بين عينيها حكايا

الجزء الرابع والعشرون

بين_عينيها_حكايا
.
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
التعليق والتصويت دعماً للقصة
متابعة الحساب دعماً للقصة لطفاً❤️
.
.
.
.
‏"أكثر ما يُرهق الصامتين .. هو ثرثرة عقولهم ."
.
.
.
.
ظلال
______________________________

الصمت
الصمت يترجمه الأشخاص كلٌ حسب ماتقتضيه
مصلحتة
البعض يترجمة ضعف
البعض خوف
والبعض يترجمة كما هو صمت
صمت للترفع عن رد الغلط بالغلط

هذا الشي اللي أشوفة كل يوم
بمدرستي
الصف الرابع أعدادي جان مرحلة تميز عظيمة بالنسبة ألية
تميز شخصي ومدرسي
شخصيتي تقوت
رغم أسمع الهمس والكلام يروح ويجي
وتميزت اني وصديقتي كادي
بالدراسة
التنافس قائم
بس تنافس لذيذ بلذة طعم صداقتنا
اللي بدت من اول سنوات دخولنة المتوسطة
كل يوم
انتضرهة براس الشارع
تطلع من دربونتهم
اللي ورة المدرسة من بيتهم

وتجيني نمشي الشارع اللي يودي للمدرسة
سوية
نلبس من بعض وناكل من بعض
المساعدة بيناتنا مستمرة
واغلب وقتي الدراسي أگضي وياهة ندرس
عالتلفون
او تجيني نگعد بالحديقة
او اروحلهة
وهج تحب كادي وكل اخواتي يحبوهة الا شمس
ويقبلون اروح يمهم لأن ماعدهم أحد
بس هي وبيبيتهة
بيبيتهة مو جبيرة هواية بالسن
مرية متوسطة محافظة على نفسهة ومهتمة لدرجة
كشخة وترتيب وموظفة قديمة بوزارة التربية
جانت تحب لمتنة
وتفرح بوجودي ويا كادي وحواليهة
اغلب الوقت تگول انت اختهة وربنا عوضهة غياب
أهلهة بوجودج
جانت وياي وين مااخطي
رجلهة على رجلي
تعب الدراسة
وكلام البنات
وشمس اللي بدت مشاغباتهة تزيد وكادي تدافعلي
او تخليني اطنش
الى أن بيوم من الأيام طفح الكيل
من فاتت شمس من كادي
وضربتهة بكتفهة تهمس

-النگسة انتبهي لطريقج

دفعتهة اني أبعدهة عن كادي
عاطت
-معليج المشوهة

دفعتني موگعتني
وگفت بكل حيلي وقوتي ضربتهة راشدي
صفنت بية على أثرة
عدلت شعرهة
وبكل تهديد گالت

-ماشي انت وياهة الا حظكم أطيحة

طلعنة بيومهة للبيت
واني مخلية ايدي على گلبي
شمس كللللش وكحة ولسانهة هوووواية سابق عمرهة
وكل شي ممكن وارد يطلع منهة
يومين داومت هدوء
وباليوم الثالث بنص الدروس صارت فرصة
طلعت اشتري من رجعت دخلت للصف تفاجئت
من لگيت جنطتي مموجودة
دورت بحثت الجنطة ماكو

انهاريت عندي درس رياضيات والجنطة مختفية
كادي دورت وياية ماكو
افترقنة ندور كل وحدة بمكان
رجعت للصف تعبانة
دخلت المدرسة وكادي خلت الكتاب بينة
همستلي

-لگيتهة لو لا

-ماااااكو فص ملح وذاب راح أتخبل

-خل تخلص الفرصة والگاهة
غمزتلي حتى تطمني
خلص الدرس وطلعت تجرني وراهة
شمس وشلتهة
رفل وبنات اثنين من رابع ( ب )
دفعتهم كادي
ودخلت للصف تدور