بين عينيها حكايا

الجزء الواحد والثلاثون

الجزء الواحد والثلاثون
#بين_عينيها_حكايا
.
.
.
.

أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.
التعليق بين الفقرات والتصويت دعماً للقصة
متابعة الحساب دعماً للقصة لطفاً❤️
.
.
.
.
لقد كنا خمسة أخوات في المنزل
وكان الأمر مثل حفلة دائمة
.
.
.
.
وَهج
_____________________________

گاعدة آني وأخواتي حوالين الصوبة
واضاءة النار مسوية هالة دفوو حوالينة
قوري الجاي يفور عليهة وصينية بيهة صحن كليجة وكعك كل وحدة گبالهة كوبهة وكل وحدة تحجي شكل
واني أستمعلهن أستمع لأحلامهن

ومخططاتهن وشيحبن يسوون كل وحدة منهن ماخذة زاوية وتنطنط من يمهة وتقاطع الثانية

و اخر العنقود ماخذة مكانهة المفضل بصفي
متكئة بعكسهة على رجلي وتباوعلي
بصفنة

-الحلو شبي صافن

شمس- وهج أحجيلي قصة حياة ماما

وهج - شموسة معقولة ماحفظتيهة

نطت ظلال من يمهة

ظلال-اني هم أريد أسمع فدوة احجيهة مرة لخ

شمس- حافظتهة بس من تحجيهة انتِ أحس نفسي عايشة وياهم بذاك الوقت

ضي -الله من أسمعهة من لسانج وصوتج عبالك أسمع ماما ويجي بخشمي ريحة الذرة المسلوگة عالصوبة والحب الشمسي المحمص والبلوط المشوي اللي تسويهن ماما بالشتا

فَي- وصوت المطر والگراگيع واحنة خاتلين كلنة بنفس البطانية مال الجيش التجكجك

گامت في تفتر وتگمز بفرح مثل كل مرة تفتر وتگمز بيهة جوة
المطر
وگفت مديت أيدي اعدل شعر فَي الواگع على وجهة
وگعت للگاع قبل لأوصللهة
واختفت من گدامي وطارت مثل الدخان
ووگعت ايدي بالفراغ
فتحت عيني بخوف اتبعهة وهي تختفي
وراهة ضي وراهة ظلال وراهة شمس
فتحت عيني بصدمة
واني اشوف نفسي گاعدة بصف الصوبة
باوعت لأنعكاسي وتطاير ويا الهوة
شهگت شهگة مثل الغرگان واني يصفعني الواقع
اباوع لنفسي بعدني گاعدة بالگاع واني أقرأ بدفاتر مذكرات ماما وأرسم حلم
وردي يشبه الواقع مجموعات بي أخواتي
واني وياهم
نزلت دموعي على دفاتر مذكرات ماما اللي مخليتهم بحضني
ضحكت مثل المجنونة
ههههههههههههههههههه شبيج داتتخيلين وهج
گمت راكضة بفزع للمكان اللي تخيلت بي
اخواتي
ماكوووو كل شي ماكو
لا شمس تريد تسمع قصة حياة ماما
ولا ظلال
ولا ضي تدور عن طبخات ماما
ولا فَي تبحث عن دفو الذكريات
صوت ضحكتي يصدح بالبيت

هههههههههههههههه ماما داتحسين بية موووو
عبالي احجي لأخواتي عن حياتج
طلعت دااحجي ويا نفسي
تجننت ماما ضاعت شمس
وتهدمت حياة فَي

گعدت بالگاع اعيط

-ماااااما داتسمعيني موووو اني مو گد المسؤولية تعالي
اخذيني يمج تعبت ماما
أسمع صوت دگات عالباب فززت روحي فرح
ماما
ركضت أعيط