عائشه : هو اى الرعب ده هو ليه مفيش حد
شمس : انتظروا قليلاً
أحمد: ننتظر ليه ماندخل
شمس : لا يمكننا
يوسف: ليه
شمس : لأن الشيخ صفوان لايحب الأزعاج ويغضب سريعاً ولا أحد يتحمل غضبه
أحمد : هيعملنا اى يعنى
شمس : تحمل الوقوف ثوانى افضل من ان تقف الباقى من عمرى هنا ولا تستطيع التحمل
أحمد : هيحنطنى ولا اى
شمس : يستطيع ان يفعل كل شئ
عائشه : انا بقول نقف واحنا ساكتين بقى
يوسف : طب انا زهقت ماهو هيدخلنا امتى
شمس : سيأذن لنا بالدخول ، انتظر
يوسف : ادينا مستنين
_ادخلوا
عائشه : يافرج الله
الشيخ صفوان : اتيتم من عند نشروان
يوسف : ايوه قالنا ان اللى احنا عاوزينو انت اللى هتعرف تعملو
الشيخ صفوان : انا اعرف الطريق ولكن يستحيل ان تذهبوا وحدكم
يوسف : ليه
الشيخ صفوان : طريق العوده فى جزيرة سيردار
شمس : كيف سنذهب إلى هذه الجزيره وانت تعلم مايوجد بها
الشيخ صفوان : سأرسل معكم من يحرسكم حتى تصلوا
يوسف : هتبعت معانا مين
الشيخ صفوان: أيار
عائشه : مين أيار
الشيخ صفوان : ستأتى عندما تخرجون من الكهف وستذهب معكم لتدلكم على الطريق
أحمد : يارب تطلع جامده
عائشه : ياعم اهدى بقى
أيار : استعدوا لكى نرحل الأن
عائشه : شمس انتى اتكلمتى ؟!
يوسف : لا الصوت جاى من هناك
عائشه : هناك فين مفيش حد
أحمد : الصوت طلع من البومه دى
أيار : كفى من الحديث وهيا بنا
أحمد : مش بقولكو طالع من البومه
عائشه : احيه بومه احيه تانى
يوسف : انت مركبلها صوت ياشيخ ولا اى
الشيخ صفوان : هذه هى أيار
عائشه : واحنا هنغضل ماشيين مع البومه دى وتفضل تكلمنا كده احيه
يوسف : ماكفايا بقى اتكتمى لحد مانفهم فى اى
شمس : لا تخافوا انها تابعه للشيخ صفوان لم تكن مؤذيه ابداً
يوسف : مش منطقى خالص اننا نمشى مع بومه بتكلمنا ومنخافش ياست شمس
الشيخ صفوان : ايار خادمتى ولم تفعل شئ إلا بأمرى ، يجب عليكم ان تطيعوها فى كل ماتقولو لكم
أحمد: على اخر الزمن بومه هتمشينا
الشيخ صفوان : وقتكم انتهى اذهبو الان
.......
عائشه : هى الناس دى بتطردنا كتير ليه
يوسف : ولا دين ولا اخلاق ولا ذوق ولا عقل حتى
احمد : عظيمه يامصر
شمس : من حديثكم تشوقت كثيراً لرؤية بلدكم
يوسف : البت دى متعشمه فينا جدا وهتتصدم لما تيجى معانا
شمس : اننى اثق جيداً ان عالمكم سيكون اجمل بكثير من هذا العالم الظالم
يوسف : بس انا مشوفتش اى ظلم هنا
شمس : كنت اريد ان احكى ولكن أيار تطير فوقنا وانها تنقل الكلام
يوسف : هو اى الحوار ده صح وليه بعتها معانا تحرسنا من اى فى الجزيره دى
شمس : جزيرة سيردار لا يسكنها انس
يوسف : اي ؟!
شمس : عائله من الجن منذ زمن بعيد احتلت هذه الجزيره وطردت البشر منها واصبحت سيردار مدينه يسكنها الجن فقط
عائشه : واحنا هنروح المكان اللى كلو عفاريت ده
شمس : الشيخ صفوان بعث معنا أيار لم أحد منهم يستطيع ان يمسنا بضرر لأن أيار برفقتنا
أحمد : علشان كده الراجل ده بعتها معانا
شمس : بالظبط كده
احمد : طب انا مش هروح المكان ده حتى لو هفضل هنا العمر كلو
عائشه : ولا انا مش رايحه دنا بتغطى لحد دلوقتي علشان العفاريت متاكلش رجلى
يوسف: لازم نروح ياجدعان مقدمناش حل تانى
عائشه : اكيد فيه حل تانى
يوسف : انا عاوز اروح متهزروش بقى لسه عاوز ادور على حبيبه
عائشه : فخوره انك بقيت مصمم كده ومتحمس انك ترجع علشانها زى ماجيت هنا علشانها برضو
يوسف : يارب الاقيها بسرعه
عائشه : ان شاء الله ترجع تلاقيها على طول
يوسف : بإذن الله
أيار : انتم تتحدثون كثيراً لم تصمتوا لحظه منذ خروجنا من الجبل
عائشه : البتاعه دى كل اما تتكلم بحس قلبى بيقف
احمد : انشالله انا وانتى لا ياقلبى
عائشه : انت مبتهمدش ابداً
احمد : ياسيتى هو حد هياخد من الدنيا حاجه
عائشه : عندك حق
شمس : نسير منذ وقت طويل ، أيار كيف سنذهب إلى الجزيره
ايار : يوجد قارب
شمس : اين هو
ايار : بالقرب من الجزيره سنعبر به إليها
أحمد : مش فاهم انا اى فيلم ألف مبروك اللى احنا عايشينو ده كل شويه نركب مركب ونروح مدينه جديده
أيار : هذه أخر مره
أحمد: يسمع من بوقك ربنا
"بعد السير قليلاً وصلوا أخيراً إلى القارب وقاموا بالأبحار كانت الجزيره قريبه من الشاطئ ، بعد ثوانى وصلوا إلى شاطئ الجزيره كانت تبدو طبيعيه بها بيوت كثيره واشجار كثيفه تخفى البيوت والشوارع كانت تشبه الغابات "
أيار : أنتظرو هنا سأذهب دقائق وسأعود مرة اخرى
عائشه : هتروحى فين وتسبينا هنا
شمس : لا تقلقوا سنبقى هنا حتى تأتى أيار
أحمد : المكان شكلو رايق بس يخوف برضو
شمس : لا تتحركو من أماكنكم
عائشه : انا قلبى مقبوض
يوسف : اسكتو بقى اما نشوف المصيبه اللى احنا فيها دى
شمس : أيار رجعت اهى
أيار : سنذهب الأن إلى بيت لچين
يوسف : مين لچين دى كمان
أيار : ملكة الجن
عائشه : احنا هنروح برجلنا لملكة الجن
أحمد : دنا بخاف ادخل الحمام بليل
شمس : لچين امرأه قويه ولكن لا تؤذى أحد مادام لم يؤذيها وجميع من فى سيردار يستمع إلى اوامرها
احمد : انا نفسى اروح بيتنا بقى
_أخفضوا صوتكم
عائشه : لا بقى انا عديتهالكم لما لاقيت البومه بتتكلم لكن لحد هنا وكفايا كده عننا ماروحنا بيوتنا
شمس : انتِ تتحدثين على شجره و بومه انا لا اتعجب لأن منذ طفولتى اسمع اغرب مايقال عن جزيرة سيردار فأنها يحكى عنها اساطير كثيره
يوسف : بس مش لدرجة شجره تسكتنا يعنى
أحمد : انا مبقتش فارقه معايا انا من دلوقتي هعتبر نفسى فى فيلم 3D لحد مانوصل بلدنا
عائشه :عندك حق والله هعتمد الفكره
أيار : هيا بنا الملكه فى انتظاركم
يوسف : يلا
.....
" كانت ايار تطير فوقهم وتسبقهم بخطوات وهم خلفها ظلوا يتحركون وسط الاشجار ولا يوجد اى أحد فى المكان غيرهم ولكن ن وقت لأخر يسمعون أصوات خافته وكأن احد يتحدث إليهم بصوتٍ منخفض كان الرعب يسكن قلوبهم حتى وصلوا امام قصر كبير جدا باللون الأسود وفى منتصف حديقته شجره كبيره لها جزوع متفرعه ف الارض ولكن ليس لها أوراق وكأن فصل الخريف قضى عليها وعلى السلالم يوجد تمثالان لقطط سوداء وعندما وضعت اول قدم لهم على اول درج من السلم فُتح باب القصر "
عائشه : يامامااااا
يوسف : فى اييي
عائشه : القطه بتبصلى والله
يوسف : قطة اى ده تماثل بس هبل
احمد : تلاقى بيتهيألك بس
شمس : طوال عمرى كنت أود ان أرى الملكه لچين
احمد : مش حرمينك من حاجه اهو ادينا هنشوفها كل سوا
......
"دلفوا إلى القصر كان واسع من الداخل ولكن الاضاءه ضعيفه للغايه كان لا يوجد إلا ضوء الشموع ، كانوا يسيروف فوق سجاده حمراء طويله تصل إلى عرش الملكه كانت تجلس فى وقار شعرها طويل وأسود قاتم وعيونها تمتزج بين الرمادى والأسود وكانت شبه عاريه لا ترتدى سوا قطع بسيطه من الملابس التى تستر القليل من مفاتنها كانوا يعتقدون ان سنها كبير ولكن هى تبدو وكأنها فى العشرينات من عمرها "
لچين :لولا وجود أيار معكم لكنتم اصبحتم حل لمشكلة حيرة طعام اليوم
أحمد : انا بعرف اعمل بشاميل موت لو جعانه يعنى ممكن اعملك بس هروح اجيب الطلبات واجى بسرعه
" كاد أحمد ان يتحرك من مكانه ولكن أسرعت لچين بحركه بسيطه انت تجعله يعود كما كان دون ان تتحرك هى"
أحمد : قولتى اى ؟!اى اللى حصل
لچين : لم اتحدث ولكن لا تفكر فى الهروب مره أخرى
أحمد : يابنت اللعيبه عرفتى منين
يوسف : انت اهبل دى ملكة الجن يعنى اكيد بتقرا افكارنا دلوقتى
لچين : دائماً يبهرنى غباء البشر
عائشه : تسلمى ياست الكل عاوزين نروح بقى
لچين : سيذهب معكم شهاب إلى مكان العوده
يوسف : بالسهوله دى
لچين : هل تريد ان تبقى معنا ؟!
أحمد : لا لا ده بيهزر معاكى
لچين : شهاااب
شهاب : الامر والطاعه
عائشه : ياماااااااا
أحمد : اى شغل فيلم يانا ياخالتى ده هتموتونا من الرعب او الضحك مش عارف لسه
لچين : رافقهم حتى باب جودر واتركهم هناك
ويوسف : يتركنا اى احنا هنعمل اى هناك
لچين : ستفتحون ذلك الباب وترحلوا
شمس : وكده يبقى وصلوا إلى موطنهم
لچين :وهل عندك شك فى كلامى
شمس : لم اقصد ذلك
لچين : إذن أذهبوا الأن
......
أحمد : هو كابتن شهاب ده هيفضل يظهر ويختفى كده كتير ولا اى
عائشه : مزاولنى والله معرفش مالو ده
يوسف : هيكون مالو يعنى عندو دور برد مخليه يختفى ماهو عفريت ياحبيبتى
شمس : انا فى قمة سعادتى الأن
أحمد : ليه ياشموسه
شمس : لأن اقتربنا لبلدكم
يوسف : البت دى هيحصلها حاجه لما نوصل والله
عائشه : ياجدعان بس نوصل بعدين نبقى نشوف الحوارات دى
يوسف : بإذن الله نوصل على خير
شمس : هل امامنا وقت طويل ياشهاب
شهاب : القليل من الوقت
يوسف : هو انتو ازاى شكلكو زينا كده وبتتكلمو زينا عادى
شهاب : نحن نظهر فى اجسادكم لكى لا نرعبكم لأن معظمكم يخاف من اقل شئ نفعله من قبل ان يرى مظهرنا الحقيقى
أحمد : عندك حق والله انا بخاف من الهوا حرفيا
عائشه : عمرى ماتخيلت انى امشى اتناقش مع جنى كده
يوسف : يعنى هو فى حاجه طبيعيه ف ام المكان ده من ساعت ماجيناه عديها ياست
شمس : هل هو ذاك الباب
شهاب : نعم هو
أحمد : ها ياشمس لسه قدامك فرصه ترجعى بلدك ومتجيش معانا
شمس : لا اريد العوده اريد ان ابقى معكم
عائشه : هتيجى تعيشى معايا
شمس : لا اعلم ماذا سأفعل
أحمد : تيجى تقعدى معايا
شمس : عندما نصل وأرى الأحوال عندكم سوف افكر فيما سأفعله
يوسف : متشكرين ياكابتن الشهاب على التوصيله دى والله
ايار : اعطى لهم مصباح لأن انت تعلم ان طريقهم سيكون مظلم
يوسف : محدش قالنا ليه بقاااا
شهاب : تفضل
احمد : يابن اللعيبه انت جبتو ازاى كده
شهاب : استطيع ان أحضر اى شئ فى خلال ثوانى
أحمد : جن بحق وحقيقى
عائشه : سلام يأيااار
أيار : إلى اللقاء تصحبكم السلامه
"وضع يوسف المفتاح فى ذلك الباب ثم قام بفتحه ظهر طريق ضيق نوعاً ما كان بالفعل مظلم للغايه بدأو بالتحرك وهم لايعلمون ما سيقابلهم فى هذا الطريق هل تنتهى روايتنا هنا والعوده تكون فى نهاية الطريق المظلم ؟ أم يوجد أحداث أخرى فى ذلك العالم الغريب ؟! هل سيتنهى هذا الكابوس والعوده إلى وطنهم تصبح حقيقه؟! "
أنت تقرأ
ديالا
Fantastikوتحولت الرحله من الهدوء إلى العاصفه الذى عصفت بقلب عائشه خوفاً مما سوف تراه أعينها وخوفاً من وقوعها ف الحب فكيف ستنجو مما اوقعت نفسها به؟!! ومن ستقابل فى هذه الرحله؟! وهل هى مجرد رحله لأخذ بعض الصور الفوتوغرافيه كما كانت تظن عائشه ؟! "ديالا " هى الز...
