كانت ليلة طويلة على جوري رقدت آخر الليل مقدرتش تنوض بكري ...
حست بلمسات فوق وجهها تداعب شعرها بدات تحل عينيها بشوية حتى شافت وجه خلى لإبتسامة تتوسع على وجهها وهي تحل عينيها مليح....
جوري بقلب يخبط بقوة: سوووزي!
سوزي وهي تبوز شفافها... همم سوزي....
ناضت تشوف فيها كبرت الصغرونة ولات شكلاطة ذايبة وتبوز شفافها ثاني....
طلعت حاجبها بخبث وهي تمد يدها لكرشها وبلا سابق انذار دغدغتها راحلها التشناف وبدات تضحك وتعيط بقوة وهي تهدر بسيف خلااص خلااص خالتو مش زعفانة منك انا خلاص ضحكت جوري من قلبها ولمعت دموع في عينيها وطارت تعنق فيها تبوس وتحضن مش مصدقة الي هي في حضنها أخيرا هي مش بنت أختها وبس هاذي بنتها هكا تحسها... سوزي مش من لعاكسين حتى هي تعنق فيها وتبوس بقوة مش مصدقة الي هي هنا بعد هاذ الغياب كل... نكقت بصوت باكي... خالتو علاش طولتي هاذ الوقت كلو باش تجي؟ مش قلتي كل مرة نهدر معاك في اقرب وقت نجيكم؟؟
زعفت منك انا...
تنهدت بقوة وهي تشم ريحة شعرها تهبل ريحة طفولية تحرمت منها لسنوات غرست نيفها في شعرها وهي تهدر بصوت حزين... سمحيلي مكنتش قادرة هذا وين قدرت وهاني جيت وعمري نخليكم..
طارت بفرحة وهي تنقز وتصفق يعني خالتو تقعدي معانا ديييما؟
هزت راسها ايه وهي تشوف فيها ديما ديما....
لمعت عينيها بفرحة وقفت وبقات تشوف فيها بعينين مدهوشين...؟
جوري: خير حبيبتي واش بيك علتش تشوفي فيا هك؟؟
سوزي: نتي شابة بزاف خالتو تقول بوبية باربي علاش مجيتش نشبهلك وماما ثاني مش شابة كيفك؟
ضحكت جوري بصوت عالي وهي تسمع هاذ الطرفة من فم بريئة صغيرة....
لمعت دموع خفية في عينيها وهي تغيس شوية بعدها همست... ♕ياريت الجمال كان معيار الحظ...♕
وجهي وجمالي مفادني في حتى شي حتى انو مقدرش يوفرلي ضحكة وحدة نقية خارجة من أعماق قلبي...
أنتي شابة ونتمنى حضي ميكون كيف حضك يا صغيرتي...
سوزي: همممم!! مفهمت شي مهم خالتو شابة نتمنى نكبر ونشبهلك...
عنقتها بقوة للمرة ثانية شوية بعدت عليها وطلعت حاجبها باستفسار؟
حبيبي وييينو؟ مش مشتاق لخالتو؟
سوزي: هممم زعفان منك ويستناك تراضيه باش يفك لخصام معاك😊
ضحكت جوري بقوة وهي تمسح عينيها من دموع الشوق والفرح والحزن في نفس الوقت... ييعيشلي الي يتوحشني ويزعف مني كبرتو وليتو تاخذو موقف امشي امشي معايا نوضو نشوفو الحب كيفاه نراضوه...
سوزي: جربي حضك... 🙄
كانت واقفة قدام الباب ووراها تامر يشوفو فيهم ويتبسمو فرحو انو سوزي خرجتها من ظلام ليلة البارح وفيقتها على صباح ونور جديد وشافو اخيرا ضحكتها....
كان قاعد فوق طابلة يفطر صباح وهو مغوبش مش حاب يحكي مع حد...
تامر ونجوى واقفين يشوفو فيه ويتهامسو... شاف فيهم عاود دور وجهو منهم...
نجوى: هيثم ولدي علاش مغوبش ياخي خالتك جات ورايحة تقعد معاك علاش زعفان.؟؟
هيثم: ميهمنيش تقعد ولا تروح ميهمنيش...
خرجت جوري ومعاها سوزي شافت في نجوى صبحت عليها وشافت في تامر الي كان حشمان لكن تبسمتلو بحنية كانها تهديه وتقولو متعمرش راسك. رتاح نسبيا ودارو لهيثم... الي محبش يشوف فيها...
جوري قربت منو تشوف فيه تتأملو كبر الصغرون هو وسوزي فولة و تقسمت على زوج توأم نزادو في نهار واحد سبع سنين عمرهم تحرمت منهم ثلاث سنين مشافتهم طول مدة زواجها وهو مانعها تجي ولا تشوف حد من عيلتها...
تنهدت ونطقت: أنا جيت حبيبي متوحشتش خالتك؟
محبش يشوف فيها وهو يخبط بفرشيطة في صحنو زعفت سوزي كي مجاوبش خالتو وعيطت عليه هيثم خالتو تحكي معاك..
نكق هيثم بزعاف طفولي مش حاب نحكي معاها... قولها تروح...
نجوى: هيثم تأدب هاذي خالتك...
هيثم: سكت وتوتر...
جوري تبسمت بحنية ونطقت وهي تغمز في نجوى وتامر...
كيما يحب هيثم برك ظاهر كبر ومعادش حاب يشوف خالتو انا نروح ومنزيدش نجي...
سوزي: خاااالتو لااا متروحيش...
نجوى: احسن شي روحي جوري...
دارت جوري تروح نقز من بلاصتو وطار على رجلها شدها منها وهو يبكي متروووحيش خالتو توحشتك ونتي مجيتيش زعفت وخفت تزيدي تروحي عليها محبيتش نهدر معاك....
دارت ليه وبعداتو شوية شافت في عينيه وهو يبكي ساحو دموعها وعنقاتو بقوة وهي تبكي معاه سمحلي حبيبي سمحلي مش في يدي ربي عالم هاني جيت خلاص متبكيش....
هيثم: يبكي ويهدر متزيديش تقولي هيثم ياخي انا حبيبك...
ضحكو عليه وهي تجاوبو على حساب عقلو اكييد ياروحي انت حبيبي وعيوني وكلش في حياتي برك متبكيش ذرك وسكت...
تبسم وعنقها ويبوس فيها من كل بلاصة...
جوري: يعني تصالحنا؟
هيثم: ايه تصالحنا....
نجوى: حمد الله ياربي كان رايح يجلطني...
تامر: ذرك نبدا نغير انا... ولادي يحبوك كثر مني!
جوري: يحبو الإحسان..
تامر: هممم يعني انا قالع جد باباهم... ارواحو هنا راح يجري وهوما يجريو ويضحكو...
قربت نجوى من جوري ونطقت... اول مرة نشوفهم بهاذ السعادة قدومك فرحنا بزااف..
جوري نتمنى منكونش نحس كي عادتي وين نروح ندي كمية تعاسة معايا...
نجوى: انساي حبيبتي وهذا من الماضي خلينا نشوفو للمستقبل...
بعد. مدة كانو يفطرو شافت نجوى في تامر ونطقت...
خالتي رحمة مريضة ونتا مسافر لازم تديني نقعد عندها حتى تجي من السفر...
تامر: اااه صح عيطتلي وقالتلي جيبهم حتى انها من ذرك توحشت لولاد مش موالفة تبعد عليهم غير هوما يونسوها...
نجوى: شافت في جوري... جوري ياك تروحي معايا؟
جوري: منعرفش ختي انا نحب نقعد هنا.... منحبش نزيد همي على عجوزتك المريضة...
تامر: واش من هم متزيديش تعاودي هاذ الهدرة يما في مقام امك ورايحة تحبك وتحبيها...
نطقو هيثم وسوزي فرد وقت ياااي خالتو رايحة معانا للجدة.
تبسمت وهي متوترة وقلبها يخبط يعني قادر يكون لسان سليط ثم هو عايش مع امو والي تعرفو عجوزة اختها معندها حد معاها من غير زوج ولاد تامر الي عرفاتو والحشري نيار الي تعرفت عليه البارح كيفاه رايح تروح كي سم على قلبها لكن ماقدرش تقعد هنا وحدها في دار راجل اختها وثاني متقدرش تزعفهم سكتت وحتاسبت...
نجوى: هذا معناتو ايه...
تبسمتلها وسكتت..
تامر مليح آخر الأسبوع نشالله نديكم....
أنت تقرأ
أعذر وجودي
Romanceعندما يتحول الكابوس الذي رأته جوري في منامها الى حقيقة وتصبح حقا امرأة مطلقة في مجتمع لا يرحم فقط لأنها عقيمة هنا تبدأ معاناتها في إثبات ذاتها والبحث عن احلامها وتزيين صورتها امام الناس انها لم تقم بشيئ سيئ لكن فقط لم يحالفها الحظ واول من تصدم به وي...
