Balas (Anak ni Randy)

BALAS: 32

(Authors' Note: Sugod diri kay medyo taas taas na ang word count nato. Hapit naman ta mahuman. Di na kaayo nako taason kay naana pud koy klase di na kaayo ka wattpad, skl.)

***

Chapter 32: Pakigkita sa Nako sa Syudad (Daghan nahitabo)

RHEA'S POV

-
BAG-O PA KONG MATA. Niya nigawas dayon kos kwarto. Tuktogaok pas mga manok akong nadunggan. Medyo sayo pa gyud siya kay nakit an man nako ang mga fogs sa gawas pagpangabre nakos akong bintana ganina.

Medyo na-bother pud ko maong nigawas ko ron kay saba man sa may sala.

Paggawas nako nakit an nako si Mama ug si Dodong. Naglingkod si Mama nga murag problemado. Naa koy papel nga nakit an sa lamesa namo nga bildo. Nakatutok man siya didto maong nakuryoso pud ko.

Imbes na muadtog kusina aron mag tootbrush gidala kos akong tiil sa kung asa sila Mama.

"Ma, unsa na?" Tan aw nakos papel.

Nag-angat siyag panan aw sa akoa ug naglingo lingo. Problemado gyud kaayo iyang nawng ug karon rako kita nga na ing ani siya.

"Tan awa." Mao ray iyang ingon ug gipunit pud nako.

NOTICE OF DEFAULT

Mao nay nakabutang. Kay lage bogoon sad ko gamay wa ko kabalo kung unsa na siya. Naay nakabutang petsa karon November 24 2K2? Ug ang katingalahan naa koy nabasa ngalan nga Sgt. Randy Banale. Si Papa?

Naay nakasulat daghan. Basahon na unta nako pero nagsugod mag tibi si Mama.

"Wa ko kabalo nga dako diay nag loan imong Papa sa bangko. Dugay na diay siya sigeg loan tapos wa man lang ko pahibal a. Di pa unta ko kabalo kung wa na gihatod ron sa taga-bangko."

Wa ko kasabot sa iyang ingon maong nagsugat ragyud akong kilay. Si Dodong nitan aw napud ni Mama ug murag kuryos nganong naghilak siya.

"Ngano manlimbong paman gyud siya nako. Asawa man ko niya, ingnan unta ko niya. Di kanang mahatdan nalang tag sulat diri nga gaingon nga wa siya kabayad dugay ra. Daghan naman diay ug notice karon ra napadala."

"N-Naay utang si P-Papa, Ma? Wa ko kasabot."

"Imong Papa Rhea. Dako kaayog loan sa bangko. Dugay ra wa kabayad maong gipadal an natag sulat. Kadako sa iyang utang duha ka milyon? Waman ko kabalo nga nagkakwarta tag ing ana. Wa siya gahatag, wa man ta katilaw ana. Asa mana niya gigasto!?"

Nakuratan pud kos nahibaw an. Di man guro tinuod ning ingon ni Mama. Dakoa pud sa two million!? Di man gani katugbang iyang kwarta nga madawat kung mag retire siya nga 1 million ra.

Bitaw asa kaha na niya gigasto. Waman mi kabalo anang kwartaha. Laina pud ni Papa oyy. Nagtago lage siya namo ani.

"Naa ba ni kabet ning tawhana!?" Naghilak na gyud siya ug nitindog aron muadto sa kwarto. "Gitawagan nako di mutubag. Kung manawag tong buanga to ayaw ninyog tubaga!" Bilin pa niyang estorya usa nanirado sa kwarto.

Nabilin ming Dodong nga wa katingog ug nagtinan away nalang.

"Naunsa tos Mama te?"