زيدو في طغيانكم ايها الحكام وارمو بشعوبكم في الحروب
نعم جميعنا نعلم أن أول من يتحرك
و يموت حتى في لعبة الشطرنج
هم الجنود حيث يضحي الجميع بأرواحهم صح في نهاية اللعبه يقال للملك
كش
واو اكيد الملك خاف
لكن السؤال لماذا يتحمل الشعب عقول
اقل ما تكون أو ما تسمى عقول اطفال
لماذا أنتم تيبسون روسكم بعناد ليس له مبرر و نحن تقطع رؤسنا
انتم تعيشون بلعز و نحن بلمذله
انتم تأكلون اطيب الطعام و نحن نجوع
ارجوكم اتركونا فهي ايام دعونا نعيشها
براحه و نموت بسبات
هذه افكار ميسم عندما استيقظت من النوم على سرير في أحد المشافي
كانت هذه اول مره تدخل بها إلى هكذا مكان
فهي تسمع عن المشافي لكنها لم تدخلها ابدا
فإن عندنا الذي يمرض يقاوم مرضه حتى يشفى
كانت وضعية الغرفه التي تنام بها
مزريه جدآ
اغلب الموجودين من الجرحى لكن وجود
الاطفال الذين يبكون من الالم
كان يمزق حتى القلوب القاسيه
انتبهت احد النساء في الغرفه أن ميسم فتحت عيونها
اسرعت عليها بنتي اخيرا صحيتي
صاحت على فتاة صغيره
روحي بنتي صيحي سؤدد خلي تجي
ميسم تنظر لهذه المرأة من هي و لماذا هي متعجبه من استيقاظي
حظرت فتاة و هي تركض
سؤدد حبيبتي اخيرا صحيتي
الحمدلله على السلامه
ميسم الله ايسلمج انتي مو من الجيران
سؤدد هم زين عرفتيني
لان خفنا من انظرب راسج ممكن ايأثر على ذاكرتج
ميسم ليش اشكد صارلي نايمه بلمستشفى
سؤدد يمكن عشر ايام
ميسم شلون صدك تحجين
سؤدد خاما اكو شي بجسمج يوجعج
ميسم عادي واضح ايدي مربوطه
يمكن خايفين عليها من البرد
و رأسي يمكن لبست الحجاب
يعني بصوره عامه واضح وضعي كلش طبيعي
سؤدد مبتسمه ابهاذا الوضع و انت تتشاقين عيني الضربه مالتج جانت كلش قويه
ميسم الحمدلله اني اقوى
فهميني شنو الي صار
سؤدد تعرفين التنور الي يخبزن بيه نسوان المنطقه منعرف ليش ضربوه صاروخ و اكو شظايا منه اتطايرت على البيوت
لكن مع الاسف استشهد اربع اطفال
و نساء اثنين جانو يم التنور يخبزن
انت صادف وجود زوجج قريب من المكان كدر ياخذج للمشفى بسرعه منعرف اشلون دبرلج مكان
بس ما يكدر ايبات يمج لان هذا قسم خاص للنساء
ميسم اشلون زوجي
سؤدد اي خطيه جان كلش خايف عليج
حتى المواد الغذائيه الي جان جايبهن الج
خلاهن يمنا امي تطبخ و هو ايروح ايجيب الاكل
حتى خطيه ايريد بس ايشوفج لكن ممسموح اله يدخل هاي الغرفه
حتى هو اتبرع بالدم الج
انتي محظوظه بهيجي زوج
تعرفين كل ما اشوفه الكاع لو ايصلي لو يقرى قران هذا الرجل عاشق
بقت ميسم محتاره من موضوع الزوج
معقوله باسل عرف مكانها
اشلون هذا الرجل ما عنده اي نوع من الذكاء حتى ايفكر
معقوله بسبب حبه الي صار ذكي
سؤدد راح اجيب الاكل لان الكل بالغرفه مستفادين من تركيب امي
لان المشفى
ميوزعون اكل
و اليوم اول مره راح تتذوقين اكل امي لان صار ايام انت عايشه على المغذي
طبعا زوجج راح ايطير من الفرح من يسمع بانج صحيتي
صار كم يوم هو نايم على الكاع في استقبال المستشفى
ويه أهالي المرضى
خرجت سؤدد من الغرفه حيث بدء النساء و حتى الاطفال يسلمون عليها
أنت تقرأ
الأخ المتحرش
General Fictionانهامجموعة قصص عن المصائب التي تعانيهاالبنات في بيت واحد واصعبهامحاولات الاخ التحرش بأخته لانهاجميله وفوق كل هذاتدفع ثمن أخطاءالمجرم هذالان امهاتحب الاولاداكثرمن البنات
