🌱
" လေယာဥ်လက်မှတ်က
နှစ်ပတ်လောက်ကြိုဝယ်ထားမှ
အနားနီးမှကပ်ဝယ်ရင် ဈေးကြီးတယ် .."
"ဈေးကြီးတာကိုမကြောက်ပါဘူးဗျာ
ဋီကာလေးက လေယာဥ်မစီးချင်ဘူး ရထားစီးချင်တယ်ဆိုလို့"
" ငါတခု အကြံပေးမယ်လူသစ် .."
" ဟုတ်ကဲ့ ဘာများလဲကိုဖေရင်း .."
" စောစောကမှ ကိစ္စလေးပေါ်လာလို့ကွာ
ငါက မြစ်ကြီးနားကိုဝင်ရဦးမှာ ပူတာအိုကို
တခါတည်းတန်းသွားလို့မရသေးဘူး .. အဲ့ဒါကွာ
ပူတာအိုမှာ အခု ဖုန်ရမ်လည်းမရှိသေးဘူးဆိုတော့
မင်းတို့တွေ မြစ်ကြီးနားမှာဝင်လည်ကြပါလား .."
ကိုဖေရင်းစကားကြောင့်
လူသစ်နေက အနားမှာရှိသည့်ဋီကာလေးကို
စောင်းငဲ့ကြည့်လိုက်မိသည် ။
စပီကာဖွင့်ထားသည်မို့လည်း
ကိုဖေရင်းနဲ့ပြောသမျှကို ဋီကာလေးက
အားလုံးကြားနေတာမို့ မျက်လုံးလေးတွေက
အရောင်တဖျက်ဖျက် လက်လာကြသည် ။
ဘယ်လိုလဲလို့ မေးဆတ်ပြလိုက်တော့
ခေါင်းလေးကို အဆက်မပျက်ညိမ့်ပြလေသည် ။
" ဟုတ်ကဲ့ကိုဖေရင်း
အဲ့ဒါဆို ကျနော်တို့လည်း မြစ်ကြီးနားကိုလိုက်ခဲ့မယ် "
" အိုခေ မင်းတို့ ရထားနဲ့သွားမှာဆိုရင်
ငါလက်မှတ်ဝယ်ပေးထားမယ်လေ ဘယ်လိုလဲ, .."
" အဲ့ဒါဆိုရင်တော့ ကျေးဇူးတင်တာပေါ့ဗျာ
ကျနော်တို့ကို အိပ်စင်ယူပေးနော်ကိုဖေရင်း .."
" အိပ်စင်နဲ့က ခုန်တယ်နော်လူသစ်
လေအိတ်ရထားနဲ့သွားပါလား စီးရတာငြိမ့်ညောင်းတယ် "
ကိုဖေရင်းက လေအိတ်ရထားနဲ့သွားဖို့အကြံပေးပေမယ့်
ဋီကာလေးက သူ့ကိုကြည့်ကာ လက်လေးနှစ်ဖက်ကိုပူးပြီး
ခေါင်းလေးစောင်းပြီး အိပ်သည့်ပုံစံလေးလုပ်ပြနေသည် ။
ဋီကာလေးစိတ်တိုင်းကျသာ
အိပ်စင်ပါသည့်ရထားကိုဘဲ ရွေးချယ်ပေးဖြစ်ခဲ့သည် ။
" အေးအေး ..
ငါကတော့ ကားနဲ့ဘဲသွားမှာနော်
ကားဈေးနဲ့ရထားဈေးက အတူတူလောက်ဆိုပေမယ့်
ငါက ကိစ္စလေးရှိသေးတော့ ရထားနဲ့ဆိုကြာနေမှာစိုးလို့ "
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
