أرويني بدماء جحيمك [Quench me with the blood of your hell]

𝑃𝐴𝑅𝑇❀80

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هَــواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀80

عند زياد لي وجد لسارة العشا، ستف الاطباق فالطبلة و خرج من الكوزينة في طريقه للطابق الثاني و بالضبط لبيتها، بقا طالع درجة بدرجة حتى وصل و توجه لعندها، هاد المرة دق هو الاول عاد حل الباب و دخل، بانت ليه طافية الضو و ناعسة و هو يعقد حواجبو،شعلو و مشا حتى لعندها...

زياد(بهدوء): سارة...العشا واجد...

سارة(عاطياه بالظهر، نطقات و هي مغمضة عيونها):بلاش...بغيت نعس...

زياد(تعصب و نطق بإنفعال): كاتبوهلي عليا؟ تهزي تعشاي(جر الغطا بالجهد) تهزي...

سارة(حلات عيونها و نطقات من تحت سنانها): خرج عليا...

زياد(بإصرار):تهزي...

سارة(دارت شافت فيه مخنزرة): ما غاديش تخرج فحالك؟

زياد(بغضب): هاد التقحـ بين الخاوي ديالك من دابا طلع ليا فكـ ري...قلتي فيك الجوع نضنا وجدنا ليك ما تاكلي...(جرها من رجليها حتى غوتات) و دابا تهزي

سارة(رجعات باللور فوق الناموسية و هي مخسرة سيفتها):خرج فحالك الحمار...(بصراخ) خرج عليا...

زياد(عاود جرها): ما خارجش حتى تنوضي...

سارة(ضر بات العگاز برجليها حتى كان زياد غادي يطيح): بعد مني...بعد مني و لا نعيط لخـ...

سكتات قبل ما تكملها و بقات كاتشوفيه و هي كاتنهج، في حين زياد عتادل فالوقفة و بتاسم بسخرية و هو كي ناظرها محقق النظرة فعيونها لي تغرغرو بالدموع،ابتسامتو زادت ستفزاتها كثر و خلاتها بلا ما تحس تنوض و تتقابل معاه و هي معبسة ملامحها...

سارة(بحدة):هاد الهدرة لي غادي نقولها دابا، عتابرها ضحك عتابرها طنز، ما تسوقش ليها....و لكن كانحلف ليك بالله و تعاود لي درتيه دابا، حتى يديك نقطـ عها ليك من الجدر، و لا بغيتي تتأكد من كلامي حط عليا يديك نشوف...

زياد(ميل راسو و هو كي شوفيها):باغا تقصحي راسك بزز...راك ماشي ديال هادشي، شوفي غا دابا جريتك و تخلعتي مني، و شنو قلتي؟ تقطعي ليا يدي(ضحك)عمر المشة ما تولي سبع ا سارة