" ဟီဆွန်းဟျောင်း.. စိတ်ကြည်နေလားဟင် "
" ကြည်ပါတယ်.. ဘာလို့လဲ "
" ပထမဆုံးအနေနဲ့ပြောချင်တာက တောင်းပန်ပါတယ်။
relationship တစ်ခုထဲကို ခုန်ဝင်ဖို့ အဆင်မပြေသေးတာကို ကိုယ့်ဟာကိုယ်သိရက်နဲ့ အဆင်ပြေမှာပါဆိုပြီး တဇွတ်ထိုးလုပ်ခဲ့မိတဲ့အတွက်...
တကယ်စိတ်ရင်းနဲ့တောင်းပန်တာပါ။
ကျွန်တော်က ချုပ်နှောင်ခံထားရတာကြီးကို မကြိုက်ဘူးထင်ပါရဲ့ ဒီအခြေအနေက အဆင်မပြေသလိုခံစားရတယ် ဟျောင်း... "
" ပြီးတော့ ကျွန်တော် အသစ်လည်းမတွေ့သလို ဟျောင်း အပေါ်လည်း သစ္စာမဖောက်ခဲ့ပါဘူး အဲ့ဒါတော့ယုံပေးပါ။
ဒီအတိုင်း မတရားပင်ပန်းလာလို့ ကျွန်တော်ဆက်ပြီး လက်မခံနိုင်တော့တာပဲထင်ပါရဲ့...
ဖြစ်ခဲ့သမျှထဲမှာ ဟျောင်း အမှားမပါတာမို့ ကိုယ့်ကိုယ်ကိုယ် လုံးဝအပြစ်မတင်ပါနဲ့နော် ကျွန်တော်မကောင်းခဲ့တာပါ။
ပြီးတော့ ကျေးဇူးအများကြီးတင်ပါတယ်... ကျွန်တော့်ကိုအများကြီးချစ်ပေးခဲ့လို့ "
ရုတ်တရက်ကြီးသူ့ကိုတွေ့ဖို့ခေါ်တဲ့ ကောက်လေးဆီကပထမဆုံးစကားက လမ်းခွဲဖို့မှန်းသိရတော့ သူခပ်သာသာပြုံးမိသည်။ ဒီလိုတွေဖြစ်လာမှာကို အရင်ထဲကကြိုသိထားခဲ့ပါတယ်။
အတွေးအမြင်မတူတဲ့သူတို့နှစ်ယောက်က အစွန်းနှစ်ဖက်ကလူနှစ်ယောက်လိုပဲ။ နီးစပ်မလိုနဲ့ ဝေးကွာနေတဲ့ဖြစ်တည်မှုတွေမဟုတ်လား။
သူလည်းကောင်လေးကိုသဘောကျပါတယ်..။ ဒါပေမဲ့ အခုလိုဆက်သွားနေလို့ မဖြစ်တာကိုသိနေတာမို့ ကောင်လေးဘက်ကပြောလာဖို့ကို စောင့်နေခဲ့ရုံပါ။ လုံလုံလောက်လောက်မချစ်ပေးနိုင်ခဲ့တာမို့ လမ်းခွဲဖို့ကိုအရင်စမပြောရက်ခဲ့လို့ပါ။
" အားမနာနဲ့နော် ဘာမှမဖြစ်ပါဘူး..
ကိုယ်အစောကြီးထဲကတွေးထားပြီးသားပါ။ အဆင်မပြေတာသိနေတာမို့ လမ်းခွဲဖို့ပြောဖို့ကြိုးစားသေးတယ်။ မပြောရက်လို့ ကောင်ငယ် ပြောလာမှာကို စောင့်နေတာ...
