بين عينيها حكايا

الجزء الخامس والثلاثون

# بين_عينيها_حكايا
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.
فلا وصالٌ لمن بالوصل قد بخلو
ومن تناسى فأنا قد نسيناه

وهج

________________________

واگفة بصالة الفندق بعد ما الكل
طلع للسيارات
اخواتي راحو ويا زيد ابن خالو
والولد
وبقيت اني منتظرة عمار واگف ويا مجموعة رياجيل
داخل الصالة
ليث واگف وياهم
ودَيان

فيرا واطفالهة راحت ويا خالة هدية

تعبت من الأنتظار طلعت برة وگفت
بالحديقة
مقابيلي نافورة
والجو حلو

غرغرت عيني دموع واني اعرف
راح ارجع للبيت ومكان ضي يكون فاررغ

اشتغلت اضاءة الحديقة بعد ما حل الظلام
حسيت شخص يخطو وراية
التفتت

ليث

-ليش وحدج امشي دخلي للسيارة

-لا خليني هنا حلو الجو

-اووووف

نفث الهوا من صدرة بصعوبة
وحجة

-ماگدرت انسى وهج

-مو مشكلتي

-لهسة احبج اصلا عمري متوقفت عن حبج

-بس حبيت غيري

-الظروف هيج رادت

-تؤؤ انت الردت هيج
لذلك احتراماً لكل شي بينة سميهة عشرة
سميهة صلة دم سميهة قرابة
راح اتغاضى عن كلامك
لأن الموضوع انتهى من زمان
التفتت لعائلك ليث لتبقى تتخبط
يمين ويسار

-هذا اخر كلامج

-اكيد

-باجر مسافر اني

-ترجع بالسلامة يارب

-رجعي لشغلج وهج تركي العناد

-اذا ربنا أراد

-حولت فلوس مكتبي لشركة عمار وصرت شريك
بربع من الأسهم وگتلة يزيد راتبج

-مبرووك يارب شراكة خير
بس هذا السبب اللي مراح يخليني ارجع للشركة

-فهميني ليش

-من صار اللي صار واني حرمت كل شي يخصك
على نفسي
وفلوسك تخصك مستحيل اشتغل بمكان
واخذ راتب يكون جزء من فلوسك انت

-كرهتيني وهج لهالدرجة عبالج اتمنن عليج بفلوسي

-لا عاش ولا كان اللي يتمنن علية بس هذا
قرار متخذتة بساعة اللي خذلتني بي
مساعدة ممحتاجة وشهادتي تگدر تشغلني بأي
مكان

-يعني هاي النهاية

-انتهينة من زمان بس تبقى ابن خالي وصلة الدم تجمعنة
اروح اشوف عمار