ဂေါ်ဖီထုပ်က ဝက်ကို ဘယ်လိုလုပ်တူးနိုင်တာလဲ

One Shot

လေတိုက်တာနဲ့ ပန်းတွေ ကြွေကျတယ်

Unicode

မိုးရာသီသည် ကြာရှည်စွာ စောင့်မျှော်ခဲ့ရသည့် မတ်လကို ရောက်လာပြီးနောက် နွေးထွေးသော နေရောင်ခြည်အောက်တွင် နေ့ရက်များကို ဆေးကြောသန့်စင်စေခဲ့သည်။ 

ဗေဒင်ဆရာသည် လ၏ခြောက်ရက်မြောက်နေ့ကို အခါသမယအားလုံးအတွက် အကောင်းဆုံးအချိန်ဟု ဟောကိန်းထုတ်ခဲ့သည်။

လမ်းဟောင်းတစ်ခု၏အဆုံးမှ ထွက်ပေါ်လာသော မောင်းသံများနှင့် ဒရမ်သံများသည် လူစုလူဝေးကို တဖြေးဖြေး သက်ဝင်လှုပ်ရှားစေခဲ့သည်။

အစေခံတစ်စုကို ဦးဆောင်သူမှာ New Tao တောင်ကြားရှိ လော့မိသားစု၏ အကြီးအကဲအသစ်လော့ယွမ်ဖြစ်သည်။

သူသည် မြင်းကို ချောမောစွာစီးနင်းလာပြီး အနီရောင်မင်္ဂလာဝတ်စုံသည် သူ့ပုခုံးပေါ်တွင် အတွန့်တွန့်တွဲလောင်းကျနေကာ သူ့ဆံပင်တွေကလည်း လေပြေလေညင်းတိုက်ခတ်သလို ဖြာကျနေသည်။

သူ့ဝတ်စုံကို ကြည့်လိုက်တာနဲ့ ၎င်းသည် သတို့သားနှင့်သူ့အဖွဲ့က သတို့သမီးကို သူမရဲ့ နေအိမ်အသစ်မှာ ကြိုဆိုဖို့ လာခေါ်တဲ့ လမ်းလယ်တွင် ရှိနေကြောင်း သိသာသည်။  

လူအုပ်သည် မက်မွန်တောဆီသို့ စိတ်အားထက်သန်စွာ သွားနေကြပြီး သစ်ပင်မှပန်းပွင့်များက သူတို့ကို ကောင်းချီးပေးနေပုံရသည်။

လမ်းတစ်ဝက်တွင် လေပြင်းသည် ရောင်စုံပန်းပွင့်ဖတ်ပေါင်းများစွာကို လေထဲတွင် ပြန့်ကျဲသွား၍ လူတိုင်းရဲ့ အမြင်အာရုံကို မှေးမှိန်သွားစေသည်။ တစ်ချိန်တည်းမှာပင် အပြာနုရောင်ဝတ်ရုံဝတ်ထားသည့် ကောင်လေးတစ်ဦးသည် သစ်ကိုင်းတစ်ကိုင်းပေါ်မှ ပြုတ်ကျလာခဲ့သည်။

ထိုမူမမှန်တဲ့ ရုတ်တရက်ရောက်ရှိလာမှုသည် လူတိုင်းကို ထိတ်လန့်စေခဲ့သည် : မြင်းပေါ်တွင်ထိုင်နေတဲ့ လော့ယွမ်တောင်မှ မသိစိတ်က သူ့ခါးပေါ်ရှိ ဓားကို လှမ်းကိုင်လိုက်သည်။

အပြာနုရောင်ဝတ်ရုံဝတ်ထားသည့် ကောင်လေးသည် လော့ယွမ်၏ရင်ခွင်ထဲသို့ တည့်တည့်ကျလာသလို ရှည်လျားစူးရှသည့်အော်သံကို ထုတ်လွှတ်ရင်း သူ့အသက်သွေးကြောကို ဆုပ်ကိုင်ထားသကဲ့သို့ တစ်ဖက်လူ၏ပခုံးကို ခိုင်မြဲစွာ မဖမ်းကိုင်ခင် ခြေလက်တွေက လေထဲတွင် ကြုံရာကျပန်း ဖမ်းဆွဲရင်း ယက်ကန်ယက်ကန်ဖြစ်နေခဲ့သည်။