كسروا أجنحتي

" الكسرة السادسة"

              كسروا_______________ اجنحتي

           الكاتبة________________ مسرة علي
       
              وصوت النواحي يلوحني ويلتم باديه 
                    الصوت بيَّ ريحة اعيوني
                      وبيَّ هلي وحشة مسية
                        هلي يا من ضيعوني
             

                             « حنين::-»

في البداية الدفئ والعناق وفجأة الجفاف والبعد تلاشت
                                 المشاعر
   ذابت الآمال احلام تلاشت، ألم لا ينتهي حنان ضائع
                  وحيدة في عتمة بدون أمل
                   روح مثقلة و عتمة طويلة.

گاعده بحديقة بيتنه الصغيرة من بعد ما سديت المكالمة من نورس.
گعدت افكر بحالي بالورطه راح اتورط بيها عيوني أتلفت الدنيا الغروب وبدت اضلم
مسحت دموعي بكف أيدي ورفعت ايدي أدعي

::- يا رب دخيل اسمك باوعلي اني اليتيمة ولا تخلي خاطري مكسور

انفتح الباب ودخل عمي الچبير هو وزوجته يسحلون ابيبي المريضه
شافني گاعده نتر بوجهي وصاح بصوت غضب

::- شسوين گاعدههه هناااا

هزيت راسي ما اسوي غمني بثنين اديه ودخل للبيت يعارك ذبان وجهه
::- مات وبلاني بخلفته عسا بنار جهنم

رجف گلبي من كلامه دخلت زوجته وراه أدگله
::- جواد لا دگدر حالك عليها هنَّ كم يوم ونخلص من همها
دخلت وراهم أستلمتني زوجة عمي " نجاة"

نجاة::- يله عيني للمطبخ ادخلي سوينه زقوم.
هزيت راسي أي طبيت للمطبخ
سويت العشا كملت ردت أطلع وگفتني وخلت المعجنة مال العجين وگالت

نجاة::- شنگي على ما خلي حطب واجي
سحبتها اشنگ وهيَّ راحت تخلي حطب بالتنور الطين
خلصته غطيت العجين، دخلت بنت عمي " اسراء"
مصبغه اظافرها وتنفخ بيهن

أسراء::- صبيلي عشه جوعانه

حنين::- بعده ما جاهز

اسراء::- وين جنتي لسااا الغده ما حاظر؟

تجاهلتها ما رديت عليها اجت عليَّ سحبتني من شعري من ورا الحجاب وصاحت

اسراء::- والچ هييي ويامن داحجييي؟

دفعتهه عني صارت دفعته على حافت السنگ صرخت تتوجع
گلبت البيت بالصايح على صوتها دخل عمي وأبنه
" موسى"
لزموها يردون يعرفون شبيها وهيَّ مستمره تبجي وگاطعه حتى النفس من الوجع

موسى::- شسويتيييي والجج؟

حنين::- هيَّ ضربتني اول واني دافعت عن-----