بجيت وبجيت لمن ما نمت بصحن صاح الله اكبر كمت اتوضيت صلست رحت فندق ارتاح طلعت تلفوني كليت من نور رغد ابوي امي 70 مكالمه دكيت على نور كتله لا اعرفج ولا تعرفيني اني مو بتكم ولا انتم اهلي اكرهم حضرتهم كلهم حته ارتاح رحت زرت امام الحسين
رحت مطعم اكلت وشبعت رحت على علكومي شفت ابو كيف. ياعمل بنته بكل حنيه طبعا اني ابوي عصبي ما يتفاهم رجعت للفندق لككيت نور
نور.. 🗯 زهره ولج بابا يكول شيخلصه من عندي اله اموتها
زهره... 🗯 ما ارجع اله يطلكوني ياالله
نور 🗯 ولج فهد ما خلى مكان ما راحله ولج وين رحتي
زهره.. 🗯 اكلج وخري عني لا اطلع ضيم الله بيج
سديت تلفون رجعت نمت ثاني يوم طلعت افتر بشوراع كربلاء
رحت هم صليت زرت كلت ليش ما اروح للنجف؟
صدك لميت اغراضي طبعا جبت وياي400 مجمعتهم اني رحت
زهره... عمو عادي توصلني للنجف
ابو كيه.... اي عمو تدللين صعدت حطيت راسي على شباج لمن ما وصلنه زرت الامام علي عليه السلام رحت للمقبره زرت بيبي جدو لان كلش احبهم اني
كلت خلي ابات اروح لبغداد لعمتي اسراء نمت بل صحن لمن ما صار صبح رحت للكراج كتله عمو عادي توصلني بغداد لل بسمايه كال اوكي
صعدنه للسياره نمت ما دريت بروحي لمن وصلنه بغداد اجرت تكسي كتله بساميه كال اوكي رحت طبعا رايحه اله اني هيه مجره شقه وصلت دكيت جرس طلعت هيه
اسراء... زهره يمه بنتي
زهره... ما حسيت شبكته وابجي...
