ــــــــــــــــــــــــــــــ رواية: جا شارع ٩٩٩
بقلم: عبير خالد
بارت(سادس)
وحَقي من انعزل
وابتعِد عن النِاس
انا قاومَت وحدي
بكُل ظرف عَشته
ولو يرجع العافِك معتذر شيَفيد
الشعَور يموت لمن مايَجي بوقته
ـــــــــــــــــــــــــــــــــــــــــــــــــــــــــــ
بستان واسع الون لاخضر يتغلغل لعين يخليني ابتسم لا اردين، صوت صهيل لخيل يحيط لمكان،طلع من لصطبل راكب لخيل ويمشي بي على كيف يمسد على راسة بيدة ويدنگ يشاورة، شكد احب علاقتهم
ضخامت بيجاد وضحكتة وعيونة لي يلمعن فرح من يشوف برق تاخذ روحي من كثر لجمال
برق حصان بيجاد مميز، احسة نادر مو بس خيل هيج جميل ونضيف، من يمشي يحرك براسة يخيلي شعرة يتمايل شعر ناعم ومزين بضفاير هي سوالفي.صح اخاف منة بس انجبر لخاطر بيجاد
قترب مني واني وكفت، نزل من لحصان واخذ لحبل لي على رگبتة
-:: يلة خذيلج فره
-: شوف برق اذا تعاند بنص الطريق ازعلل
درا وجها جنو فاهمني يمة هذا برق سوالفة تخوف، ركبني بيجاد برق حسيت بالخوف مو اول مره اركبة بس بكل مره اركبة يمشي ويبقة يفتر بية بنص طريق يوكف ويشمرني.
صار بيجاد يسحب بالحبل كدامي وهو يمشي مشيت ايد على طول وجها ورقبتة احاول اهدأ
-: لا تخافين ردون ستقوي بيه
-:: بيجادد راح يطنگر بنصصص لطريقق يمةة
ضحك بيجاد ومسح على راسة وكمل لمشي، ريحت رطوبت لارض تخبل، من فرينة لبستان فرتين وحنة نحجي، نزلني بيجاد
-: يلة يلة كافي مو لحيتي
-:: لازمة عدل ترا يطنگر واني اضوج
-: لا ولله تضوجين
-:: اي وگول للكبير عليك
-بيجاد:: يمة يمة شو خفت دادة ردن
-:: ههه لاتقلد
-:دادة ردن نزلي لاانزلج بكلة
نزلت بسرعة مااثق هذا يسويها، صعد علي برق وصار يدرب بي، يركض بسرعة رتبو لمكان ودخلت من اجو اصدقاء بيجاد، طلعو خيولهم وبدو يفترون بالبستان
ادري ما فهمتو شي بس هذا حياتي من نضوج ونجي للبستان نرتاح اكثر من شهر هنا ونرجع لبيتنا بغداد،وللعلم هاذ بستان جدي ابو امي يعني يرجع لخوالي هذا بستانن واحد من بساتين محافظة جدي ال الجملية واسط
هي حياتنا قبل قبلل لا تتدمر ونصير عائلة متشتتة مو مثل هسة
طيبت للبيت امي تصفط بالخبز، وياهة جارتنا ام واحد من لشباب اصدقاء بيجاد يصيحولها ام حسنين
