حب أو حرب

البارت4

خرجت من الدار هربانة من الحقيقة لي واجهتها اليوم ولي مستحيل تتقبلها
ودموعها ويدان مقدرتش تشوف فطريق قعدت تجري تجري فطريق معارفاش وين تروح مهم تبعد من هداك الشيطان لي فالدار
بقات تجري حتى دخلت لطريق وهي ماواعياش بروحها حتى سمعت اصوات طنوبيلات ولاكلاكسون داير حالة حتى حست بطنوبيل ضربتها وطاحت متغاشية فوسط طريق....

كان سايق بسرعة جنونية ماهامو والو من غير انو يوصل ويشوف اختو لي فسبيطار حتى خرجت قدامو طفلة وضربها بطنوبيل. فلول قرر يروح ويخليها
منبعد عيط لواحد من لي كارد تيعو وقالو يجي يديها لسبيطار ويتهلاو فيها حتى تبرا

وصل لسبيطار ودخل بهيبتو المعتادة لابس كوستيم رح يطرطق عليه لفورمة تاع الملاكمين وطولة تاع لاعبي  الباسكت بول اما زين مانحكيوش خير يفتق بالزين...
كل الأعين كانت عليه سورتو البنات كامل ذايبين فكتلة الوسامة والإثارة لي قدامهم وهو ماهامو والو غير اختو راح سقسا فالاستقبال على شنمبرتها وطلع عندها ديراكت

دخل لقا خوه ماركوس واقف على راسها ويديه فوق شعرها يتأمل فيها بهدوء
حنحن وتكلم
ماثيو: واش راهي درك ؟
ماركوس:جاتها لاكريز كيما العادة مي عطاوها مهدئ وكي تفيق تولي مليحة ان شاءالله
ماثيو:(مخنزر ماعاجبو حال)كيفاش صرالها هاك ياك راهي متبعة مع البسيكولوغ وقالت بلي راهي تتحسن
ماركوس :(بهدوء وجدية) قتلك خليني نتكفل بيها انا نتا ماحبيتش
ماثيو: اففف نتا عارف علاش ماحبيتش تتكلف بيها نتا
هيا رح ندوها لدار ونجيبلها احسن الفراملة والأطباء

خرج من شمبرة ختو وهو يتحسر على حال اميرتو الصغيرة كيفاش ولات .كيفاش ماقدرش يحميها...جاه اتصال من الكارد لي وصاه يتكفل بياسمين
الكارد:سيدي درت لي قلتلي عليه والبنت عندها خدوش خفيفة دارولها اللازم وعشية تقدر تخرج...كوبا عليه بلا مايهدر

عند ياسمين .حلت عينيها المنفوخين بالبكا لقات روحها فبيت كلو ابيض .بدات تتفكر وين هي وواش صرالها حتى تفكرت بلي دارت اكسيدو.ناضت بشويا وهي تهبط فكسوة السبيطار القصيرة لبست سباطها وجات خارجة . فاتت على شمبرة سمعت العياط والبكا حبت تدخل مي لقات 2 الكارد واقفين عل لباب . شويا حتى زاد العياط حتى دخل واحد منهم وتاني راح يعيط على طبيب تبعتو ياسمين ودخلت
لقات طفلة تبكي بحرقة وترجف بكلها ووجه احمر من كترة البكا قربتلها بشويا بلا مايحس بيها الكارد راحت ديراكت عنقتها وبقات تهدن فيها
ياسمين:ششش سكتي صاي ماصرا والو شششس
ايما:هئ هئ بعدو بعدو مني ماتقيسونيش ماتقيسونيش😭😭😭😭😭😭😭😭
ياسمين:اهدي حبيبتي اني معاك وحتى واحد مايقيسك .شوفي فيا
هزتلها وجها بيديها وبقات تمسحلها فدموع وتبعدلها الشعرات لي طاحو على وجها .كانت كيوت بزاف كلش صغيور الفم صغير ومنفخ والانف صغير وحميمر والعينين خضر كي الغابة مع دموع زادو بانو مهم كانت اية فالجمال
ياسمين: شوفي انا منعرفكش وماعلاباليش واش صاريلك ولكن لازم تكوني قوية على جالك نتي .ماتخلي حتى حاجة تضعفك ولا تهدك اوك.
الطفلة بقات تشوف فيها وسكتت من لبكا حتى قرب لكارد باغي يجبد ياسمين على الطفلة حتى هدرت معاه
ايما :خليها ماتقيسهاش واخرج برا
الكارد: ولكن الالة انا.
ايما: قتلك اخرج براااا. ورمات عليه المخدة جاتو فنص وجهو
خرج لكارد ورجعت ايما تشوف فياسمين رتاحتلها بزاف .ملامحها هادئة اي واحد يرتاحلها.بقاو مدة وهوما يشوفو فبعض حتى طرطقو بالضحك 😅😅😅😅
ياسمين: مسكين خسرتيلو وجهو .كون تعرفي المخدة باش محشية
ايما:🤣🤣🤣🤣 ايه حسيت بيها قاسحة مخلاتنيش نرقد باينة تكون معمرة بشي دجين قديم
ياسمين: قطعتيلو رزقو مسكين شكون ترضا تشوف فيه دوكا🤣🤣🤣🤣🤣 وعلى ضحكهم دخل ماثيو وموراه ماركوس واستغربو كي شافو ختهم تضحك من قلبها ومعاها طفلة غريبة عليهم
اول مرة ايما تضحك بعد لي صرالها(مع الوقت تعرفو واش صرالها) واول مرة تحكي مع واحد خلاف خوها
حنحن ماثيو وهدر بهدوء رغم الفرحة لي حاس بيها
ماثيو:واش راهي اميرتي همم
وجا قعد حداها فوق السرير فحين ناضت ياسمين ووقفت بعيد .
ايما: (عنقاتو) اني مليحة اخويا متخافش عليا
فحين ماركوس كان رح ياكلها بعينيه
ماركوس: الحمدالله على سلامتك ايما خلعتينا عليك .وقرب باسها على راسها منبعد بعد عليها .وخزر فياسمين وقال
ماركوس: شكون نتي وواش دخلك هنا .
ماثيو:عيط للكارد يخرجها من هنا منبعد نشوف العقاب لي يناسبها.قاطعتو ياسمين
ياسمين:( بالعياط)هييي نتا واش حاسب روحك شكون نتا باش تعاقبني .ولا عمبالك دنيا كامل تحت رجليك تتحكم فناس كيما تحب.  شاف فيها ماركوس بنظرة كون جات رصاصة كون ختارقت قلبها .اما واحد ماثيو فوجهو ولا حمر بالعصب وزير على يديه يهدي روحو باش مايغلطش قدام اختو وترجع تحكمها لاكريز .شافتهم ايما .قربت وشدت فيد ماثيو بعدما كانت ياسمين رايحة جهة الباب رح تخرج
ايما: خويا خليها تقعد معايا بلييز دخلتلي لقلبي والله .اصلا هي مادارت والو غي عاونتني نتجاوز النوبة .بليز خليها تبقا معايا

بعد تحلال طويل من ايما .رغم انو ياسمين صفقت الباب بقوة وخرجت .ولكن ايما كانت مصرة تبقا معاها ياسمين .
ماثيو :فففف اوك رح تبقا معاك ولكن نشوف منها حاجة هاك ولا هاك ماتلوم غير روحها
ايما:(عنقاتو) شكرا بزاف اخويا انت احلى اخ فدنيا
ماثيو:هيا لبسي عليك باش نرجعو لدار .وخرج وغمز لماركوس باش يتبعو ..
كي خرجو .مسح ماتيو على وجهو مش حامل الوضع لي تحط فيه .هو حلف انو يندمها كي حكات معاه بهديك طريقة مي ختو حبتها وهو يدير كلش على جال اختو
عيط للكارد وقاللهم يجيبوهاله وينما كانت .حتى شافها جايزة قدامو تتمشى غي بشويا لأنو تقسحت من الضربة تاع لاكسيدو.شدها من يدها بقوة وقرب عنها حتى قريب يتلاصقو اجسامهم ...