.
صدفة!
رويدة
تهز برجلها اضطرابا ً فتتحرك الطاولة امامها ،، تجول بناظريها في انحاء المطعم الفارغ نسبيا ً الا من بعض الوافدين ،، ترى كل منهم ينغمس في عالمه ،،
تمسك الهاتف تتصل !
- الو رسل هاي وينج؟
- هلو حبيبتي رويدة بعدني بالطريق
- شسالفة يابه اني كاعدة لوحدي صار نص ساعه وضجت حيل
- اوي حبيبتي اسفة والله هذا المدير ماقبل اطلع على وكت ،، يلا فد ربع ساعة واني يمج
- بعد الربع ساعة اني اطلع اوك؟
- اوك
انهت المكالمة وهي تأفأف ضجرا ً ،،
عمار
منذ جلوسها بالطاولة المقابلة لي ولست استطيع صرف نظري عنها، غريب ان اجد فتاة تجلس لوحدها في مطعم فاخر وفي هذا الوقت ،، لولا ضجري من الجلوس وحيدا في الفندق لما نزلت جلست وحدي ايضا!
عمار:-السلام عليكم
رويدة :- عليكم السلام
عمار:- اتمنى لتعتبريه تطفل لكني اعمل بمنظمة مجتمع مدني تهتم بحقوق الانسان و عندي احصائية و حبيت اشاركج اذا فارغة طبعا؟
رويدة:- عن شنو الاحصائية؟ عادي ماكو اشكال!
عمار :- طيب تسمحي انقل اوراقي لطاولتك؟
رويدة :- اوك تفضل!
عمار ( وهو ينتقل بأوراقه لطاولتها):- طبعا الاحصائية عبارة عن بضعة اسئلة وانطيج ورقه وتمليها،،
رويدة:- زين هالاسئلة عن اي موضوع؟
عمار(وهو يناولها الورق) :- تفضلي واقريها براحتج
رويدة ( تقرأ الاسئلة وتنقل نظراتها للشخص الذي لم تتعرف بآسمه للان !):- حلوة الافكار لكن مااعتقد نكدر نطبقها بمجتمعنا!
عمار:- ليش يابه ؟ ناقشيني؟
رويدة :- مثلا عندك هذا السؤال (هل تعتقد ان اعطاء المتسولين راتب شهري سوف يبعدهم عن التسول) ، دشوف هسه من تنزل و اباب المطعم شكد اطفال يتسولون ،، اتحداك لو شكد ماتنطيهم رح يبقون يطلعون يوميا
عمار:- اي من صعدت المطعم لاحظت هالشي
رويدة :- تتصور مدا يحصلون قوت يومهم؟ لكن البعض منهم خلاص تعودوا ميكدرون
عمار :- اختلف وياج بهاي النقطة ،، مااعتقد يطلعون اذا ماكان عدهم دافع قوي
رويدة:- الظاهر انت متعرف هاي الناس
عمار:- شلون خمنتي؟
رويدة :- احساس هههه
عمار:- اني فعلا مو عايش بالعراق لكن متواصل دائا وي معاناة البلد ولهذا اعمل بهاي المنظمة حته افيد ولو بشي قليل
رويدة:- هااااا يعني مرتاح بغير دولة و جاي تتصدق
عمار:- الغربة مو سهلة لا ادعو عليج تعيشين بغربة حته تحسين بيه
رويدة:- ومنو مانعك ماترجع وتستقر؟ لو خلاص تعودت على الحياة السعيدة
عمار:- ليش هجي هجومية بكلامك؟
رويدة : ليش تضوجون من الواقع؟
اقتربت رسل من الطاولة وهي تنظر بإستغراب لصديقتها الجالسة مع هذا الشاب الوسيم الانيق! هي تعرف ان صديقتها ضد نظام العلاقات والتعارف! لكن بماذا تفسر ما تراه الان؟
رسل:- السلام عليكم
رويدة:- عليكم السلام هلا حبيبتي واخيرا جيتي
عمار:- عليكم السلام
رويدة:- اعرفج ب... صدك ماعرفت اسمك؟
عمار:-اي بس عرفتي تعاركيني ههه اني عمار.
رويدة:- واني رويدة وهذي صديقتي رسل
رسل:- اهلا تشرفنا ،،
