بين عينيها حكايا

الجزء الثاني والثلاثون

الجزء الثاني والثلاثون
#بين_عينيها_حكايا
.
.
.
.
.

أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
التعليق بين الفقرات والتصويت دعماً للقصة
متابعة الحساب دعماً للقصة لطفاً❤️
.
.
.
.
وكنت دائماً لفرط قلقي يخيل لي
حتى في أوقات راحتي انني أركض ...

شمس
__________________________

نايمة بالغرفة
من يومين والحرارة ماخذة من روحي
روح
ميطلعوني وقت الشغل
والوجبات توصلني للغرفة
محد يدخلي غير سجى
اللي تجيني بأوقات محددة
تاخذني للحمام
جنت أنزف
وطول الوقت اتألم وأبجي
هي تسمعني سجى متأكدة تسمعني
طلعت هالمرة
بعد ماانتهيت من الألم وقوة النزف صوتي بالبجي صار عالي
غسلت ادية ولزمتني

تمشيني

-جؤؤ جؤؤ هاي شمسوي بيج

على صوت شهگتي

-مممسوي اننننجبي

-لج ادبسز شدعووواج هاي مطلعت كل مرة هيج تگلبيهة مناحة

-معلييييج بية معليج داانزف راح امووووت

-اييييي هو يحيى هيج قاسي
لتخافين
راح اجيبلج علاج وأرجع
بس خل اوصلج غرفتج

صعدتني نمت بالسرير
غابت نص ساعة ورجعت فتحت الغرفة گعدت بصفي

-عيني شمس گعدي راح تجيج دكتورة هنا
شتردين بعد يحيى بنفسة راح بلغهم
مدللتة لازم وهيج مهتم بيج

گعدت وهي بالباب منتضرة
شوية ودخلت وياهة دكتورة وممرضة
وعدة كاملة وياهم
بدت الدكتورة تسألني

-من يمتة تجيج الشهرية

-من سنتين

-منتظمة

-لا مخربطة

-النزف هاي اول مرة يجيج

-ايييي

-سجى لازم سونار مااگدر حتى احدد علاجهة

طلعت سجى واسمعهة تحجي بالتلفون

شوية ورجعت موافقة

اخذوني وياهم للطبابة
بعد سونار وفحص
حجت الدكتورة

-عندج تكييييس كلش قوي
وهاي اكياس انفجرت سببتلج النزف
عيني سجى العلاج من برة مموجود هنا
ضروري الالتزام بي
حتى يتوقف النزف
وانت ماما عندج التهاب بسبب هالشي
انتبهي لصحتج وعلاجج
طلعتني سجى ورجعتني لغرفتي
راحت وللعصر رجعتلي بيدهة علاگتين

-شوفي هذا كبسول ورة الوجبات تاخذي ٣ مرات باليوم
وهاية حبوب مسكنة تقلل الألم وقت الحاجة اخذيهة
وهذا شراب يخفضلج الحرارة
وهاية الابر كل يوم اجيج اضربج وحدة
وهاي الغسولات تعرفين غسلي بيهن بالحمام تمام
وهاي العصارات
شوفي تخبطيهن بهاي العلبة الفارغة بالعلاگة
دهني بيهن المكان بعد متنشفين نفسج عدل