ردت عليه
"من عيوني الثنتين"
ارسل لها
"ابوسسهم"
عزيز:الساعه كم اختبارك ؟
العنود:7:30
عزيز:خلاص أنا بوديك
العنود:تمام
وصلو البيت ورقت غرفتها وعزيز دخل غرفته تعباان يبي ينام و هادي رجع لبيت عمته الجوهره
العنود:اهلاً
تركي:هلا اااامي
العنود:اييي وش كنت تبي؟
تركي:ولا شي بس أبي سوالفك
العنود:هههههههه بس أنا راجعه عشان انام
تركي:طيب حطي الجوال عند رأسك ونامي ؟
العنود:انام وأنا اكلم ما تجي!
تركي:إلا إلا تجي
العنود:خلاص طيب بس خلك معي بمسح الميكب
تركي:فكي كام
العنود:هاه فكيت
تركي:اما ما بدلتي
العنود:كله منك تقولي دقي اول ما توصلين
تركي:يلا إذا مسحتي الي بوجهك ذا بدلي
العنود:اعرف
تركي:يمه شفي عيونك كذا
العنود بضحك:عشان المسكره
تركي:وشي ذي
العنود:ما بتعرّفها أنت اسكت بس
تركي:لا تزبدين هاه لا تزبدين
العنود:أف أف يا عصببببي
تركي:أقول بس
العنود:امووت على المعصبييين
تركي:امسحي خلصي بس
العنود:ههههههههههه
تركي:عزيز نام؟
العنود:أتوقع
تركي:اليوم في المهمة اللي انصبّت فيها كان معي واحد زميل وصار فيه اشتباك واطلقو عليه النار وقبل شوي سمعت خبر وفاته
العنود:وااه الله يرحمه ويغفرله
تركي بحزن:تدرين والله كانت ملكته بعد أسبوعين
العنود:ياحياتي هو
تركي:هاه شقلتي شقلتي ؟؟
العنود:يا حياتي هو والله حرام
تركي:أي صح الله يرحمه
العنود بعد ما استوعبت أنها جابت العيد:تركي
تركي:نعم
العنود:أف وشو نعم ذي؟
تركي:شتبين؟
العنود:وشو نعم؟
تركي:لا تخلينا نتهاوش
العنود:أقول بس
تركي:سكري الكام و المايك بدلي و ارجعي
العنود:ليه ما افصل طيب؟
تركي:ما أبيك تفصلين أنا
العنود:خلاص لا تصرخ
هادي:من تكلم لك ساعه؟
تركي:خويي وش بغيت؟
هادي:مدري
تركي:لا واضح النوم مأثر عليك
هادي:أنا مأثر عليك
تركي:رح رح نام في السياره
هادي:لا قدنا راجعين
تركي:يعني خلاص بترجعون؟
هادي:إيه يا رجال أمي جالسه تلبس عبأتها
تركي:اجل يله قل لمي تلبس عبأتها أنا برا
هادي:زين
علي:هاه شسالفه ؟
خالد:يعياال خلااص ما ااااشوف شي ابييي انااام
عمر:اركب اركب بس
فتحت المايك:تركي؟
تركي:لبيه
العنود:عندك احد ؟
تركي:لا
العنود:يعني افتح كام؟
تركي:أي افتحي
فتحت كام يتأملها و يتأمل بجامتها و شعرها وخصلها اللي متنأثره على جبينها
العنود بابتسامه:هيه شفيك
تركي:هههههههه شفيني
العنود وهي تنسدح على فراشها:اهخخ تركي راسي ابييي النوم
تركي:نامي يا عين تركي
العنود حطت الجوال على الجدار المقابل لها و غمضت عينها
جلس يتأملها وهي مغمضه قال بصوت خفيف عشان ما يخرعها:انتِ ليش حلوة حتى وان كنتي بتنامين ؟
فزت تنطق:غيرت لفه رأسك؟
تركي:بسم الله عليك يا أبوي شفيك!
العنود:بدلت لفتك؟
تركي:أي أي بدلتها لي أمي بعد تقومين كذا!
العنود:خلاص اسفه
تركي:يلا ارجعي نامي
العنود:سمَ
