كسروا______________ أجنحتي
الكاتبة______________مسرة علي
لحظة إنتهاء العاصفة
لن تتذكر كيف تدبرت امرك لتنجو
ولن تُدرك هل انتهت العاصفة ام لا؟
ستكون مُتيقًنا من أمر واحد فقط
حين تخرج من العاصفة لن تعود
الشخص نفسهُ الذي دخلها .
« حنين::-»
كانت مو بس موافقه انما حبل وتعلق على رقبتي
ماعرف ورطت نفسي بامور مالها حل
من بعد ماتم الزواج طلعت اخذ غراضي لحگتني بيبي حضنتني تبجي بصوت عالي تمسكت بحضنها ابجي
حنين::- لا تخليني اروح بيبي فدوه لا تخليهم يا خذوني.
::- اووف يا جده شسوي مادگليلي شطالع بأيدي
ابتعدت عن حضنها امسح بدموعي، شما حجيت محد يفهمني وعبالهم عاشگه لهيچ ارفض موضوع الزواج
اخذت غراضي وطلعت الهم منتظريني يم الباب
سحبت ايد جدي بستها وسلمت على عمي
وصعدت بالسيارة صعدي يمي قُتيبة رجف گلبي من كال
قُتيبة::- نزلي النقاب على وجهج لا تظهرين عورتج للأجنبي
نزلته ساكته صعد الشيخ العقدلنه بالصدر بصف اليسوق
حرك السيارة التفتت عليهم اعيوني لآخر مرة تتوسلهم
يحموني.
كامل::- قُتيبة انطيتهم خبر اليوم جاين؟
قُتيبة::- اي بوية مجهزين كلشي
بلعت ريگي خايفه وزاد خوفي اكثر من گاله
كامل::- تكريت وضعها سيء ولاكن دخولنه الها سهل
رجف كلبي اكثر هذول وين ماخذيني بنص الحرب
من بعد طريق وجرجره دخلنه تكريت ودخانها عالي
والخراب واضح
وگفتنه سيطرة رجال لبسهم نفس لبس الدواعش
كلشي صار الي صدمه ما جاي استوعبه
::- وين رايحين؟
خالد::- مصفى بيجي ساكنين هناك
::- هوياتكم؟
طلعوا هوياتهم شافوهن رجعوا انظارهم الى داخل السيارة
واشرلهم يرحون، حركوا السيارة وراحوا بكل سهوله
هنا السؤال شلون گدروا يدخلون مصفى بيجي؟ .
وصلوا يم بيت صغير نزل قُتيبة واشرلي انزل بلعت ريگي بخوف متردده أنزل، اخذت نفس وفتحت الباب ونزلت
رجع على الشيخ حجه وياه من الشباك السيارة
قُتيبة::- خالي روح اتوكل وانا باليل يمكم
::- منتظرينك يا مُجاهد
شخطوا السيارة وراحوا فتح الباب دخلت ضليت واكفه بالطارمة دخل للبيت يصيح
قُتيبة::- ام الوليد وام أسعود تعالن بسرعه
أنت تقرأ
كسروا أجنحتي
غموض / إثارةذات يو كنت مفعم بالأمل كنت مفعم بلأحلام كنت زهرة في البستان كما مفعم بالحُب والحياة ولأن ذهب كل شيء فجأة أحلامي وضحكاتي وكل شيء اصبح ممزقاً.......
