بين عينيها حكايا

الجزءالثالث والثلاثون

بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.
التعليق بين الفقرات والتصويت دعماً للقصة
متابعة الحساب دعماً للقصة لطفاً❤️
.
.
.
.
ولا خير فيمن غير البعد قلبه
ولا في وداد غيرته العوامل

وهج
__________________________

دنيا مغرب رجعت من تجهيز ضي
اجيت افوت لبيت خالة وناسية كلامهة بشأن جية ليث بهاليوم اباوع للطارمة الباب مفتوحة
وشفت ليث
يمشي والطفل بين ايدي
يتحرك بخطوات غير ثابتة

جان حلووو حلوو بشكل مبالغ بي
بأيدي المدبدبة وضحكتة الحلوة

باوعتلة ابتسمت
طفل بريء مالة ذنب
بس ياترى فكر بوجعي وهو جاي يستعرض وبنفس المكان العايشة بي ثمن جريمتة بحقي
داير وجهة
ويمشي بي صاح بصوت

-فيررررا حبيبي يلة يمعودة

ضرب على گصتة يأنب نفسة
يحاجي الطفل

-نسييييت عبالي امك البرب*وگ تفهم عررراقي
رجع حجة بالسويدي وكمل
التفت شافني
بهت وجهة
مااعرف اكو فد برود غريب ناحيتة
منقهرت بس من طلعت هي وشعرهة القصير الأحمر
وبيدهة الطفلة الصغيرة

ابتسمت بسخرية مبتعدة عن الباب
مشيت للبيت تاركتة وراية وتاركة ويا آخر قطرات
ورذاذ باقي من مشاعري تجاهة
مشيت واني مبتسمة الله واخيرا شعور التحرر
من المشاعر الخاطئة شگددد حلووووو
دخلت للبيت واني اسمع صياح
ضي

-كرهتيني في مووووووو كرهتيني بعدتيني عنج
جنة سوية بكل شي وصار الوقت
نتشارك حتى الألم

گالتهة وعلى صوت في وهي تعيط

- ضييييييييييي لااااااااااااا

ركضت بكل سرعتي وأحس رجلي بثقل الجبل
اسمع خطوووات وراية
ماعرفت منو دخلت للغرفة
ضي واگفة بيدهة سجين بينهة وبين ان تغرسهة برجلهة
شعرة وحدة
اخذتهة من ايدهة بكل سرعتي
وشمرتهة

وانهاريت واني أضربهة ضي راشدي
بجت على أثرة

-شمسوية اننننننني بحياتي حتى هيج داتعذبوني هااااااااا فرحت وگلت وأخيرا بدت الدنيا تبتسملي
شداتسوين ضي انجنيتي

بجت ضي وهي مهضومة
وفَي اباوعلهة شفتهة صارت بيضة وترجف
ركضتلهة وعطت بضي

-رووووحي جيبي الحقنة مالتهة وجهاز السكر بسررررعة

بعد الفحص طلع مرتفع
انطيتهة العلاج
واستقرت
اجت ضي تمددت بصفهة وتبجي
اول مرة اعرف اللي يدور بخاطرهم همة الأثنين

-ليش فَي تبعديني عنج اني مو بس جسدياً أشبهج
اني روحي مرتبطة بروحج من أشوفج مبتعدة عني
احس جزء كامل مني مختفي
والله اسفة لأن انت بالذات صارلج هيج ياريتني اني بدالج ياريت
بجت ضي بقوة
وفَي حضنتهة بكل قوتهة