بين عينيها حكايا

الجزء الثامن والعشرون

بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.
التعليق والتصويت دعماً للقصة
متابعة الحساب دعماً للقصة لطفاً❤️
.
.
.
.
.
عليك أن تفهم أنك وحدك
من يتحمل ضرر بؤسك
ومبالغتك في حزنك
.
.
.
.
وَهج

______________________

ايام ثقيلة تمر
بصعوبة بالغة
امشي وكأن ثقل الدنيا
كلة على أكتافي

بعد رفض أهل الطفلة أن نحلهة عشائرياً
واني أبد ماالومهم
راحت وحيدتهم بسبب تهور أختي
بس مااگدر اني المسؤولة عنهة
اني قصرت

بقيت اكابر ومدخلت أحد جبير وياي بالموضوع
عبالي أگدر احلة لوحدي

مردتهة تنزل من عين أحد بيهم بس
بالمحصلة اختي ضاعت
وطفلة بريئة فقدت روحهة
واطفال صغار مكسرين

ايام وخوالي يحاولون تنحل ودي
خالو أياد
راحلهم ويا الشيخ اللي أسمة ابو جواد
اخذو وياهم مبلغ جبير
قدمو لأهل الاطفال

علمود تكلفة علاج الأولاد
وبالگوة قابلي لأن خالو وابو جواد گايليلهم
اعتبرونة اخوانكم وجاي نساعد بعلاج الاطفال
وشما يكون الحكم سواء بالقانون
ولا العشائر فأحنة موافقين

وبهيج تصرف گدر خالو يأسس
علاقة طيبة ويا اخوان أستاذ منعم

أما أبو الطفلة فرافض وبشكل قطعي
أن يشوف أي بشر

يحجي خالو وعن لسان أخوتة للأستاذ منعم
ان هو معتزل بغرفة الطفلة
وحتى اولادة اللي يمشي بعلاجهم
أعمامهم

وأمهم منهارة على بنتهة
اخوهم الجبير جان بعمر ضي وفَي بالجامعة
يگول خالو كل منروح يسوي هوسة ومينطينة
مجال
وعمامة يسكتو

وورة اسبوعين تقريبا
تقرر الحكم بالقضية
جان الحكم مخفف بأعتبار شمس قاصر
وغرامة مالية
تتحدد بعد معرفة قوة اصابات الاولاد الباقين
أثناء نطق الحكم
أنهارت شمس مغمى عليهة

شالوهة الشرطيات
و المحامي رتبلنة مقابلة وياهة قبل لياخذوهة
دخلنة بغرفة بالمحكمة
لگيت الشرطيات واكفين بالباب
فتشوني ودخلت
دخلتلهة اني

وعمار وخالو برة ويا المحامي

گاعدة عالكرسي وصافنة وجهة شاحب ونظرتهة متوجهة للفراغ

-شمس

التفتتلي وبجت

-وهج طلعيني منا بروح ماما

-ليش شمس ليش ضيعتي نفسج
ليش ولج انطيتج هوووواية فرص
ضربت فتشت عاقبت نقلتج لغير مدرسة
تابعتج خليت حتى ناس تتابعج
اجيتج بالشدة وباللين وانت مثل ماانت هاي النتيجة
اخرهة تسوين اللي سويتي