🐣🪷 هوان 🪷🐣
• وَمَنْ يَنْظُرُ بِعَيْنِ القَلْبِ يُبْصِرُ..جَمَالاً لا تُبْصِرُهُ العُيُونُ 🌸
بقلمي:ريماس_ماري🍓
الجزء : 1
في مدينة اكادير وبالضبط فحي شعبي بسيط منازله عادية الشارع كلو طابلات وفراشات فالارض كل واحد وشنو كيبيع . أصوات البياعة والشراية كيتسمع من بعيد
خرجت من باب دارهم لابسة بيجامة عادية وصندالة دالميكة فرجليها جامعة شعرها لفوق كعكة مهملة . شابة عادية وطبيعية زينها عادي عينيها قهويين وشعرها قهوي جمالها مسرار لكن ماشي فائقة الجمال وزيد حتى عدم إهتمامها بنفسها وبلبسها كيخبي جمالها
خرجت من دارهم وتمشات مسافة حتى خرجت من دربهم البسيط دخلت فالشارع تاني مقابل معاهم فيه منازل كبار وشكلهم زوين باينين من طبقة أعلى من طبقتهم
وصلت لباب دار خالتها ووقفت كاتعيط ليها من لتحت بصوت عالي ، صوتها كيتسمع فالشارع كلو
دينا : خاااااااااااالتيييييييي حليييي انا جيييييت
من لفوق طلت عليها خالتها حياة مخنزرة ومعصبة على عادة الغوات لي وفلفاتها وعيات باش تحيدها ليها
حياة بعصبية : كانقول لمك بقاي تدقي وتصوني علاش كاتبرحي ياك دايرين صونيييط
دينا هزات راسها فيها : والووحي الخالة عانباتو هنااا راه ماكانصبرش كانبدا نعيط فدخلة ديال الدرب
حياة لاحت ليها الساروت مخنزرة ودخلت لكوزينة تكمل توجاد فطورها . امرأة اربعينية مازال مهلية فراسها لابسة بيجامة انيقة وشعرها ممشوط كاتنقي فنعناع
حلت الباب دينا ودخلت طلعت نيشان الكوزينة لاحت ليها لساروت فوق البوطاجي قشعت طبسيل دالحلوة فوق الطبلة دالكوزينة مشات كاتاكل منو
حياة :هادي هي صباح الخير المسخوطة
دنيا ماشافتش فيها كاتاكل فالحلوة
دنيا :صباح الخير الالة البنات
حياة بتاسمت جنب :فين ماماك قالت ليا عاتجي تفطر معايا ؟
دنيا :ختك والدة طاشمة دالولاد وبغيتيها تجي دغيا ؟ خليتها كاتلبس فيهم . وخليت الباب لتحت محلول حتى تجي
حياة طلعاتها وهبطاتها : ونتي زعمة عادي تخرجي هاكا مامسوقاش لراسك تغسلي وجهك وتمي خارجة ماتلبسي ماتمشطي مازال ماغاتديري عقلك ؟
دنيا :خليني فطبيعتي بغيتوني نتزوق بحال الطعريجة عاد نعجبكم
دخلت ماماها وفاء جارة معاها ربعة ديال خوتها مشات كاتسلم على ختها وفنفس الوقت كاتهضر مع دينا
وفاء :لبسي مقاد بحال البنات يشوفك شي ولد الناس يبغي يتزوجك ونتي كاتدوري ليا كي عزري دوار
دينا : يالله فعمري 19 وزايدون الرجل عندي علاش غادي يشوفني واحد اخر ؟
حياة :شكون الرجل لي عندك ؟
دينا هزت فيها حاجبها : مالكم بديتو تنوعروو عليااا ياك عاناخد ولدك ؟؟؟
حياة تنهدت حركت راسها بلا حول ودارت كاتنقي فالنعناع
وفاء : ابعدي من الدري المسخووطة ماباغيكش مالك ماكاتفهميش
دينا :أ والله لا كااانت لييييكم ولا كانت لييييه منوووو نخلااااق وخا نتزوجو بسيف علييييه وخا نعرف نربط مووو ونجرو لعدول واخا نعرف نعسو بالسيرو وجيب الوراق نعقد عليه ، هايهااااي دخول الحمام بحال خروجو صغري كلو كاتعيطو ليا مرات عدنان دابا ملي بلغنا وفرخنا ووجدنا لزواج ماباغيكش والله يااامو لاتفكيييت معااااه يا إما يديني ولا تديه الموت
أنت تقرأ
هوان
Romance🐣🪷قــــــــــصــــــــة_رمــــــــــضــــــــــان 🐣🪷 #حـــــــصـــريـــــا_علـــى_الـــســــــــرمـديــــــات🍒🦩 ♠🍄 هـــــــــــــــــــوان 🍄♠ ¶ ممنوعة_النشر_دائما_وابدا🍑🍂 ✍️ بقلمي:ريماس_ماري🍓 • وَمَنْ يَنْظُرُ بِعَي...
