المستهام

بارت الرابع عشر

المستهام
"شيماء الدُليمي"

انتَ الحنين قسيت، شلون ترحمني الظروف؟

ارام:: دموعي نزلت الرجفه سرت بكل جسمي
رقيب احتقن وجهه وگعد على الكرسي يهز برجله متوتر
حسين اتشكر من الدكتور اجى گعد بصف رقيب
اردف بصوت حزين بالگوه لازم اعصابه
_بس تطلع بخير وسلامه تظل يوم واحد يمكم ثاني يوم اجي اخذها وخلي اشوف زلمه ابن زلمه يعارض طريقي اقسم بالله اسحلكم سحلل

رقيب:: بس خلي تطلع شتريد اسويلهاا

حسين:: نشووف رقيب نشوف

ارام:: مسحت دموعي و حجيت بصوت ناصي
ترى هي تحبه
باوعلي رقيب مقلص عيونه عض طرف شفته ونفض راسه يحاول ما يصدگ كلامي

حسين:: برود، عادي حتى اذا تحبه ما سوت شي غلط

ارام:: اعرف بس هيج راح تجبرها عليك

حسين:: الله كريم منا لوقتهه
اروح اششرب جاي تردون شي

ارام:: جيبب مااي

حسين:: ادللي

ارام:: ابتسمتلهه ورجعت راسي على الكرسي
احسه ينفض بسبب الوجع وجسمي متكسر تكسر

حجه رقيب بصوت ناصي
_گومي اوديج للبيت

ارام:: گمت ما مصدگه
عدلت حالي هو شال غراضه و وگف اجى حسين جايبلي ماي انطانيا اخذته منه

حسين:: راح تروحون

رقيب:: اوديها واجي عينك على هاجر وشيصير اتصل

حسين:: زعم خايف عليها

رقيب:: حسييييننن

حسين:: وجعع روح وخلصنه من شرك

ارام:: هز رقيب ايده ما عاجبه باوع عليه حجه بنفاذ صبر
_امشيي خلي اشوف نهاية اليوم شنو

حسين:: زبالهه مازال انت واخوانك موجودينن

ارام:: لميت شفتي احاول اخفي ابتسامتي
رقيب خزره ومشه لحكته خليت ايدي على شفايفي
اضحك سكتاوي علمود ما اترزل

رقيب:: على شنو تتمضحكين يالصلفه

ارام:: رفعت راسي مستغربه صارت عيني بعينه يباوعلي مخنزر
احمم ما دا اضحك

رقيب:: واضح هو انا دا اتبله عليج

ارام:: اردفت بسخريه
هو هذا الفقير دوم الناس تتبله عليه

رقيب:: مبين جسمج يحكج

ارام:: اييي والله حيلل دا يحكني
عود من نرجع للبيت حكلي الله عليك

رقيب:: بسيطه بس خلي نرجع انا اعلمج

ارام:: ما اهتميت الكلامه صعدت بالسياره وهو يسوق وكل شويه يتأفأف
رجيت راسي على الجامه اردفت بصوت ناصي
اريد اروح لأهلي