أجاذبك الهوى وأطرب وأغنّي وأبادلك الغرام بكل فنّي

{ ٦ }

( البر الساعه ١٢ الظهر )
بعد مافقدو الأمل ف شاكر قررو يرجعون مشي
نايف : اخخخ يا امير رجولي تعبت والشمس ذي ذبحتني الحين من قالك تساعدها
امير : نايف تراك نفخت راسي بحلطمتك لك ساعه بالع راديو أنت
نايف : لا بس مقهور على موتري لو انك مكاني ماقلت كذا
امير : شف ذا الخط العام عجل
نايف بتشميق : الشرهه علي
طلعو يمشون وفجأه شافو سياره تكبس لهم وقف راعي السياره جمبهم فتح الشباك
شاكر : تبون توصيله ؟
نايف بفرح : شكوريييي الحمدالله الفرج كنت احسبنا بنموت ف ذي الشموس كمل كلمته يناظر ف امير الي فطس ضحك وشاكر الي كان مصدوم
نايف : وش بلاكم ؟
شاكر : اقعد معادني بشايلك امش يا امير
امير وهو يضحك : ههههههه شكوري هاه ههههههههه
نايف : اهاااا عشان شكوري وش فيها ماعجبك الدلع يعني ابشر بغيره بس ركبني تكفى
شاكر : الشكوى لله اركب
ركبو وأخذهم شاكر يتجهون للبيت
__________
( قصر حمدان )
صحت على صوت المطر الي يضرب الشباك وقامت تشوف البنات نايمين تفتح جوالها تشوف الساعه ٢ الظهر قامت تفتح الشباك تشوف المطر الي هي تعشقه ابتسمت تمسك جوالها تصور المطر وجلست على الشباك تتأمل المطر الي يضرب الحوش النخل حق بيتهم ولوهله سرحت تتذكر لما شافته اول مره ولما ساعدها ونظراته لها
عند غزل الي صحت وشافتها تتأمل المطر وشعرها الي يتطاير مع الهواء وتبتسم مسكت جوالها تصورها توسعت عيونها تسمعها بين سرحانها تغني ل ( عبادي الجوهر ) تنطق :

" من عذابي قلت لعيونك هلا    ياهلابك ياعذابي ياهلا مايكفي لوعتي" بك من غلاك رحت تبعد عن     عيويني ياغلا تحسب أني ساليٍ مثلك وأنا في هواك الله حسيبك مبتلا   ما يسليني مكان ولا زمان لاولا غيرك حبيبي لاولا قلبي اللي مايطيع    لمن بغاه من نظر عينك تعهد بالولا

قاطع صوتها أنغام الي نطقت : ياعمري من عذبك
لفت لهم وشافتهم يناظرون فيها بنبهار بسبب صوتها وهي تغني وكيف لعب صدى صوتها ف الغرفه
غزل وهي ماسكه الجوال تصور : وااااااو ماشاءالله صوتك خياللللل
سهام : احلا من صوت عبادي
ريناد بخجل : اخخخخ ماتعرفون تطلعون صوت بعدين كنتو نايمين من صحاكم
أنغام : صوتك صحانا
ريناد وهي ترفع حاجب وتنزل الثاني وتقول : الحين أنتي إنتي بذات تبين تقنعيني انك صحيتي على صوتي وأنتي لو تنفجر قنبله بجمبك ماصحيتي
سهام وهي ميته ضحك : افففف والله جابتها هههههههه
ريناد: مسويه طالعه منها وأنتي مثلها
سهام : احم تبين الصراحه غزل صحتنا بس جد صوتك يجننن حرفيا اول مره اسمعه ليه ماتغنين قدامنا صوتك حلو
غزل : هي حلوه اجل صوتها كيف أكيد يدوخ
ابتسمت ريناد بخجل تصد عنهم وتقول : صدق أحسه عادي
غزل : لا أبدا ماهو عادي
أنغام : أكيد صوتها حلو من أهل الجنوب تحسبونها مثلكم عليكم غبره
وأي أنتي تعالي ماقلتي لي من معذبك هاه ولا لأيكون تحبين من ورا ظهرنا
ريناد : انقلعي لا تألفين من رأسك ما في احد
أنغام : متأكده
ريناد : أي
أنغام : اجل ليه تغنين
ريناد : حلوه يعني الي يغني ل عبادي يحب أقول دزي خطرت فبالي وغنيتها
أنغام : اوكي بس ياويلك ياسواد ليلك اكتشف انك تحبين وماعلمتيني
سهام : حتى أنا
ريناد : طيب طيب بروح آخذ دش وأبدل ملابسي وانزل
خلصو ونزلو كلهم يشوفون نوره ومناهل ف المطبخ وراحو يساعدونهم
طلعت ريناد بعد ما خلصو وأكلو واستغربت من ماشافت نواف تقول لسعود : وين الجوعان مااشوفه
سعود : نواف ههههههه راح يغسل المواتر حقنا من الساعه ١١ ماقد رجع رحمته
ريناد : مسكين حرام الحين جيعان
فهد : لا تخافين عليه بذات نواف كل شي إلا بطنه عاد
ريناد : هههه صدق
دخلت تجلس بين البنات وقالت سهام : ماما بعزم مها واهلها عندنا اليوم عادي
مناهل : عادي ي ماما بعدين صدق اشتقت للجلسه مع أمها والله إنها طيبه وتدخل القلب بسرعه وش رأيك ي نوره
هزت نوره رأسها تقول : أكيد ومنها أتعرف عليها
أخذت سهام جوالها تبتسم وتتصل عليها وابتسمت من سمعت صوتها تقول : هلا سهام
سهام : مها كيفك اخبارك واخبار خالتي ليلى
مها : الحمدلله كلنا تمام وانتو
سهام : الحمدلله بقولك ماما عازمتكم اليوم عندنا
مها ببتسامه : صدق الله حماس تمام بقول لماما ونجيكم
سهام : تمام باييي
مها : باي
قفلت تبتسم وتقول : يلا رنودي ي حلوه أنتي قومي سوي لنا حلا من يدينك الحلوه
ريناد : أقول دزي
مناهل : عشاني ي ريناد الحلا حقك يجننن تتفننين فيه
ريناد : آك عشانك
رحت المطبخ تفكر وش تسوي وخطر على بالها تسوي تسوي بودينغ الشكولاته
_________
( بيت مقرن )
وجه نظره لولده عبدالعزيز يقول: وينهم امير ونايف
عبدالعزيز : نايمين
مقرن : نايمين للحين
عبدالعزيز : اعذرهم والله يا أبوي نايف يقول انزرفت سيارته وراح لهم شاكر من الظهر ورجعو تعبانين
مقرن وهو يقوم : وينهم
عبدالعزيز : ف المجلس الثاني
مقرن وهو يمسك عصاته ودخل المجلس يقول بصوت عالي  : ياولد
فز شاكر ينطق : سم
وقام امير ويوقف
ابتسم مقرن لهم من قامو يشوف نايف  باقي نايم ومسك عصاته يضربه فيها  وفز ينطق
نايف : وجع
توسعت عيونهم يناظرونه فتح عيونه يشوف جده وشهق يستوعب ناظر ف امير الواقف بجمبه يرقعها ويقول : وجع وجع يامير يا اميرررر
يركض من حس بالضربه الثانيه
وفطسو كلهم يضحكون قام امير يغسل وجهه ويشوف نايف عند المغسله ينطق : نايف
نايف : سم
امير : سم الله عدوك تطلع معي ؟
نايف : لوين ؟
امير : الحلاق تجي ؟
نايف : يلا كنت بروح أصلا
جته مجموعه رسايل على جواله فتحه وتوسعت عيونه وصرخ بصدمه : اف إف أف ١٥٠٠
امير : حق وش
نايف : حسبي الله ذي مسجله مخالفات على السياره ساهر مصورها أربع مرات وقاطعه إشارتين
امير : الله يعوضك
نايف : كيف يعوضني
امير : بلغ أنها مسروقه طيب
نايف : ببلغ لا تخاف
سمعو صوت شاكر الي يقول : يلا الغداء تعالو
مشو الاثنين يتوجهون للمجلس عشان يتغدون
بعد الغدا قام امير يقول : كثر الله خيركم أنا بمشي
مقرن : على وين
امير : الحلاق بيخاويني نايف وبنروح لشرطه
مقرن : سلامات وش تبون ف الشرطه
امير : ابد والله الي زارف سياره نايف مسجل عليه مخالفات
مقرن : حسبي الله كيف زرفها من عندكم
نايف : ذا امير مساعد وح
امير : واحد
ناظر فيه ورجع ينطق : ساعد واحد وأخذ المفتاح بدون مانتبه وأخذ السياره
مقرن : مو كل واحد تساعدونه بعدين كيف آخذ المفتاح
امير : نايف مخليه داخل ف الخيمه وآخذه
مقرن : تستأهل كيف تخلي مفتاح السياره ف الخيمه
نايف : وش دراني إنها
مسك امير يده بقوه وقال : يلا حنا بنمشي
مقرن : وش صار على الرجال قتلتوه
نايف : لا
طارت عيونه يقول : فكيتوه ؟؟
نايف : لا
امير : قلنا بنشوف يتكلم ولا نقتله بس يوم حركناه طلع ميت قتل نفسه
بلع لسانه ومات
وجه مقرن نظره لنايف يرميه بالعصى ينطق : تماطل فيني ياورع ورا ماقلت زيه
نايف بضحك وهو يهرب : سم ياجد بس امزح معك
وهرب التفت امير على شاكر يقول : تخاوينا
شاكر : أي
طلعو يتوجهون لموتر امير لأجل يتوجهون للحلاق
_______
( عند ريناد )
طلعت المكونات بس ناقصها الحليب والقشطه
ريناد : يوهههه الحين من وين لي حليب بروح أشوف سعود ولا فهد
طلعت تتجه للمجلس وشافت سعود وفهد ف سابع نومه لفت تدور جدها ولا أبوها بس مالقت احد رجعت عند أمها تقول : يمه وين أبوي وجدي وعماني
نوره : طلعو يزورن صديق جدك ولده متوفي
ريناد : الله يرحمه طيب ونواف رجع ؟
نوره : لا
ريناد : أف طيب أبي أغراض من البقاله
نوره : شوفي فهد وسعود
ريناد : نايمين
نوره : طيب صحيهم
ريناد : لا حرام شكلهم تعبانين لو لو تشوفينهم ف المجلس نايمين ف الأرض كنهم مشردين
سهام ماقدرت تكبت ضحكتها : هههههههه تكفيننن
ريناد : جد طيب نادر وناصر
أنغام : يلعبون مع عيال الجيران
ريناد : افففف خلاص بروح أنا
مشت تطلع فوق وتلبس عبايتها وقبل تطلع قالت : تبون شي ؟
سهام : بطاطس و ايس تي و توكس
أنغام : أبي سنيكرس وآيس تي برضو وحار نار
غزل : أبي ايسكريم و ايس تي ومارس
نوره : وجيبي معك فصفص
ريناد بداخلها : ليتني ماتكلمت
مشت تطلع من البيت تتوجه للبقاله
_______
( عند امير ونايف وشاكر )
خلص شاكر يطلع من الحلاق ويقول : بطلع أغير جو
نايف : تغير جو ف الشمس ؟
شاكر : والله ياذي الشمس قبل شوي وهي تمطر بس الشكوى لله
امير : لا تبعد نص ساعه ونخلص مالنا حين ندورك
شاكر : ماني بزر
امير : ادري بس جدي ب يتوطى فبطونا أنا نايف بعدين
هز شاكر رأسه يطلع من عندهم مشى يشوف بزران يلعبون بالكوره وطارت الكوره ولحقها شاكر وقفت عند سياره ونزل شاكر ياخذها ورفع رأسه طاحت عيونه على لوحت السياره وتوسعت عيونه يدقق فيها ويقول : ووالله موتر نايف
ركض بسرعه يرجع للحلاق يركض وقف عند الباب وهو يلهث وقف امير الي كان جالس ينتظر نايف يخلص عشان يحلق
شاكر : ننن نايف نايفففف
نايف : وش بلاك
شاكر : م م ن
نايف : وش قاعد تخبص أنت وش أقول تعال اشرب ماء
شرب وهدا شوي ونطق امير : وش بلاك
شاكر : لقيت موتر نايف
توسعت عيونهم ونطق نايف : وينننننن
شاكر : تعال
أخذهم لمكان الموتر
وطارت عيون نايف يقول : أي والله موتري
وجع ومخليه الباب مفتوح بعد رجع يشوفها من ورا وانصدم يشوفها مصدومه يقول : وجع صادمه فيه بعد زين انه باقي حي
شاكر : وش بلاك قالبه بنت
نايف : وهي بنت
شاكر : احلف
امير بتهديد : لا أسمعك تقول لاحد
شاكر : طيب بس علموني السالفه
امير : بعدين نايف خذ موترك ورح صلحه وادفع المخالفات
نايف : وليه ماتدفع هي
امير : خبل أنت وين بتلقاها
نايف : بجيبها بطريقتي
امير : تمام اسبقوني بروح احلق ورجع
نايف : تمام امش يا شاكر
طلعو هو وشاكر بالموتر عشان يصلحونه ورجع امير للحلاق يحلق
بعد فتره خلص يتوجه للموتر حقه وزفر من شاف علبه المويه فاضيه ينطق : وذا الحين وش الحل مامعنا الا البقاله
توجه للبقاله يشوفها مسكره ويتجه للبقاله الثانيه لأجل يأخذ مويه
_________
( عند ريناد )
مالقت عربيه تقول : أف وش ذي البقاله حتى عربيه مافيه
كانت ماسكه بايدها الأغراض وتبي تفتحه الثلاجه عشان تأخذ حليب شكلاته
عند الكاشير دخل يقول : صديق وين مويه اشر له على المكان ودخل يأخذ مويه
عند ريناد الي اخدت الحليب بشق الأنفس تتجه للكاشير تحط الأغراض
شافها يقول بداخله : وش تسوي ذي هنا والبقالة كلها رجال
قرب منها ووقف قدامها يقول : المعذره يا اختي بس ماعندك اخوان ترسلينهم بدال ماتجين
ريناد الي كانت منفسه ومعصبه تنطق : ووش دخلك أنت
امير بحده : ماعندنا بنات يطلعون البقاله لوحدهم
ريناد وهي تقلده بسخريه : ماعندنا بنات يطلعون البقاله لوحدهم
وش دخلككك منت بوصي علي عشان تجي تقول كذا ابعد
امير زفر بعصبيه من شاف نظرات العامل لها وقال بحده : بنت
ناظرته ريناد وحطت عينها بعينه توسعت عيونه من عرفها عرف نظرتها أو بالخص عيونها عرفها وهو كان حاس من قبل انه يعرفها من صوتها اما ريناد ف ماعرفته لأنه كان متلثم  وقالت : اسمع والله ماني رايقه لك وراي حلا اسويه قبل لا يجون الناس وبروح انظف المطبخ بعد ف فكني شرك وأبعد لا اسمع فيك العالم كله واحطك بالسجن
امير بسخريه : أف السجن مره وحده
ريناد : أي ماتعرف بنت مين أنا
امير : وبنت مين نشاءالله
ريناد : أنا بنت عبدالله حمدان تسمع
امير : ونعم والله
ريناد : ها ابعد
وكانت على وشك تحاسب لولا امير الي مد صرافته يحاسب بدالها
ريناد : وجع انشاءالله وش سويتتت
امير : وش
ريناد : مين طلبك تحاسب بدالي أخ يربي من وين نشب لي ذا صديق كم الحساب
الكاشير : ٣٠
ريناد وهي تطلعها كاش : امسك
امير : شدعوه ترها ٣٠ ماهي ألف
ريناد : واذآ امسك خلصني
امير : لا حاسبت برضاي
ريناد مسكتها تحطها ف جيبه وانصدم من قربت منه وماقدر يتحرك
ريناد : يلا ابعد لا أخليك تندم
وطلعت تتوجه بيتها لحقها امير من شافها بتقطع الخط وسيارات تمشي
ركض لها ولما وصول قال : وش تسوين ؟
ريناد : ياليل النشبه اطحن وش شايف أنت
امير : بتقطعين ؟
ريناد : لا برقص مصري
ضحك امير وقال : طيب تعالي أوصلك بسيارتي
ريناد : ي سلام عشان تخطفني شايفني خبله دفعت لي وقمت طقيت ميانه ترا وربي أوصلك السجن
امير : طيب خلا....
ماكملها إلا وشافه تركض تقطع الخط جلس يراقبها لين اختفت بين البيوت ورجع لموتره يحرك لأجل يرجع بيته
___________
( عند ريناد )
دخلت وهي تلهث بسبب الركض وقالت : يلا كل وحده تأخذ أغراضها وأغراضي خلوها بروح اسوي الحلا حقي
دخلت المطبخ تسوي الحلا وتنظف المطبخ بحكم انه دورها وبعد فتره خلصت تطلع لفوق عشان تتجهز قبل يجون الضيوف
فتحت شنطتها تفكر وش تلبس وهي تدور شافت شماغه الي أعطاها ذاك اليوم ابتسمت لا شعوريا واستوعبت تنطق : وش فيني أنا
طلعت بنطلون جينز أزرق وبلوزة ورديه لبستها وفكت شعرها تلف خصلات منه للخلف وتثبتها بربطه بيضاء وتقدمت تتعطر بعدها نزلت تنطق : وش رأيكم ؟
أنغام : بسم الله عليك تهبليننن تعالي عندي نتصور
نزلت تجلس بجمبها يتصورون ونزلو غزل وسهام بعدها
سهام : وأنا وغزل ليه ما تصورونا
أنغام : تعالو
بدو البنات يتصورون وقلت غزل : سهام متى بتجي
سهام : قالت بعد المغرب
مناهل أذن المغرب يلا قومو صلو قامو البنات يصلون
خلصو وجلسو بعد دقايق دق الباب وتقدمت مها مع أمها وأختها مرام
مناهل : حي الله من جانا
ليلى : الله يحيك
نوره : كيفكم
ليلى : نحمد الله ونشكره
سلمو وجلسو
سهام : مها ذي ريناد الي قلت لك عنها
ريناد : هلا
مها : هلابك سمعت عنك من البنات وحبيتك والله والحين بعد ما شفتك حبيتك اكثر
ريناد بخجل : حبيبتي تسلمين
أنغام : شوي شوي وجهك قلب طماطم ، انتبهي يا مها ذي ماتتحمل الغزل يمكن تنفجر
ريناد تضربها على كتفها : انقلعي
ضحكو وقلت ليلى بعزمكم على ملكت بنتي مرام يوم الخميس
نوره : الخميس ذا
ليلى : أي
ريناد : يعني بعد يومين
مها : ايوه تجون ؟
سهام : أكيد أصلا ما صدقنا على الله نبي نهج
غزل : مبروك مرام
مرام بخجل : الله يبارك فيك
سهام : هههههه تصلحون أنتي وريناد على الحيا حقكم انتبهو تنفجرون
ضحكتو والبنات وقالت أنغام : بنات تعالو نطلع نشوف وش نلبس
للملكه طلعو البنات وبدو يطلعون ملابس وياخذون أراء بعض
ريناد الي تقدمت لشنطتها وطلعت فستان ازرق ماسك من عند الخصر
وقالت : بنات شرايكم
مها : أموت ع الأزرق
ابتسمت تنطق : حلو
الباقي : يجننن
ريناد وهي تأخذ الكعب وتنطق : طيب ابيض ولا ررصاصي
سهام : أبيض
مها : أي ابيض احسن
أنغام : أي حلو
غزل : برضو الأبيض حلو
التفتت ل مرام تنطق : وأنتي ؟
مرام : مثلهم
ريناد : كلكم ابيض
البنات: أي
ريناد : اجل بخالفكم بلبس رصاصي
أنغام : اجل ليه تسالينا
ريناد : لا بس كذا أشوف أذواقكم وطلعت ماش
سهام وهي تضحك : لا اله الا الله
أخذت ملابسها وتجهزها وتحط معها اكسسوارات وقالت خلصتتت
سهام : مسرع
ريناد : انتو جالسين تخترعون الذره ترا كلها فستان وكعب وأساور
سهام : أي أي
ريناد : آك أنا بنزل تحت اجلس معهم على ما تخلصون
نزلت وطلعت للحوش تشوف نواف تقول : نواف
نواف : الله جابك
ريناد : جوعان صح
نواف : أي والله 
ريناد : يلا الحين اجيب لك أكل
دخلت المطبخ واخذت إندومي تسويه واخذت عصير تطلع تعطي نواف
الي كان جالس على جواله
ريناد : ها بالعافيه
نواف : يعافيك يا احلا رنوده
طلعت من عندهم تشوف مها واهلها طالعين ودعتهم ودخلت ترمي نفسها على السرير تمسك جوالها ودقايق حتى غفت تنام

نهايه البارت ادعموني بنجمه وكومنت انزل لكم باقي البارتات
مهم ‼️ : بصير انزل كل خميس بارت أو اثنين ترقبو 🤍🙈