بين عينيها حكايا

الجزء التاسع والعشرون

بين_عينيها_حكايا
.
.
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.التعليق والتصويت دعماً للقصة
متابعة الحساب دعماً للقصة لطفاً❤️
@ZAHRAA_KKK
.
.
.
.
.
"دَعينا نتقابل ونبكي سوياً لم اعد قادرة على البكاء وحيدة
.
.
.
.
.
شمس
___________________________

بعد اسبوعين من وجودي بهالمكان
وعدم النوم الا لساعات متتعدى الساعتين بالليل
بسبب الكوابيس اللي تجيني
جان شي مرعب واني اشوف الطفلة
واگفة ومغمضة عينهة بس الدم يجري
بفضاعة من راسهة
لازمة ايد ابوهة وتأشرلة
بيدهة الصغيرة
وبصوت مرررعب

بابا هي ذبحتني
وفجاٌة تسقط عالارض
بس اباوع اشوفهة بحضني فاتحة
عينهة وتهمس ماماااا ماما
هالحلم أرقني
بطلت أنام
ابقى يقضة طول
الليل
افكر بأهلي ليش محد منهم زارني
اسبوعين مشمووورة محد تذكرني
اختفى بهالأسبوعين شعور الندم
وحل محلة شعور السخط
من الكل اخواتي خوالي اولادهم ليش محد ساعدني

بعد متطفة الأضوية
يصير المكان عالم
ثاني الغرفة ظلااام دامس
بس ضوة لونة أحمر خفيف وضئيل بالممرات
الصبح يكعدونة نتريگ
وننظف الصحون ويقسمونة مجموعات
مرة نغسل ملابس
مرة ننظف الحمامات
مرة بالمطبخ
مرة ننظف المشاغل مشغل الخياطة والحياكة والتطريز
مرة المكتبة
اني اتحرك واشتغل واني ساكتة
اكل شي بسيط من وجباتي
حتى اكدر اقاوم
وتفكيري باخواتي
واضح ان همة ارتاحوو مني
ميفارگني هالتفكير وبدل التفكير بفعلتي
صار يتضاعف حجم الحقد بداخلي
اكيد مرتاحين اسبوعين هنا محد فكر بية
افكر بدوامي اللي خسرتة
وروحي اللي خسرتهة بسبب مراد

كل يوم البنات يقضون وقت الظهرية
والليل لحد قبل موعد النوم بالسوالف
اسمع سوالفهم مع بعض ومااتجاوب وياهم
وكل وحدة تحجي ويا الثانية قصة سجنهة
الا اني مااختلط
لحد مابيوم وجهتلي يمامة سؤال

-هيييي انت الخرسة شنوو سبب سجنج

-العفو داتوجهيلي السؤال

-العب مسرة شوفي هاي من جماعة الدا
متحجين ليش مسجونة

-سويت حادث سيارة وماتت طفلة بالحادث

وحدة طرحت سؤال على يمامة

-وانت يمامة ليش رجعتي هالمرة

خزرتهة يمامة

واكو وحدة ساكتة بزاوية سريرهة لازمة قلمهة ودفترهة وتكتب گالت

- يمامة هم لنفس السبب هالمرة موووو

اني صابني الفضول

-شنو سبب سجنج

نطقت هاي اللي عالسرير