدم بتمعن وأعجب بملامحها بشده وشعر بشئ قد خفق في قلبه وسرعان ما ظهرت البسمه على وجهه فحمحم ليعرف فريده أنه موجود والتفت قائلاً
- أنا آسف يا آنسه مكنتش اعرف إنك جوا الحمام
وخرج مسرعاً من الحمام حتى لا يفهم أي شخص الموقف بطريقه خاطئه ويسيئ الظن به
لم تكن فريده ترد وذلك من صدمتها منذ أن عرفت بحال والدها
كانت منه إبنة عمتها تقف منذ بداية الموقف لكن أرادت أن تستغل الفرصه لتؤذي  فريده وذلك لشدة كرهها لها فأخذت تصرخ حتى تجمع جميع أفراد الأسرة و معهم عائلة آدم
دلف حسن مسرعاً : فيه إيه
- قليلة الأدب اللي مصدقت أبوها يمشي كانت مع آدم في الحمام أنا شوفته خارج من هناك وهي كانت جوا
انصدم الجميع مما قالت بما فيهم آدم الذي حاول جاهداً شرح لهم ما حدث وبالفعل قام والده بتصديقه لأنه يعرف أخلاق ولده العاليه
تحدث صبري : لو سمحتم اسمعوا من إبني يمكن فيه سوء ظن وتفاهم
تحدثت نجاة بصوت عالٍ: نفهم إيه نفهم قلة أخلاق ابنك ولا بنتنا بس عندك حق ده ولد الدور والباقي على اللي إدته الفرصه يعمل كده قليلة الأدب اللي مصدقت أبوها بعد عنها علشان تظهر على حقيقتها مهي عارفه إن أمها هتسيبلها السايب في السايب
ثم اتجهت ناحية فريده وقامت بصفعها على وجهها بقوه مما جعل فريده تسقط على الأرض
- وقفت والدتها حنان تبكي على هذا الحال كيف لإبنتها أن تفعل ذلك
صرخ حسن وأمه ناديه في وجه عمته : أنتِ عملتي إيه فريده مش غلطانه أنا مش مصدق منه ومصدق آدم
أكيد منه شافت غلط.
- أنت بتبرر لقليلة الادب دي موقفها وبتكدبني أنا  البت دي هتلاقيها كانت ماشيه معاه من فتره كمان
تدخلت ندى زوجة حسن متحدثه : لأ يا منه فريده مش غلطانه وآدم هو اللي. صح أنا سمعتك أنتِ وعمتو في المطبخ وانتو بتتفقوا على فريده علشان أنتِ بتكرهيها وتتمنيلها كل شر مش اكتر
صرخت حنان في وجه الجميع فسادت حالة صمت وجلست جانب ابنتها : فريده احكيلي إيه حصل
قصت فريده ما حدث على مسامع الجميع ما حدث وبالفعل صدقها الجميع
لكن نجاة وابنتها لم تصمتا
- البت دي هتجيب لأخويا مصيبه
تحدث يونس إبنها
- وأنا مصدق فريده يا ماما فريده مبتكدبش
ووافقه اخوه عمار على ذلك ووقفوا في وجه والدتهم
بالكاد كانت فريده في موقف صعب للغايه احتضنتها والدة آدم
: حقك عليا أنا يا فريده وأحنا مستعدين نعمل أي حاجه ترضيكم
تحدث آدم غاضباً: نرضي إيه ومين البت الحربايه دي بتكدب
نظر له والده بغضب شديد: اسكت خالص لحد منتصرف
- مش هسكت بقولك إيه يا طنط نوجه لمي بنتك وبطلوا تظلموا في البت الغلبانه دي لو مفكرين إن في حد هيصدقكم تبقوا غلطانين لأن ولا دي تربيتي ولا تربية عمو مصطفى ليها
كان يونس منزعج للغايه مما تفوه به آدم فتحدث دون أن يعي : أنا هتجوز فريده واريحكم
حلت الصدمه على وجه الجميع فتحدثت والدته وكانت تكاد أن تنفجر غيظاً مما تفوه به ولدها : على جثتي إن ده حصل البت دي مش مظبوطه ومتلزمناش
تحدثت ناديه بغيظ:  وأحنا أصلا مش هنوافق عليه
همس آدم في أذن والده بشئ وكان قلقاً للغايه من ردة فعل والده  لكن والده وافقه على ذلك فتحدث آدم  مسرعاً : محدش هيتحكم في فريده أنا هتجوزها وهصلح غلطتي مدام أنتِ يا عمتو شايفه إن إحنا غلطانين
انصدم الجميع  مما تفوه به هذا الشاب الصغير   وساد الصمت ونظرت له فريده بصدمه وهي تبكي فنظر له حسن ابن عمها: وأنا موافق وماما حنان موافقه
نظرت له حنان بصدمه مما قال فنظر  لها حسن مقاطع إياها نتكلم بعدين يا ماما مش قدام الغرب كده ووجه بصره لعمته وأبناءها
تحدثت نجاة : لأ أنا مش موافقه دي دي لسه صغيره في تالته ثانوي لسه حتى مدخلتش الكليه لأ مستحيل
تحدثت حنان : لو سمحتِ ملكيش دعوه ببنتي مش قولتي اللي أنتِ عايزه تقوليه عليها وخلاص
تحدثت ناديه موافقه سلفتها: عندها حق لو سمحتِ حسن هو الراجل المسؤول عنها وبعدها أمها ملكيش دعوه بقا يا نجاة
لم يستطع يونس تحمل ماحدث فخرج مسرعاً من المنزل ولحق به عمار أخوه
- قومي يا فريده يا بنتي واهدي بقا حرام عليكِ نفسك
تحدثت فريده بصدمه : عمو لو سمحت أنا مش موافقه
- طب قومي اشربي حبة مايه واهدي علشان نعرف نتكلم
قامت فريده وخرج الجميع إلى صالة المنزل وجلسوا
فتحدث صبري: لو سمحتم يا جماعه أنا طالب إيد فريده بنتكم لآدم ابني
أنا عارف إنها صغيره بس معلشي تبقى معايا أمانه لحد م مصطفى أخويا يرجع بالسلامه ومتقلقوش بنتكم في الحفظ والصون
تحدثت روزان: أهدي يا فريده ده الصح علشان إنتِ حواليكي وحوش عايزين ياكلوكي
تحدثت حنان: مقدرش أرد عليك يا أستاذ لحد ما اخد رأي جوزي هو اللي يقرر .
- وأنا محترم حضرتك يا مدام ومستني الرد .
قومي يلا يا سعاد يلا يا آدم
تحدث حسن : نورتونا يا جماعه والله
- بنورك يا حسن بس كنت طالب منك حاجه
- أؤمر يا عمي
- عايز رقم فريده ومدام حنان علشان نتطمن عليهم
- حاضر يا عمي اتفضل
ثم رحلوا وتوجههوا لمنزلهم
____________________
بعد أن رحل جميع أفراد عائلة آدم جلس حسن وفريده معاً
- بصي بقا يا فريده أنتِ مش صغيره  ولازم تعرفي اللي في صالحك
- صالح إيه بس يا  حسن أنا لسه في 3 ثانوي افهم يا اخويا لو سمحت
- يا حبيبة اخوكي والله أنا فاهم ومقدر بس ده الصح في الوضع ده ولا إيه يا ماما
تحدثت ناديه: مش وقته مش وقته قومي نامي
ووجهت نظرها لنجاة وبالفعل فهم حسن
- عندك حق يا ماما قومي يلا نامي يا فريده كفايه كده النهارده
دخلت فريده غرفتها وجلست لتكمل بكائها على حظها وأخذت تحدث نفسها:
إزاي إزاي كل ده يحصل أنا يارب معملتش حاجه وحشه لكل ده بس الحمد لله على كل حال اكيد يارب أنت مبتعملش حاجه وحشه
توضأت فريده وجلست لتصلي حتى يهدأ بالها وبالفعل حدث ذلك وبعد أن انتهت من صلاتها  أحضرت كتبها وجلست لتدرس فالوقت لا يسمح لها بتفويت يوم من دون دراسه فأوشكت الإمتحانات أن تبدأ
دخلت عليها والدتها الغرفه وحين رأتها تدرس لم تحب أن تزعجها ولا تتحدث معها  في ذلك الأمر ودعت لها بالتوفيق ثم خرجت
___________
في منزل آدم بعدما عادوا ولم يتحدث أحد طول الطريق
بمجرد دخول الأم للمنزل شهقت بصوت عالٍ: إيه اللي انتو عملتوه ده
نظرت چنا ليوسف متوتره: رد يلا رد والنبي
- يا ماما إيه مالشقه زي الفل أهو لا تليفزيون مكسور ولا تلاجه محروقه ولا حاجه اهو يا ست الكل
- طب وبالنسبه للأكل اللي واقع على الأرض ده وايه ده كمان قشر لب يا يوسف في الكوبايه بتاعت الميه يلهوي إيه ده
-زي منتي شايفه كده يا ماما أقوله يا يوسف بلاش يا يوسف بلاش وهو يقولي لأ أنا نفسي في فشار يدخل يماما يعمله يسيب الغطا مفتوح وللأسف معرفناش نداري الجريمه علشان انتو جيتوا بسرعه
تحدثت الأم بعضب : ابعدوا عن وشي مش ناقصاكوا ابعدوا
غمز يوسف لآدم : اتجوزت ولا لسه
- لأ اتخطبت
- مبروك يقلب اختك لولولولوي
- مبهزرش أقسم بالله خطبت فريده
- نهارك مش فايت يا دوما الكلب طب مش تاخد أخوك يقيم الأول
- يقيم يقيم إيه يا قليل الادب هتشلوني يا ولاد صبري
- آدم تعالى عايزينك أنا وماما
تحدثت چنا - طب ماشي يلا بينا
- أنا آسف مش حقي طبعاً يا مدام چنا بس هو حضرتك آدم وأنا مش واخد بالي
- الله ما إحنا واحد يا دومدومتي
- يلا يا آدم
- حاضر يا ماما
- آدم أنا عارف أنك قولت كده علشان تطلع البنت من الموقف اللي هي فيه
- تحدث آدم بجديه : لأ يا بابا أنا فعلا هخطبها أنت مشوفتش عمتها عامله ازاي هي والحربايه بنتها
-  آدم أنت صغير ومتعرفش البنت لسه
- بس مستعد أقف معاها
- أنت يا آدم بتشفق عليها
- لأ يا ماما أنا عايز فريده
- وأنا وأمك موافقين بس ياريت تبقى قد المسؤولية
- وأنا واثق إني مش هخيب أملك فيا
هروحلها بكره يابابا
- لأ الأصول أصول والصح صح مينفعش لسه لما تكلم أبوها وتعرف ردهم الأول ويبقى في حاجه رسمي بينكم
- اللي تشوفه يابابا
خرج آدم من غرفة والده فوجد الصغار في انتظاره ينظرون له بخبث ولؤم شديد
تحدث يوسف: تعالى يا ولدي تعالى معتتش غريب احكيلنا يا ولد ابو شهاب عن اللي حوصل وبلاش حديت ماسخ علشان هنكشفوك
- استر يا رب إيه ده يا يوسف
- كنت بتفرج على مسلسل الوتد وكانوا بيتكلموا كده فقولت اطلعها عليك فكك مش هتتوه
- ايوا يا آدم ولو مش عايز تحكي ليوسف احكيلي أنا أختك حبيبتك ووعد أول متخلص أروح احكيله أنا
- اصليه يا جلب يوسف
- طب هحكيلكم وأمري لله بس أنا جعان
- مش ناسيينك ياقلب أخوك في جوا كريب من عند السوري فظيع يالا يا آدم أسأل چنا حتا
- يلهوي ده تحفه بجد وفيه جوا كتير كمان
تعجب آدم: كتير منين
- مهو أصل أنا طلبت وبدل مكتب 2كتبت 12بالغلط
- نهارك اسود ده أبوك هيموتك
- وهو بابا مالو يا دمدم
- علشان الفلوس يا أهبل
ضحكت چنا: والله مفيش اه‍بل غيرك يوسف واخد الفلوس منك يا عبيط
- نهار ازرق ليه كده
- ياعم فدايا يلا احكي بقا
قص عليهم ما حدث
تحدثت چنا : ده زي ما يكون جاتلك على الطبطاب يا ابن سعاد.
- آه والله يبت يا چون
ثم تحدث بنبرة حب ولمعت عيناه عند الحديث: أول ماشوفتها حسيت إن الدنيا كلها وقفت حواليا حسيت إني شايف كل حاجه طشاش  وهي الحاجه الوحيده اللي ظاهره وبتلمع حسيت إنها فراشه صغيره وعيني لمعت وقلبي دقلها حسيت إني عايز احضنها بس طبعاً مينفعش
- يخربيتك يا واد يا آدم ده أنت وقعت
- اه والله ياض يا چو واتعلقت بيها ولا أكني اعرفها من سنه
- هقولك حاجه بس متزعلش مني علشان هما كلمتين واقفين في زوري من ساعت محكتلي
- يا ستار يارب اتكلم
- هي مش صغيره لسه يا آدم دي اكبر مني بسنتين بس دي لسه مدخلتش حتى الجامعه
- بص يا يوسف هي  صغيره بس بجد اللي حواليها بجد بيكرهها وأنا مش هسيبهم يأذوها بعدين أنا مش هخطبها احب فيها والكلام ده لحد مهي تفوق من اللي هي فيه وتدخل جامعه وتقرر هنعمل إيه وهل علاقتنا هتكمل ولا  لأ اصلا
- ربنا يسهلكوا
- دوما أنا عايزه أشوفها
- وعد أول زياره ليها هاخدك معايا أنتِ ويوسف
بس وريني كده كيس الشيبسي ده بيقول إيه
وضحك الأخوه ثم هاتف آدم أصدقاؤه واتفقوا على التجمع في أحد المقاهي التي اعتادوا على أن يتجمعوا فيها
وفي أثناء التوجهه للمقهى حدثت مفاجأة مع آدم فصرخ بشده في منتصف الشارع وتوقف بسيارته ونزل منها
- مش معقول التخلف ده إيه أعمى ياللي بتسوق
مش تفتح عينك العربيه كات هتتفرم
- نزل شخص من سيارته وتوجه نحو آدم وقبل بدء التعارك بينهم
- إيه ده آدم شهاب
- نهار مش فايت أزيك يا واد يا كالو
- بخير يا حبيبي أنت عامل إيه
- الحمدلله
واحتضنا بعضهم البعض
وبعد انتهاء الحضن
- ابقى فتح عينك شويه يا كالو
- يعم والله الدنيا يعني
- طب متيجي شويه
- لأ والله معلشي رايح مشوار مهم
- ماشي يا حبيب قلب أخوك بس أبقى وريني خلقتك دي
- حاضر يعمنا
ثم ودع بعضهم البعض وأكمل آدم طريقه
_____________________
في منزل اميره ومحمود
- محمود كنت عايزه اتكلم معاك كلمتين مهمين كده بس الأول يا باشا خد اشرب الليمون ده
- يا وعدي يا وعدي ميرتي بنفسها اتنازلت عن الفون بتاعها وعملتلي ليمون لوحدها كده
- لأ يا خفه بس أصل الموضوع جامد سيكا سيكتين كده
- استر يا رب اتكلمي يا أس المصايب
- بص يا حبيبي عارف البت الغلبانه إنچي أختك
- اه صحيح يا أميره هي مالها ومش راضيه تتكلم معايا
- اتكلمت معايا أنا بقا
وقصت عليه ما حدث مع أخته في جامعتها
- يبنت ال
- هشش متعصبش نفسك هي مش غلطانه
- أنتِ هبله يبت ولا عندك فص ضايع من المخموخ بتاعك
- يوه يا حوده بتكثف
- يبت أنا مش هشتم أختي هشتم البت التانيه هي إسمها إيه المنيله دي
- ميار يا حبيبي ميار
- تمام أنا هتصرف يا أميرتي
- بعيداً عن أميرتي هرد عليها اهو بس بلاش وش ودوشه يا محمود أنا عرفاك هتتصرف من غير عقل
- عيب عليك يجدع ده جوزك مستر عقل أصلاً
- آه منا عارفه عارفه
قولي بقا مش أنا أميرتك
- اه طبعا ياروحقلبي
- طب أميرتك نفسها في  فرايد اتشكن بقا
محمود متمدش إيدك لو سمحت دونت تاتش مي
جرى محمود ورائها ممسكاً حذاء في يده
دونت إيه يا عنيا أبو اللي علمك انجلش يا بعيده
واستمر الضحك بينهم
_____________
في منزل طه خال فريده
اجتمع طه وأخواته البنات بما فيهم والدة فريده
وقصت لهم ما حدث
تحدثت نورا خالة فريده الصغيره : أنا رأيي أنكم توافقوا لأن البت اللي أسمها منه دي مش هتسيبها في حالها ويا عالم إيه ممكن يحصل المره الجايه المره دي ربنا وقف جنبها لأن الولد ده متربي وإبن ناس إنما متزعليش مني يا حنان يا أختي البت منه دي متربتش ممكن تأذي بنتنا في أكتر من كده
ازداد القلق والتوتر على وجه حنان
وتحدث طه : متقلقيش يا حبيبتي فريده قريبه من ربنا وربنا مش هيسيبها
تحدثت ابتسام خالة فريده: أنا رأيي من رأي اختك نورا
تحدثت عزه هي الأخرى وأنا كمان موافقه والواد إبن ناس ومحترم
تحدث طه : بصي يا حنان إحنا مش  بنقول نجوزها ونرميها في بيته ونخلص منها لأ إحنا قصدنا راجل يكون في ضهرها وسندها معانا طبعاً كل ولادنا الرجاله معاها بس برضو ده هيبقى ساندها
- ماشي يا أخويا وأنا برضو هستنا بكره أن شاءالله أقول لمصطفى وأشوف رأيه ولو كده يبقا ربنا المعين بقا
تحدثت ابتسام: طب وهو إيه موقف فريده يا حنان
- يا كبد أمها منهاره من اللي منه عملته و منهاره طبعا ماللي آدم قاله وصدمتها في إبن نجاة الواد يونس أكبر هي طول عمرها بتعامله زي أخوها أتصدمت بجد وهي صغيره لكل ده
تحدث طه: طب ايه رأيك بقا إن الواد ده راجل وأصلا مش هيعاملها زي خطيبته أو كده لأ ده هيعتبرها أخته لإنها صغيره وبكره تشوفي وعموماً ربنا يكتب اللي فيه الخير
ثم انتهى الحديث وتوجه كل فرد لمنزله

_________________________
# قَدَر
# بقلمي هنا غريب