بين عينيها حكايا

الجزء السابع والعشرون

#بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.التعليق والتصويت دعماً للقصة
متابعة الحساب دعماً للقصة لطفاً❤️
@ZAHRAA_KKK
.
.
.
.
لا ثوابت في هذا العالم
كل مايمنحك الأمان
بأمكانه أن يبث فيك الرعب دفعةٌ واحدة
وكل تلك الأشياء التي هربت اليها
ستجد نفسك هاربا منها
.
.
.
.
وَهج
__________________________

تمر على الأنسان لحضات
يفقد بيهة يقينة بالاشياء والاشخاص اللي حوالي
ويبدأ بالأنهيار
جزء بعد جزء بس للشخص العاقل
الأنهيار مابعد الصدمات
احياناً يكون حافز ممكن نكمل بي
حياتنا الجاية واحنة بكامل تركيزنا

الأنهيار اللي صارلي بعد مكشفت
وضع شمس ولأي مرحلة واصلة

خلاني بوضع يقضة دائم
تركيزي عالي وياهة

ونباهتي حاضرة بكل وقت
من بعد ما نقلتهة وسحبت كل وسيلة أتصال بينهة
وبين رفل
صرت أتابعهة صح تصدني
وصح متتقبل أي كلام
لكن صارت تعرف ان تدخلي بحياتها

واصدار القرارات المهمة بخصوصها صار أمر
واقع ولازم تتقبلة

كل يوم أرجعهة من المدرسة جنطتهة تتفتش
اول أيام جانت ترفض
هسة لا

اول متوصل للبيت تشمر الجنطة على ميز الطعام بالمطبخ

افتشهة وارجعهة اخليهة يم باب غرفتهة
اتابع سلوكهة
وأسأل عنهة بالمدرسة
العاملة صارت مثل العين السحرية
تجيبلي أخبارهة بالكامل

قبل لا أنام كل يوم أروح من المنور اتسمع خاف
تحجي ويا أحد
رغم ماعدهة تلفون
والخطوط كلهة تلفتهة لكن اسوي هيج حتى ماافقد السيطرة

مرت الأيام بين تواجد خالو يمنة
ومرض فَي

وزيارة عائلة بيت خالو النة
بقيت بهالايام مشغولة
مسويت اي شي لا اتصلت بالعاملة
ولا فتشتهة
زحمة أفتشهة كدامهم

خلصت زيارتة بيت خالو
ثاني يوم وصلتهة
طلبوهم مدرساتهم
يراجعولهم مراجعة مركزة للأمتحان
وصلت شمس
ورحت للعاملة بغرفتهة

-صباح الخير خالة

-هلا خالة صباح الخير والعافية شلونج

-الحمد لله خالة

-فگدتج خالة هالايام ماتتصلين

-جنت مشغولة لذلك اجيتج هسة

-امريني بنيتي

-شصار بهالكم يوم شسوت ماسوت طلعت طبت
حجت ويا احد صارلهة مشكلة

-لا خالة ابدددد ماسوت شي
تمشي هي وصويحبتهة
بالساحة يسولفن وبس

-صاحبتهة

-اي خالة بنية مشعمطة طويلة ومربربة شعرهة
گصير شبه الولادي