مرت الشيخ

البارت الاول

سمر... انتي ليش تعاندينه ماتجوزين شيفكج منه اليوم جيبي لي خلصج منه  وحتى الشيخه مو هنا اليوم
ياسمين.... انتوا تخافون منه مو انا مايخوفني
سمر.... ياسمين كسر الشر ولاتسوين مشاكل
ياسمين... اني مو عبده عنده وماراح ارضه يفرض اومره عليه واذا كان الشيخ على روحه
سمر .... ياسمين ميخالف يمعوده غير يخاف عليج
ياسمين... من كل عقلج انتي مقتنعه لي جاي تكولي اصلا هذا واحد بلا احساس ميهمه غير روحه
سمر....ياسمين كافي
ياسمين....هاي الكافي كوليها لهذا الظالم لي مسوي روحه علينه شيخ
سمر.... ياسمين
ياسمين.... انتي شبيج هم شكلتي ياسمين وياسمين
سمر ....بصوت ناصي وراج
سمر....
هاي تسودنت وانا اريد اكلها هو وراج وهيه ماكو نسردت ماتسكت وهو صار ورها وصارت عيونه بهامته وهيه تسب وتغلط عليه
الشيخ فرزدق..... ظالم بلا احساس ومسوي روحي شيخ عليكم موو
سمر ... لا مو قصدها شيخ
الشيخ فرزدق.... اشششش
ياسمين....لا قصدي
الشيخ فرزدق..... اي دللي هسه راح اشوفج الظالم
شلون يصير
خذها من شعرها ويسحل بيها
سمر... والله اليوم ماتخلص من أيده
الشيخ فرزدق... الوو اي تمام تعال عاليه بين ماتوصل
انا جاهز
الشيخ فرزدق.... بيج بخت راح اطلع بس خالي بالج ماخلصتي بس اتاجل حسابج
خذت بدكلتي العسكريه ودخلت سبحت وجددت وضوئي بسرعه البست البدله العسكريه واخذت اسلاحي وطلعت قبل مااطلع راجعلج وشوفج الظالم شلون يصير
الشيخ فرزدق.... امير دير بالك ماوصيك ونفس ماكلت ممنوع احد يطلع وانا ماموجود
امير... توكل ولا يضل بالك
اجوا عليه ب السياره
السلام عليكم سيدي
وعليكم السلام ايهم
رائد... هلا بالشيخ
الشيخ فرزدق... هلا والله فرحان بين الموضوع خطير
رائد....لو الموضوع عادي ماشفتني هنا
الشيخ فرزدق.... ادري بيك تحب الخطير
صعدنا السيارة
ورحنى المنطقه المطلوبه
سمر همزين راح جا صرتي كباب اليوم
ياسمين...يمعوده بس بي يصيح شنو يريد اسيوي
امير.... سمر وينج تعاي
سمر... خيبه ضالي بهاي سوالفج الحد مايروح منج إلزلمه ولج هذا الشيخ فرزدق كل بنات العشيره تتمنه تصير بمكانج
ياسمين.... كل بنات العشيره مو اني
سمر ... اروح احسلي امير يصيح عليه
وانتي ضلي بسوالفج
سمر... هلا بطش والرش هلا يابعد كلبي
امير.... هلا بسمر روحي هلا بسمورت قلبي
ولج خايبه غير كلبي طاك عليج
سمر... لي يسمعك يكول صار اسنين ماشايفني
مو البارحه جنى سوه
امير.... حتى لو انتي ماينشبع منج كون اضل يمج طول العمر
سمر... اي الحل بيدك تريدني نتزوج
امير.... اي ان شاءالله
ياسمين... تكولي كل بنات العشيره وهيه ماتدري شنو سوه بيه هذا الشيخ
(فلاش باك) راح ارجعكم الأول يوم دخلت بي العراق
اول ما اجينه استقبلنا واحد لبس زي عسكري
طويل وشخصيه بصراحه اول مره شفته جان عاجبني
الشيخ فرزدق.... كل هلا بيكم نور العراق
حمزه ...هلا ب الشيخ للشيخ فرزدق جاي يستقبلي
نرجس...اهلا وسهلا بيك ابني
الشيخ فرزدق.... وبيج أكثر
ياسمين... هلووو
الشيخ فرزدق... وعليكم ورحمه الله وبركاته
ياسمين.... شنو
الشيخ فرزدق.... لكل منتضرينك
الشيخ سلمان والشيخه منتضرينك على جمر
حمزه.... والله وانا مشتاق لهم
وصلنا البيت والذبايح وتاهيل وترحيب بينه
وبيبي وجدي يبوسون بينه
وسمر والبنات صاروا يتعرفون علينا واني شايفه هذا القصر
البيت عباره عن قصر مو جود ع شط العرب منظر يأخذ العقل
وضلينا هيج مدة اسبوع كل يوم عزايم وناس وهوسه
مره جان مو جايني نوم طلعت ب الحديقه كلت اشم هوى
شفت شاب طويل جسمه كوله عظلات جني شايفته
وجان يطلع نفس الشخص لي جابنه من المطار
بس لبس دشداشة وبيده جكاره  ماهتميت لوجوده
وصرت اتمشى ب الحديقه
الشيخ فرزدق.... تعاي وين رايحه بهذا المنظر
ياسمين.... مارايحه بس جاي اتمشه لان مو نعسانه
الشيخ فرزدق... وانتي متعوده هيج تمشين عادي
ياسمين.... وين المشكله
الشيخ فرزدق.... هذا الحجي عادي ب استراليا بس مو هنا شنو تريدين الناس يكولون علينه انتي مو شايفه هاي هدومج تلبسيهن من تكونين بيتكم ب استراليا من تردين تنامين بغرفتج مو تتمشين بيهم كدام الوادم والبيت كله شباب وخدام تعرفين بيت منو هذا بيت الشيخ سلمان بعد ماشوفج لبسه هيج
ولا طلعين هم ب اليل بحدج
ياسمين ... والله بطران ياربي
الشيخ فرزدق....
جنت طالع ورجعت شفت ياسمين طالعه ب الحديقه ولبسه برموده اسود وتتمشه ب الحديقه والعالم عيونها عليها عصبت عليها صح هيه ماعجبها الحجي بس عادي تريد تطلع كدام الناس ب هذا المنظر
هيه غير مو منتبها ع روحها طالعه فد شي تحل من على حبل المشنقة
صار الصبح
وكلهم كاعدين يتركون
الشيخ فرزدق.... سحر الكهوه
سحر... تفضل شيخ
شربت قهوتي وانا اصلا مبدل اريد اطلع عندي دوام
صباحكم الله ب الخير
ورحت ع الشيخه بست راسها والشيخ هم وكتلهم اترخص
وطلعت
ياسمين.... هذا شنو انتوا تكلوله شيخ وهوا يلبس عسكري
سمر ... اي يلبس عسكري لان هو ضابط
ونكله الشيخ لان هو الشيخ بعد جدي الشيخ
الشيخ فرزدق... قاسم روح شوف المزرعه زين وشوف هذا حارث جر عدل ولو يريد واحد يفرك حلكه
قاسم... ان شاءالله شيخ
الشيخ فرزدق... امير اخوي اخوي ماوصيك
امير... افه مايحتاج توصيني
رحت الدوام ورجعت
حمزه نريد نروح الزيارة كلش مشتاق ازور أهل البيت

الشيخ فرزدق... ابشر يجرالك باجر الصبح ان شاءالله نطلع
الشيخ سلمان....  اي بويه اخذهم
صار الصبح وتحضرنا وطلعنا
الشيخ فرزدق... اها عمي جاهزين
حمزه... نعم.
الشيخ فرزدق... يله مشينه
ركبنا ب السياره
وبعد ساعات وصلنا النحف زرنا امير المؤمنين علي بن ابي طالب عليه السلام وطلعنا الكربلاء
هم اخذتهم زاروا الامام الحسين عليه السلام والامام العباس عليه السلام
وكتلهم نرتاح اليوم وباجر اذا تريدون نطلع الكاظم
عليه السلام
حمزه.... ان شاءالله 
صار ثاني يوم وطلعنا الكاظم وهم زاروا وبقينه العصر ب الكاظميه وثاني يوم رجعنى البيت
الشيخ سلمان... هلا بيكم
الشيخ فرزدق... هلا بيك تاج راسي
الشيخ سلمان... كفوو الله وعدت ونفذت
الشيخ فرزدق... كفاك الطيب من يمته اكول كلمة مو كدها
الشيخ سلمان... كدها وكدود
عفتهم وصعدت سبحت ونمت واكعدت ع صوت اصياح وهوسه
الشيخ فرزدق... خير بويه شصاير
حمزه... ياسمين اخطفت
الشيخ فرزدق... نخطفت وهيه بنص بيتنه شلون
سمر... لا هيه طلعت تتمشى وحدها
الشيخ فرزدق..... شلون تخلونها تطلع انا شكلت مو كلت ممنوع تطلع وحده
عمي مقهور وامها تبجي وهيه والشيخه
رحت يمهاوكتالها
الشيخ فرزدق... بست راسها وكتلها لا تضوجين شيخه وحق العباس ابو فاضل اذا ما رجعتها اليوم شاربي على حرمه وما كعد بين الزلم بعد واخذت اسلاحي وصحت ب الولد
قاسم امير محمد ماريد مخلوق يطلع ولا يطب مفهوم كلامي
يتبع.....