"بعدك يجرحني وقربك يشفي لي جروحي"

[الجزء العاشر]

تراجع مهاب ،وأكمل بغضب:يلي عنده كلمه ينطقها ويتكلم ولا ياويلكم ان شفت الكاميرات
أحد الحراس،بتردد:انا شفت الحارس عماد وهو بيترك علبه الميه عند الغرفه وبيمشي وبيرجع يطلع ومن بعدها حصل يلي حصل
اقترب مهاب بغضب من عماد:انا ماقلت لاتعطونها اكل ولا مويه!،صح كلامي ولا لا ياعماد؟،مو انت يلي قلت لك قول الكلام لهم!؟
عماد بأرتباك:صح ياسيدي بس..
قاطعه مهاب بغضب:بس وش؟،ارفقت عليها ولا وش؟
نزل عماد راسه بضيق،اما مهاب صرخ بكل غضب:الحين كلكم تطلعون من هنا ولا اشوف واحد فيكم يوطوط عندي ولا اسمع واحد ناقل خبر تراني ادلكم وحتى لو غيرتو مكانكم ادلكم،والحين برا ولحد يرجع
طلعو الحراس من المزرعه اما مهاب اتجه لعند وتر فتح باب الغرفه وشافها متمدده على الارض،ضحك بـ مكر: ارتاحي بنومتك قدامك ايام تتمنين الموت فيها،ورجع لخارج المزرعه وهو يتأمل السما بهدوء..
-------
-الرعد:
الكل رجع للجلسه ورجعو الحريم للديره الا الرعد يلي للحين يبحث وهدفه الوحيد انه يكون قد كلمته لـ بتال ويرجع لهم وتر بالسلامه،وقف بنص الطريق لما شاف شخص ينور بوسط البر،قرب بهدوء:استغفر الله منهو ذا!
سحب الرعد سلاحه وخرج وهو يوجهه على الشخص الطايح بالارض،بحده: انت جني ولا أنسي؟
الغريب ،بتعب:أنسي،في وجهك انك تساعدني وتطلعني
نزل الرعد سلاحه بتردد:وش يخليني اثق بواحد بهذا الشكل بوسط البر؟
الغريب:انا،انا...
استوقفه الرعد :اصبر اصبر
اخذ الرعد علبه مويه وقدمها للشخص:خذ
بعد ماشرب الغريب،اخذ الرعد العلبه:ايه قول لي انت وش؟
الغريب:انا كنت اشتغل عند واحد يبيع وانت افهم
هز راسه الرعد بـ كمل،أكمل الغريب :واسمه مهاب
انصدم الرعد من الاسم:اسمه مهاب جاسم
الغريب:ايه
الرعد :كمل كمل
الغريب:وهو عنده مزرعه بعيد شوي من هنا،دخل علينا امس ببنت
انصعق الرعد من سمع كلام الغريب،الرعد:تقول بنت!
الغريب:ايه ،جاب بنت ووصانا لا نعطيها اكل ولا مويه ونتركها بالغرفه
الرعد،بصوت مستعجل:قم معي بسرعه دلني على المزرعه
قام الغريب،ودخل السياره ،مشى الرعد،التفت للغريب:انت مين؟
الغريب:تركي.
الرعد،بأستعجال:طيب ياتركي البنت هذي تأذت منه ،ضربها لمسها شيء ؟
تركي بضيق:اول ماجابها ضربها واغمى عليها قدامنا ورماها بالغرفه،وبعده مده رجع ضربها لما مشى دخلت وشفته ضاربها ودمها بكل مكان،انت وش عرفك بالبنت؟
الرعد وهو يسحب جواله:ابن الكلب ضربها،بدا يسوق الرعد بسرعه
تركي:يارجال هد هد
رفع الرعد جوال واتصل على بتال،بتال بخوف:ايه بشر؟
الرعد:لقيتها بس خلك عندك انا باخلص الموضوع
بتا:انا اخوها ارسل الموقع
الرعد:اذا وصلت ارسلت،وقفل بدون مايوصله رد بتال
ورجع يتصل على فاهد،اول ماوصله صوت فاهد:ياهلا بالرعد
الرعد بصوت مستعجل:بأرسلك موقع تجي ان والشباب وسياره اسعاف بسرعه
فاهد:سم الحين
الرعد :بيوصلك الحين
فاهد: الحين بنحرك
الرعد:اعجلو
فاهد:ابشر
الرعد: لقيت لك مهاب الملعون
فاهد:وينه
الرعد بأستعجال:تعال للموقع تلاقيه ،مع السلامه
فاهد:نلتقي
قفل الرعد وأكمل طريقه للمزرعة.
-------
•بـيـت ســعــود :
الجو متوتر والكل خايف وينتظر خبر،دق بتال الباب،بصوت عالي:ياولد طريق
تقدمت ميعاد بخوف:ها ياوليدي بشر لقيتوها؟
بتال:اي اي يالوالده الرعد لقاها ،ورايحين لها الحين طمني يلي معك ونحنا جايين فيها
ميعاد :بالبس عبايتي واجيك
بتال:لا وين يالوالده المكان بيكون مليان رجال وانا وهتان وابوي رايحين وراجعين لك بوترك
معياد بفرحه نزلت دموعها:الله يرجعك لي يابنتي سالمه
بتال:انا رايح ،هدي يلي معك
ميعاد:دربكم خضر استودعتكم الله
خرج بتال لطريقه،اما ميعاد دخلت الصاله وهي تزغرط بفرح
ركضت لها وتين يلي احمرت عيونها من كثر البكي:يمه تكفين قولي لقوها
بدت ميعاد تبكي من الفرحه:اي اي لقوها،لقاها الرعد
التفتت مها بضيق:وش معنى الرعد يلي لقها ليه مو اخوانها
غايه انحرجت من اسلوب مها قربت وسحبتها من الجلسه للمطبخ:وش هذي الحركات يامها شايفه الناس فرحانه تبين تخربين فرحتهم،خلاص المهم لقوا البنت،وشيلي هالرعد من راسك
مها بدلع:يمااااا
غايه وهي رايحه:شيليه من بالك
زفرت مها انفاسها بغضب:ماني بشايلته ويلي ابيه بأسويه
رجعت للجلسه وهي تنتظر وتشوف وتر وتحاول تبعدها عن الرعد،كانو الكل ينتظر رجعه بتال والرعد ومعاهم وتر
-------
-البر:
انتبه تركي لأنوار المزرعه ،آشر بسبباته:وقف بعيد هو موجود فيها سيارته هذيك
الرعد وقف وهو يرسل الموقع لبتال،بهدوء:اعرفه وبلعن شكله الحين انت خلك بالسياره ولاتطلع
تركي:ابشر
الرعد وهو ينتظر رد بتال:ياتركي اعطني سلاحي من الدرج يلي عندك
تركي انصدم،بأرتباك:وش.. وش له السلاح؟
التفت الرعد،بصوت مستعجل:مرخص هاته
تركيمد له بالسلاح:سم
الرعد فتح الباب وخرج وهو ينتظر سيارات الشرطه تحاوط المكان ،التفت لـ تركي :وين يجلس مهاب؟
تركي التفت:عنده غرفه ببدايه المزرعه عند البوابه بالعاده يجلس فيها
الرعد وهو يناظر بـ فاهد يلي تقدم له ،بهدوء:جميلك ياتركي هذا ماني بناسيه
تقدم فاهد بصوت شبه عالي:نبدا؟
الرعد:انا بأدخل واوريه شغله واذا صار شي بأرمي بالسما واهجمو على المكان،في بنت داخل لاتمسونها ،انا باخذها
فاهد:سياره الاسعاف موجوده يالرعد لازم نتطمن على صحتها
الرعد بحده:شوف شغلك
فاهد هز راسه بـ طيب،اما الرعد اخذ سلاحه وبدا يمشي بأتجاه المزرعة
--------
داخل المزرعة:
خرج مهاب من غرفته متجه لغرفه وتر بعد ماسمع اصوات من غرفتها،فتح الباب ،بحده:خيررر محد ينام!
جلست وتر بخوف،اقترب مهاب جلس قبالها،ابتسم ابتسامه شريره:اعتذري
ضربته وتر كف بقوه،بصوت عالي:ماتستحي على وجهك تلمس وحده وانت مب محرمها ،يالنجس
ناظرها مهاب بـ مكر:موتك الليله يابنت ماجد
ابتسمت وتر:ان كان موتي اللليه اذبحني وريحيني من هالعذاب ولا لـ وش تاركني عايشه؟
ابتسم مهاب وبدا يضحك بصوت عالي،استغربت وتر منه،ناظرها ،بغضب: ابي اشوف العذاب بعيونك
انهارت وتر وهي تبكي بحرقه:وش تبي مني ،عذاب وعذبتني ،تكسير وكسرتني،تشويه وشوهتني ،وش تبي؟!
خرج مهاب بدون رد ،دخل الاسطبل وهو يضحك ،اخذ السوط بضحك:هذا العذاب يلي بتشوفينه ههه
دخل الغرفه عليها وهي تبكي
رفعت عيونها وهي تشوف السوط بيده،بخوف:تكفى طلبـ..
قاطعها بدايه ضرب مهاب لها بدون رحمه،وهو يضحك،الين بدت وتر تصارخ:يالرعدددددد،الرعددددد
اما مهاب كان مع كل ضربه يضحك وكأنه يضرب الهوا
اغمى على وتر ،توقف مهاب وهو يجلس لحدودها ويضحك:اتحداه ان جاك او دل مكانك،خرج مهاب وطلع لغرفته وهو يشرب كوب قهوته ولا كانه مسوي شي.
- عند الرعد :
دخل الرعد من جهه الاسطبل،بدت احد الخيول تحاول الخروج ،سمع مهاب صوت غريب من جهه الاسطبل،اخذ كوبه ومشى بكل برود:وش عند هالخيول هالوقت!
تقدم الرعد وهو يشوف مهاب ،تقدم وهو مصوب سلاحه عليه،الرعد بحده:ارفع يدك يامهاب مالك مفر
مهاب بدا يضحك بهستريه
الرعد أكمل بحده: المكان محاصر مالك مفر يامهاب هالمره،تهرب مره الثانيه مالك مفر مني ،ارفع يدككك
اخذ مهاب كوب قهوته الحار ورماه على الرعد وبدا يهرب،اما الرعد مااهتم لحراره القهوه وركض ورا مهاب ،اخذ سلاحه ورمى بالسما،اما وتر كانت فاقده وعيها وماتعرف بأي شي حاصل وغارقه بدمها،تحاصر المكان،صرخ فاهد بصوت عالي:ادخلوووووو
الكل ركض للمزرعه،اما الرعد رفع ثوبه وركض ورا مهاب ،تعثر مهاب وطاح قرب الرعد مسكه وهو يضربه بحده:تلمس محارمنا يالكلبببب ،ولله لاخليك تعض الارض يالحيواننن
وأكمل يضربه ،كانت بنيه الرعد اكبر من بنيه مهاب ،مسك الرعد مهاب بيساره،ونزل شماغه وهو يربط ايدي مهاب ،الرعد مسكه بغضب:وين البنت يالكللللب،وينهااا؟
مهاب،بدا يضحك،ضربه الرعد ،بحده:تكلم وينهاااااا؟؟؟
مهاب بضحك:عشان كذا من اول مااخذتها وهي تستنجد فيك
الرعد استغرب،لكنه ماترك مجال لفضوله،مسك ياقه مهاب وسحبه بقوه،بغضب:البنت وينها يالكلببب؟!
بدا مهاب يضحك،اما الرعد عروقه برزت من الغضب وأحمر وجهه،ضربه بقوه الين استوقفه صوت فاهد:يالرعد وقف ،وقف
سحب فاهد الرعد عن مهاب يلي حطم وجهه الرعد من الغضب،ابتعد الرعد بغضب:البنت لقيتوها؟
فاهد:للحين لا،فتشنا كل الغرف ومالقينها،اكيد خارج المزرعه
الرعد بغضب:في واحد جالس بسيارتي اسمه تركي ،جبه هو يدل هالمكان
ضحك مهاب ولا كأن شي فارق معاه،اقترب الرعد بغضب:تبي افجر لك وجهك الحين هاااا؟ ،البنتتتتت وينهااااا تكلمممممم
مسك فاهد الرعد،التفت للرجال بصوت عالي:خذووووووه
الرعد بصوت عالي :خذوووهههه ولا أشوفه قدامي خذووههه
جلس الرعد وهو يشرب مويه وهو متضايق،تقدم تركي:اي هلا سم؟
رفع الرعد عيونه:دلني للغرفه يلي كانت البنت فيها،اشر تركي بسبباته على الغرفه يلي كانت قدام الباب:هناك
رص على اسنانه بغضب:الغرفه فتشوها البنت وينهااااا وينننن؟
تركي كان صادق بكلامه لكن مهاب غير مكان غرفه وتر بعد ماطلع الحراس لغرفه تحت المزرعه وأظلم من الغرفه الاولى،دخل بتال وهو ينادي بصوت عالي:يالرعددددد
الرعد انتبه لهم،بصوت عالي:خلوهم يدخلوننن
دخل ماجد وهو مستعجل ومعاه بتال وهتان بصوت موحد:ها بشر؟
الرعد،بضيق:شوف ياعمي انا اقسمت انه ماتغفى لي عين الا والبنت معاكم وانا قد كلمتي ويلي ابي منكم بس انك ترجعون البيت ،والبنت ان لقيتها كلمتكم
ماجد بغضب:يالرعد البنت بنتي وماني براضي يشوفوها ناسٍ ماهم بمحارمٍ لها ،ماني برايح الا وبنتي معي
هتان اقترب :يباه خلنا نروح على الاقل ننتظر برا علشان نتركهم يشوفون شغلهم
الرعد بضيق:اقسم بالله ياعمي ان لقيتها اني لا اناديك تجي وتطمن عليها ،انتو خلوكم بالسياره انتو كذا تساعدونا،المكان مليان افاعي ومهجور من زمان خلونا نخلص شغلنا
فاهد تقدم بهدوء:ياعم نحنا مقدرين خوفك على بنتك ،لكن لازم تسمح لنا نشوف شغلنا علشان نلاقيها انتو كذا تعيقون شغلنا
هز ماجد راسه بتفهم،بهدوء:انا رايح للسياره،وبنتي امانه عندك يالرعد ،اثارني بالسياره ان لقيتوها امنتك بالله
الرعد بهدوء:ابشر ياعمي ابشر
خرج ماجد ،لكن قاطعهم الشخص يلي كان يركض لجهه الرعد وفاهد،توقف :مهاب عنده كلام لك يالرعد
الرعد زفر انفاسه بغضب:يتسهبل علي هذا
الرجال:من اول ماركبناه وهو وده يقول لك وماتركنا نشوف شغلنا
فاهد ضرب كتف الرعد بخفه:البحث مستمر رح شف له يمكن بيقول لك شي مهم يفيدنا
راح الرعد وهو ينتظر يغلط لاجل ينهيه،اقترب الرعد من السياره يلي فيها مهاب،بغضب:ووجعه وراك تضحك!
مهاب:ان كنت تبي البنت تعيش الحق عليها
فتح الرعد الباب بغضب مسك مهاب بغضب:وش تقصد يابن الكلب ،وش تقصد؟
مهاب ببرود،وهو قاصد أغضاب الرعد:يلي اقصد ياولد جبر انك تهدي لان ماضنتي ان البنت عايشه للحين
اقترب الرعد بغضب:اقسممم بالله ،ان جاها شي لا أخليك تندم طول عمرك
مهاب بضحك:هههه حتى هي قالت لي اني بأندم روح روح لها روح
زفر الرعد انفاسه ،التفت وهو ينصدم بكتف ماجد يلي سمع مهاب وعرف بوجوده،تقدم ماجد وسحب مهاب بكل قوته،بغضب:وش سويت ببنتي يالكلب ؟!
انصدم مهاب لما شاف الوجه يلي قدامه غير عن الوجهه يلي قدامه،ناظر مهاب بـ ماجد:جيت انتقم من يلي ذبح زوجتي
زادت ضيقه بتال وهو كان ماسك نفسه عشان يترك المجال لأبوه يطلع حرته وياخذ حق وتر منه،تقدم ماجد بغضب يخالطه الفضول:تنقم من مين ،وعن ايش تتكلم؟
اقترب بتال ومسك مهاب بقوه رص على اسنانه بغضب:شوف قسم بالله لو ماتتكلم وش سويت بأختي لاادفنك بأرضك يالكلببب
مهاب وهو يحاول يبعده عنهم تذكر زوجتة أمل،صرخ وهو يترك المجال لضيقته وحزنه يلي كان حابسهم بقلبه:قتلت زوجتي قدام عيني ،زوجتي ذبحتها يالكلب ،انا خسرت روحي وانا انتقمت وماودي اعيش اذبحوني اضربوني الين تشبعون امل راحت ومالي بعدها حياه،مهاب بدون أمل ولا شي ،ولاشييي،تسمعون ،رفع راسه وهو يلي برزت عروقه وأكمل:مثل ماذبحت زوجتي ياماجد بأذبح بنتك فاهمممم؟
اقترب ماجد وهو ينهار:اذبحني انا لاتذبح بنتي ،وش تبي من بنتي؟
ناظر مهاب عيون ماجد،بهدوء ودموعه تغطي عيونه:ذنبها الوحيد انها بنت ماجد