اجرام من طراز اخر

Part 16🦋

# اجرام من طراز اخر

# بقلم الكاتبة شهد الموسوي

# فراشاتي لا تنسون التصويت والتعليق بين الفقرات 🦋💙
..........................................
ادريس: شويكار واثقة من قرارج

شويكار: اي

ادريس: اذا دخلتي من هذا الباب بعد ماكو خروج اذا غيرتي رأيج كولي قبل فوات الاوان

شويكار: موافقة

: كمش ايدي ودخلنا لداخل المكان غريب حيل بالمدخل صالة بس مابيها اي أثاث فارغة وبعدها كمنه ندخل بممر ونطلع من الثاني هواي ممرات وبكل ممر اكو ابواب لغرف لحد ما وكفنا بنص جانت صالة ثانية وبيها شباب مو كبار بالعمر كاعدين مع بعض

: باوعت لادريس تجاهلني وراح كعد على القنفة كدامهم انصدمت من تصرفة الانظار كلها عليه توترت حيل من الوضع الي حطاني بي وابد ما جنت متوقعة راح يتواجد اشخاص غيرنه وجهت انظاري على ادريس اشرلي اجي اكعد يمه تقدمت كعدت يمه اردف واحد منهم

: ريس منو هاي

ادريس: من اليوم ورايح راح تتدرب وياكم

: ريس اول مرة تجيب بنت ويانه تتدرب

ادريس: هيه الاولى والاخيرة تقبلوها وياكم واعتبروها اختكم الصغيرة

: بس ريس

ادريس: ماكو لا بس ولا شي كلامي تنفذوا بدون اي حرف زايد

: صار ريس

ادريس: خليني اعرفكم على بعض اقدملكم شويكار بنتي

: دار وجه عليه واشر على كل واحد بيهم : هذا احمد وهذا ايمن وهذا علي وهذا محمد وهذا عبدالله وهذا نايف الشالع كلبي

ادريس : هواي همه احفظي اسمائهم زين راح تعيشون باقي حياتكم كلها مع بعض سواء بتدريب ومن تكونون جاهزين اطلعون برا هذا المقر ما اريد عداوة بينكم ولا تسون مشاكل مع بعض فاهمين

: هزوا راسهم بس نظراتهم الي كلها كره جانت متاكدة ما متقبليني يعني شلون يتقبلون بنت بوسط كومة من الشباب ما جنت متوقعة هيج ابد طلعت من صفنتي على كلام ادريس وياي

ادريس: اليوم ماكو تدريب الج والكل كذالك اريدكم تتعارفون وتتعلمين على المكان وهم سهرانين اني وياج لازم تنامين باجر وراج يوم صعب

: هزيت راسي اله وهوه كام يريد يروح كمت كمشت ايده مانعته : وين رايح وعايفني

رفع حاجبة : عندي شغل اكمله واجي لهنا ضلي وياهم

شويكار: بس اني ما اريد اضل وياهم خلي اجي وياك

ادريس: مجبورة تضلين وياهم ماكو طلعة برا هذا المقر بعد