قيود العادات

part3

-لجين: عزه العزاني ولد حجي راضي
-جبر: اي بابا ولد حجي راضي

- الكل يعرف شنو بيت حجي راضي ومشاكلهم شنو

-سمير: شوداكم البستان حجي راضي
- محمد: يابه الخيل شردت من ايد عمر وركضنه وراها وشافنه خضر ابن جاسب
- سمير: اي بس ما الهم حك يرمون عليكم وانته بويه عمر اشلون ايدك
-عمر: مابيها شي عمي نشخطت شخط تعالي لجين جيبيلي تشيرت من فوك كوميك زهره حبيبتي

-كامت زهره من الكاع حضنت عمر تبجي واني رحت الغرفته جبتله تشيرت ورحنه اني وشمس ويه أمي نحضر العشه وعمامي وبابا يحجون على بيت حجي راضي كملنه العشة وكلنه التمينه واني كاعده يم بابا

- أحسان: اكلي حبيبتي ليش وجهج أصفر
-لجين: خفت بابا صوت الطلق عالي وخفت على عمر
-عمر: مابيه شي لجين زين اني لا تخافين
-سمير: لجين عمو من نخلص عشى نحجي اني وياج
-لجين بخوف: ليش عمو اني سويت شي
-سمير: هههه لا بابا لا شمسوه قابل بس نسولف سوه
-لجين: ابتسمت صار عمو

-كملنه العشى وصبينه جاي وكعدنه بل صاله جنت صافنه وفزيت من حجه عمو سمير
-سمير: كومي لجين كومي نحجي بل ديوان
-لجين: صار عمو رحنه بلديوان بس اني ميته خوف
-سمير: تعالي بابا اكعدي بصفي
-لجين: رحت بصفه وجنت مدنكه راسي وافرك بديه لزم وجهي بدي وباس خدي
-سمير: اشلونج لجونه
-لجين: زينه عمو انته اشلونك
-سمير: زين يبعد عمج زين لجين خل انسولف اشويه
بس الكلام يبقه بينه ماشي
-لجين: انشالله عمو
-سمير: لجين انتي حلوه وذكيه وحنينه وتحبين الكل بس ميصير هيج اني منتبه عليج تخافين علكل وتحبين الكل وهل شي حلو يابنتي بس خلط لازم تميزين ناسج لازم تعرفين اليحبج من اليكرهج
-لجين: اشلون يعني عمو
-سمير: يعني يابنتي لازم تميزين ناسج زين وعاملي المقابل بل مثل وشوفي اني قبل سنين كعدت ويا شمس وسولفنه وحجينه هواي وصارت قريبه منى
-لجين: صح عمو شمس كلش قريبه عليك وتحبك
-سمير: ليش انتي ما اتحبيني
-لجين: لا عمو بل عكس كلش احبك اني
-سمير: زين اسئليني اي شئ ببالج حتى اني اجاوب
-لجين: يعني اي شئ عادي
-سمير: هههه اي اي شئ
-لجين: تمام انته ليش اتبطلنه من الدرسه
-سمير: لئن يا عمو اخاف عليكم انتو بنات ضعيفات
-لجين: اشلون ضعيفات الضعف شعلي بل دراسته
-سمير: يعني ماتكدرن ادافهن عن نفسجن وحنى بمنطقه محافضه ماعدنه دراسه والبنيه الطب وتطلع

-لجين: زين عمو ليش اتزوجنه بعمر الصغير ومن ولدعمنى
-سمير: حتى محد يحجي عليجن ويجيب سيرجن عليه السانه والد عمج احسن من الغريب اشمدرينه الغريب يطلع زين وحبج و يدير بالله عليج
-لجين: صح كلامك عمو بس بابا يكول الزواج الغصب حرام
-سمير: أكيد واكبر حرام هم بس اني من زوجت شمس جانت قابله واني هم وزهور وموده وزهراء ما انطيجن اذا ما رياضيات
-لجين: ههههه عمو الكلام وياك كلش حلو
-سمير: هههه حبيبتي عمو هاي هيه بعد ماكو سؤال
-لجين بفرح: لا عمو بس من اريد اسئلك اجيك عادي
-سمير: عادي يله روحي
-لجين: كمت بست راسه جاي إروح ولزم إيدي نداريت عبالي يريد شي بس صدمني من جرني علي حضني حيل وباس راسي رجعت للصالة الكل كاعد
بعدين الكل راح ينام اني وموده وزهره بغرفه كمت اشرب مي لكيت عمر بل مطبخ جرني من إيدي