"بعدك يجرحني وقربك يشفي لي جروحي"

[الجزء التاسع]

قاطعها الصوت الخشن وراها:على وين ياحلوات؟
التفتت وتر بخوف،وشافت بنيته الضخمه،حاولت توصل لملامحه لكن لثامه ماكان يبين الا عيونه،انتبه لعيونها الخايفه:وش فيك خايفه!،ماني بذابحك
وتر وهي تمثل الحده:روح عنا والله معك
اقترب ومسك معصمها بقوه:ماني برايح الا والعيون هذي معي
حاولت وتر تضربه لاجل يبعد عنها،صرخت بصوت عالي:يالرعدددد
مسكت، مسك الغريب يلي قدامهم وبدت تضربه،رماها بعيد عنهم ،انتبهت مسك لجلسه جدها المليانه وصرخت:يباههه وترررر بتنخطففف ،التفتو كل الرجال وفزو لما شافو السياره والشخص يلي ماسك وتر،انتبه الغريب انهم كثير سحب وتر ورماها بسيارته ومشى التفت لها بغضب:اقسم بالله لو اسمع لك حس اكسر وجهك هنا
وتر بخوف وهي تبكي: وش، وش تبي مني ماسويت لك شي
التفت لها بغضب:اسكتيييي ،اسكتيييييي
مسكت وتر شعره بغضب وهي تصارخ:نزلنيييي ،وجعع نزلنيي
مسك يدها وابعدها عنه،التفت لها وعيونه حمرا من الغضب:اقسم بالله لا ارتكب فيك جريمه هنا فاهمه،اسكتيي
وتر وهي تصارخ وتضرب الباب:يالرعددد،يالرعدددد
الغريب بغضب:وانتي مفكره ان الرعد بيفكك مني ،مالك مفر يابنت ماجد
وتر باستغراب:وش يعرفك اني بنت ماجد؟هييي رد ،ياجعلك تموت
الغريب بضحك:لو مت بتموتين معي ولا ناسيه انك معي
وتر بصوت عالي:نزلني وش تبي مني ها وش تبي مني ،ياحيوان ردد جعلك الصمخه
الغريب :الانتقاممم،تعرفين معنى الانتقام؟ولاتبين اعلمك
وتر مااستوعبت كلامه:خير تنتقم من مين وليه،وانا وش دخلني انتقم منه هو انا وش دخلني ،واكملت تضرب الباب وتصارخ:الرعدددد
طلع الغريب على الشارع،وبدا يسوق بسرعه جنونيه الين اختفى عن انظار عيال سعود،دخل بمزرعة،التفت لوتر يلي للحين تبكي وتستنجد بالرعد،بهدوء:وريني الحين كيف بيطلعونك حتى جثتك مابيلاقونها
فتح الغريب الباب وسحب وتر :امشي جعلك الكسر امشي
سحبها ولما شافها للحين تستنجد بالرعد ،ضربها على راسها الين اغمى عليها،تقدم للداخل وبصوت مسموع:تركيي
دخل تركي:ياهلا سم مهاب
مهاب:خذها ونزلها تحت ولا اشوف احد يقرب ولا يعطيها اكل خلوها تعفن
تركي:مين هذي؟
ميّل مهاب ابتسامته بثقه:بنت ماجد واقرب حفيده لـ سعود
تركي بأستغراب:ووش بتسوي فيها؟
مهاب:باخليها تتعذب واعذبهم معاها بالاخير ارجع لهم جثتها
تركي: يارجال مانا بفاضين تعرف احفاد سعود كلهم يلي ضابط ويلي ويلي بتدخلنا بمواضيع مالنا فيها
مهاب:انت يلي تنتقم ؟
تركي:لا
مشى مهاب وهو متوجه للغرفه المظلمه:اجل مالك شغلك،وياويلك اعرف انك قايل لاحد انها هنا،تعرف مصيرك بعدها وين؟ بالشارع وانت تعرف مثل ماطلعتك منه اقدر ارجعك
دخل مهاب الغرفه المظلمه يلي مافيها لانافذه ولا نور،حط وتر على الارض وبدا يربط يدها لاجل ماتهرب،انتبه لجمال عيونها:ذنبك الوحيد انك بنت ماجد وحفيده سعود
فتحت وتر عيونها وهي تتألم:انا وين؟
مهاب: بمماتك
وتر بخوف:مين انت ووش تبي مني؟
قرب مهاب:ابي اشوف وجع اهل سعود وألمهم
وتر انهارت:تكفى انا لا اعرفك ولا انت تعرفني طلعني قسم بالله مااقول لأحد عنك قسم
قرب مهاب ،نزل نقابها وهو منبهر من جمالها:سبحان من سواك
وتر نزلت راسها وهي تبكي:لاتشوفني تكفى
مهاب بغضب :اقسم بالله لو ماتبطلين بكي الدلع هذا لأكسر وجهك فاهمه؟
شافها وهي تبكي وتغطي وجهها ،نزل يدها ومسك فكها بقوه وصرخ:فاهمه ولا افهمك؟
ترك يده وصرخ:تفهمين؟
وتر هزت راسها وهي تبكي:ماني بفاهمه وبيجي الرعد واخواني ويكسرونك وتشوف
اقترب مهاب ،بحده:وش تقولين انتي ياهيي
وتر رفعت وجهها بثقه وعيونها كلها دموع:بتندم ،بتندم
ضربها مهاب كف ،وصرخ:نشوف مين بيندم يابنت ماجد
رفعت وتر راسها وهي تصارخ:هتاااااااااااااننننن،هتااااااان
اقترب مهاب وهو يضحك:مافي نفع من صراخك المكان معزول ومهجور يعني محد منقذك ويا انك تموتين ضرب ولا جوع ،طلع وتركها تبكي وراه،كان قلب مهاب مليان حقد وانتقام لـ سعود وماجد،وقرر ينتقم منهم بأقرب حفيده للعايله،جلس مهاب بصوت عالي:تركيييي
تركي جا :هلا
مهاب :جب لي مويه تعبت منها
اما عند وتر انتبهت لربطه يدها ،ضحكت بعد ماشفت انه رابط كل يد لحالها وتقدر تتحرك وتاخذ راحتها:يخطف وخبل وينتظر رعد واخواني مايجون،فكت ربط يدها وحاولت تدور للباب او اي وسيله تطلعها بس المكان كان ظلام،انتبهت لفتحه بالجدار تنور لها ،زفرت انفاسه وجلست وهي ضامه رجولها وتبكي،بوسط شهقاتها:يارب طلعني من هالمكان يارب يارب،التفت على فتح الباب،وشافت شخص غير مهاب؛التفت وهي تغطي شعرها ووحها بالطرحه:تكفى طلعني ولله مابي منكم شي بس طلعوني انا ماسويت شي
تركي ترك علبه مويه بهدوء بقله حيله:خذيها ولا جا الرجال خبيها لايشوفها
وتر :طلعني
تركي:انا ماقدر بس ان شاء الله يجون يلي يقدرون يطلعونك
وتر:عندك جوال؟
تركي:ماقدر اعطيك مراقب، وطلع بدون مايترك مجال لـ وتر تتكلم،جلست وتر وسط شهقاتها ودعوتها..
- البر(عند الرجال):
وقف بتال سيارته بوسط الطريق ،صرخ بغضب:ياربببببب
اتصل جواله،اخذه بغضب وهو يرد على هتان:ها لقيتها
بتال:اختفى من وجهي بس يارب ان الرعد لقاهم هو قدامي
هتان:وينك؟
بتال بغضب:ويني يعني وين بنص الشارع ،امش سيده وانا قدام،خلاص ياهتان ماني برايق لاحد واختي مخطوفه ومابيدي شي
هتان بغضب:تراها حتى هي اختي اسكت شوي وخلنا نلقى حل
قفل بتال جواله بغضب ورماه واكمل طريقه وهو يقول:قال حل قال واختي شوي وتموت ونحنا مب دارين منهو يلي ماخذها
وقف بتال اول ماشاف سياره الرعد واقفه بنص الطريق ورعد واقف بمكان بعيد،نزل بتال:عساه خير لقيتها؟
مسك الرعد جوال ومده لبتال:هذا لها؟
بتال بصدمه:ايه!
الرعد :لو انا جينا قبل دقايق كنا لقينا لها اثر بس الاثر مسحه الرمل
بتال بغضب: اقسم بالله اني لو شفته اني لااذبحهه
الرعد بغضب وهو يهدي بتال :خلك هادي وادعي لها مايمسها الاذى والبنت كلنا بندور لها وعيوني مابتغفى الين اردها لك،وان مارديتها لكم وفقدت الامل فانا مااستحق كل يلي انا فيه
بتال انهار وبدا يمسح دموعه بشماغ ويبكي بحرقه:هذي الوتر ،نحنا بدونها ولاشي تعرف وش معنى حياه بدون وتر،وتر بتال بدونها ولاشي
الرعد ماكان يقدر يتحمل دموع احد،بدت تدموعه تنزل،ضم بتال،وهو يمسح دموعه:البنت بنلقاها وان شاء الله مايمسها الاذى،ومافي وقت تبكي خلنا نلقاها الحين وتر بحاجتك يابتال ولو هي قدامك مابترضى تشوفك بهالحاله اركب وامش من اليسار وانا باروح من هنا وهتان انا بأكلمه،لاتقفل جوالك يمكن يجينا اي اتصال،هز راسه بتال وتلثم وطلع سيارته وبدو بالبحث...
-البر (عند البنات):الكل يبكي وصوت شهقاتهم وبكائهم يملي الخيمه،ميعاد وهي تبكي:اه يابنتي اههه يابنتي اه،ياربي انك ترجعها لي بخير ،يارب
انهارت وتين يلي كانت تستمثل القوه قدامهم،طلعت خارج الخيمه وجلست تبكي ،تعالى صوت شهقاتها :يارب ترجع لنا وتر يارب رجعها لنا بخير يارب ،يارب لايمسها الاذى
طلع الوليد من الخيمه بضيق وهو صاد:يابنت العم ادخلي وان شاءالله انها ترجع بخير
وتين غطت شعرها:ومين انت،ووش تسوي هنا ليه مارحت تساعدها؟
الوليد بضيق: راحو الكل يدورون لها وقعدنا انا ومالك حول الخيام نحميكم
وتر نزلت راسها بهدوء:الله يكتب اجركم
نزل الوليد راسه:امين،ادخلي الخيمه لايشوفك احد تقوم الدنيا
دخلت وتين بدون ماترد عليه والضيقه لاعبه بقلبها لعب،استوقفتها الجده:وتين،وثفت وتين وهي تنزل طرحتها:هلا !
الجده اقتربت بضيق:انتي ادعي انهم يلاقون اختك،ولاتتضايقين مدامهم طلعو فماهم براجعين الا ووتر معهم
هزت وتين راسها بهدوء:ان شاء الله ياجده
الجده بهدوء:ادخلي وارتاحي الين يرجعون ماهو بزين تتعبين نفسك ووتر قويه ماهي بضعيفه وكلنا نعرفها
حضنت وتين الجده وتركت دموعها تطلع:ولله خايفه عليها يأذونها ياجده
الجد :لا ان شاء الله ،انتي بس ادعي،بس ادعي واختك ان شاء الله بخير
تركت وتين جدتها ودخلت وجلست على فراشها تبكي وتدعي الين غلبها النوم،انا بالخيمه عند باقي الحريم الجو كان متوتر ومليان دموع وخوف..
- المزرعة :
في وسط ظلام الغرفه كانت وتر تبكي وتدعي ربها ينجيها من هذا الرجال الغريب،اما مهاب كان هدفه الوحيد انه يتخلص من وتر بغرض الانتقام،والقصه ورا انتقامه، تبدا من لما دخل بدر مجلس ناس تتعاطى وتبيع وتنشر السموم للناس،عرف بدر ان هالمكان بيخيلي سمعه سعود وعياله تطيح،سأله مهاب :انت وش اسمك.
ابتسم بدر بخبث:ماجد بن سعود الـ ****
قدم مهاب لبدر سمومه بس بدر ماكان يدفع لهم نهائي ودايم يأجل،الين بيوم طلع بدر وهو سكران من بيته وكان يسوق وهو مو في وعيه،وبدون ما يلاحظ دعس زوجة مهاب يلي كان يعشقها ويموت فيها،خسر حب حياته وقرر ينتقم من بدر يلي بباله ماجد ،جمع معلومات عن ماجد وقدر ياخذ وتر.
دخل تركي عند مهاب:يارجال ترا شفت عيال سعود يدورون بالمكان
مهاب بثقه:ومين بيحط عينه على المكان
تركي:المكان مشكوك فيه انا لو مريت من عنده بادخل
مهاب وقف وهو يطلع متجه لغرفه وتر:فضولك غير عن فضولهم
دخل الغرفه على وتر يلي مارفعت راسها وكملت تبكي،ابتسم:وضعك عاجبني
رفعت وتر راسها بحقد: بتلحقني
هجمت على مهاب وبدت تضربه لكن ضربها له كان اشبه بضربه ورقه لجدار،مسك مهاب يدين وتر بقوه ،لكن وتر كانت تحاول تخفي المها،ابتسم مهاب وهو يقوي عليها:مايوجعك؟
وتر والدموع متجمعه بعيونها :لا
زادت قوه مهاب على يدها،قفلت وتر تيونها وهي تتألم،ابتسم مهاب:والحين؟
وتر بصوت مهزوز:اتركني
مهاب رماها على الجدار بقوه،جلست وتر وهي تتألم:اييي،وش تبي مني؟
مهاب ضحك:واخيرا سمعتك تتألمين
وتر قامت وهي تستجمع قوتها:وبتسمع قريب صوت عظامك وهو يقول،طق ،طق
ضربها مهاب كف:لاتهددين،هييي
وتر استجمعت قوتها وردت الكف له ،لكن رده كان بالضرب ووتر ماكنت تترك له مجال يشوف دمعتها،خرج من الغرفه بعد ماضربها وارتاح قلبه وشاف حالتها،طلع مهاب وهو ماسك يده،تقدم تركي بخوف:ضربتها؟
مهاب:خلها كسرتها تكسير ،جعلها الموت وتهدد بعد
تركي:يارجال خاف ربك
اقترب مهاب من تركي مسك فكه بقوه ،بحده:يلي ذبح زوجتي يستحق اذيح بنته واعيشه بنفس المراره يلي عشتها
ترك مهاب فك تركي  ،التفت وصرخ :اقسم بالله لو تفتح لها لاروح وابلغ عليك وورني بعدها مين بيطلعك
جلس تركي بقله حيله ،اما وتر طاحت وهي تتألم ومو قادره تحرك اي جزء منها،بدت تمسح الدم عن وجهها:الله لايوفقك،يجعلني اشوفك بحالتي واردى.
غسل مهاب يده وبدل ملابسه وجلس يشرب قهوته ولاكأنه مسوي شي،تقدم له رجال،مهاب وهو يشرب قهوته:وش عندك ياعماد؟
عماد: السياره جاهزه
وقف مهاب ،وطلع للسياره التفت لـ عماد: خل عينك على تركي والبنت،ساعه وانا راجع جهز اكل بسيط وحطه قدامها واذا مااكلته احسن خلها توفره
هز راسه عماد بـ طيب،اما مهاب مشى لطريقه...
-(عند الرعد):
بدا الرعد يمشي بكل الدنيا ،وماترك طريق الا وراح له،وقف على جنب تنهد بضيق:يارب ساعدنا نلقاها قبل تغيب الشمس
وأكمل طريقه بضيق.
-(عند بتال):
كان يسوق وهو يكرر: وتر بخير ،وتر بخير ماهو بجايها شي
ودموعه تنزل ويمسحها.
-(عند هتان):
نزل هتان بضيق وهو يناظر حوله لعله يلاقي اثر ،بس مافي ولا أثر.
-(عند الرجال):
استمر البحث الين بدا صوت اذان العصر يأذن في كل مكان،نزل رعد للصلاه وبدا يدعي انه يلاقيها،خلص صلاته وطلع يكمل طريقه،اما الجد سعود كانت ضيقته اكثر من ضيقه الكل وماسك دموعه لاجل يقوي ماجد يلي توتر ومعد عرف يسوق وساق بداله عز..
-------
- المزرعة:
ماتوقف البحث عن وتر ،بدت الشمس تغرب،اما عند وتر ماكانت تعرف اذا الوقت صباح او ليل من شده الظلام،رجع مهاب بغضب ،دخل المزرعه بصوت عالي:تركييي،ياتركييي
خرج تركي بسعجله:ياهلا
مسكه مهاب بقوه وضربه وهو يكرر:تغدر فيني يالكلب،تغدر بـ مهاب
ترك مهاب تركي وهو ينزف على الارض،التفت للحارس بغضب:شيلوه من وجهي ولا اشوفه ارموه بالبر ،اقترب منهم بحده :انتو شفتو يلي صار فيه صح؟
هزو راسهم بـ أي
ناظر بتركي يلي يتألم ،ورجع نظره لهم وأكمل:يلي بيسوي مثله ويسوي يلي فيها قوي وبستقوي علي تراني مهاب اكسركم كلكم فاهمين؟
الكل بصوت موحد:فاهمين
زفر مهاب انفاسه بغضب:خذوه وارموه بالبر،ويلي بيتكلم مرده مثله
دخل مهاب غرفته وبدا يبدل ملابسه المليانه من دم تركي،اما الحرس اخذو تركي على حسب تعليمات مهاب وتركوه وسط البر،خرج مهاب لبيته اما الحرس الكل عند باب المزرعه وحولها،في وسط ظلام الغرفه بدت وتر تسمع مثل الهمسات والضحك حولها،ضمت رجولها بخوف وهي تكرر:بسم الله ،يارب ابعدهم عني ،يارب طلعني من هنا
بدا الصوت يختفي،وقفت وتر لعند الفتحه وهي تحاول تشوف اي شي يمكن تستفيد منه بس ماقدرت تشوف شي من الظلام،التفت وتر على صوت خطوات،جلست على الارض تناظر الباب بخوف ،انفتح الباب،دخل احد الحراس،ترك علبه مويه وبصوت هادي:اشربيها قبل تطلع الشمس واتركي علبه المويه ورا الباب
وتر انتبهت ان الباب مايتقفل بمفتاح ،يعني انه يتقفل بس من برا،هزت راسها
خرج الحارس،اما وتر بدت تدور وسط الظلام لأي شي تتركه عند الباب عشان تهرب،الين أستوقف بحثها شي حاد لمس يدها ،سحبت يدها بسرعه،رجعت اخذت القطعه وراحت لشق الجدار وشافت قطعه حديد مكسوره،ابتسمت وراحت لعلبه المويه في نفسها(يمكن فيها شي)،كبتها ودقت الباب تركت الحديده مكان الباب ،فتح الحارس الباب اخذ العلبه وخرج وهووجاهل ان الباب ماتقفل زين،انتظرت وتر الين حست المزرعه هدت،وطلعت وهي تتمشى بالبيت بحذر...
تذكر مهاب جواله يلي نساه بالمزرعة ورجع،دخل البيت مر من عند غرفه وتر انصدم من لما شاف الغرفه فاضيه وما لوتر اي اثر،انتشر الغضب في جسمه وبدا يمشي بالبيت وهو يدور عليها
عند وتر يلي دخلت غرفه غريبه كلها كتب وصور،اقتربت من صوره وكانت صوره (شخص طويل وعريض مبتسم وبجانبه بنت جميله شعرها اسود طويل)،استوقف تأملها صرخه مهاب:ياهيييي
فزت وتر بخوف لما سمعت صوته،تراجعت بخوف وهي تناظر عيونه يلي احمرت غضب،اقترب مهاب ومسك معصمها بقوه:مين يلي مطلعك،ردي مين؟
وتر بخوف:مـ.. محد ولله العظيم محد
سحبها مهاب بغضب ورماها بالغرفه من جديد وقفل الباب وطلع بعد ما تأكدمن انه قفله،خرج للحراس بغضب وقف بنص المزرعة وهو ماسك قطه الحديد ،كانت عروقه بارزه ووجه احمر غضب،بصوت عالي:مين الكلب يلي ترك هالحديده عند الباب
سامر:ولله ياسيدي مش انا يلي تركتها وكنت واقف عند الباب متل ما أولت ليا.
اقترب مهاب بغضب من سامر:وانت مين سمح لك تتكلم وتقاطعني كذا
مسك ياقه سامر بغضب وأكمل بصوت عالي:مين سمح لك
سامر:انا بعتزر ياسيدي ماكنش اصدي،أاولها سامحني
ابتعد عنه مهاب ووجه له ضربه تركته على الارض يتألم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وكذا يكون الجزء انتهى ان شاء الله يكون عجبكم في أجزاء جديده حتعجبكم ادعموني بنجمه وان شاء الله اكتب لك جزء اطول من كذا،💞
ولا تنسوا حتنزل اجزاء يوميا أنستا
هذا rwa.rof5