أحضان القلب

الفصل الثامن

بسم الله الرحمن الرحيم اللهم صلي وسلم على نبينا محمد 🥰
..........................................................
بصلها عمر بصدمه وبقي مش مصدق انها تبقي بنت عدوه ملامحه كلها اتغيرت لملامح شر قرب منها وبصلها وبيجز علي اسنانه وقرر يسألها : انتي اسمك ايه

يارا ضحكت : ايه ياعمر البنت معانا اكتر من شهر ومش عارف اسمها ده انا بقوله عمال علي بطال مش لدرجه دي ..

قاطعها عمر بصوت عالي: اخرسي علشان انتي مغفله وكمل وهو بيبص لي ليلي: بقولك اسمك ايه بالكامل انطقي

سألها عمر وقلبه وعقله مستنين اجابه خطأ منها اتمني تطلع مش هي قالت ليلي بتوتر: ليلي عاصم مدبولي

كلمتها نزلت علي قلبه بصدمه بصلها وعنيه كلها ثوران غمض وهو بيبلع ريقه حس انه دماغه هتنفجر مش قادر يفكر في حرب مابين عقله وقلبه لقي نفسه بينزل من العربيه وراح الناحيه التانيه فتح الباب وشدها من درعها بقوه ليلي مش فاهمه حاجه قالت وهي بتحاول تفلت ايدها بعصبيه: سيب ايدي ياحيوان انت

يارا نزلت بتجري علشان تسلك بعد ماعرفت عمر بيفكر في ايه مدة ايدها علشان تحاول تنزل ايد عمر من علي ليلي لكن عمر من غير تفكير رجعها بدراعه وقال: ابعدي انتي يايارا علشان اللي جاي سواد عليها وفعلا هتشوف الحيوان علي حق

يارا بخوف وبتحاول تهدي عمر : اهدي انت اكيد فاهم غلط

ليلي بغضب: سيب ايدي بقولك انت شكلك مجنون رسمي

عمر: انتي بقي الجسوسه بتاعت أبوكي اللي مزروعه بينا والمصايب كلها بتيجي من تحت راسك يعني انتي وابوكي السبب في حريق المصنع والسبب في موضوع الصحافه والسبب في كل اللي حصل وقاتله القتيل وماشيه في جنازته وعامله البريئه بينا انتي هتشوفي الجحيم علي أصوله ياليلي هوريكي النجوم في عز الضهر انتي واللي باعتك

ليلي مستغربه وحسا نفسها تايهه ومش عارفه هو بيقول ايه وايه دخل ابوها : انت بتقول ايه جسوسه ايه ومصايب ايه شكلها هربانه منك

قرب عمر منها وبقسوه زقها وقعت في الأرض قربت يارا ووقفت قصاده شالها بدراعه من طريقه جاب ليلي من الأرض وكلبش ايدها ومشي بيها لحد مخزن الفيلا اللي كله ضلمه راماها جوه وقال بعصبيه: عامله نفسك عبيطه وتستهبلي خلي الاستهبال ينفعك

بصت ليلي للمخزن اللي شكله يخوف ومضلم خصوصا انها عندها فوبيا من الضلمه جالها هسترية عياط وبقيت تصرخ لما لقيته هيقفل عليها الباب حاولت يارا انها تمنعه مسكت ايده : علشان خاطري ياعمر بالله عليك البنت مظلومه ...

قاطعها عمر بغصبيه: اخرسي يايارا البنت دي لا دوق الأكل ولا الشرب وتفضل محبوسه هنا لحد لما يبان لها صاحب

يارا بترجي: ارجوك ياعمر لاء ليلي فعلا ماتعرفش حاجه عن ابوها هو سابها من زمان وهرب ارجوك طب الحتي علشان خاطر جدتها لو عرفت ممكن يحصلها حاجه

عمر بعدم اقتناع: اشششششش مش عاوز اسمع اي مبررات بطلي طيبة قلبك دي الخاينه كانت ممكن تسلمنا كلنا لعصابة عزت وعاصم دي عدوه افهمي

صرخت يارا في عمر: لا ياعمر لا انت ليه بتعمل كده البنت مظلومه مالهاش ذنب بقولك افهم