"دماء ثقيلة "متزهرة

"مُقتطف"

- سكتَة إعلىٰ سكتِة تمُر الأيَام .

                            دم متمرد

                        اجسام هزيلة

                  نعم اُنهم هُما المُتمردون

'''''''''''''''''''''''''''''''''''

الساعة 4 فجراً في ميسان

اركض واركض وبعدني مواصلة اشوف الكراج
يبعد عني 10 امتار
السيارة وراية

مالكيت مكان اختل بيَ

وجان اشوف سيارة واركض اختل وراهة
وادعي يا الله نجيني
يااللهي ماعندي غيرك

مرت نص ساعة وفتحت عيوني
وباوعت من ورة السيارة واني كلني ارجف

شفت ماكو احد الشارع صنتة والصبح جاي يظهر

وجان تنفتح السيارة واباوع طلع منهَ

رجال

ضل صافن عليَّ واني ادعي بلكت مو من جماعتهُم

: منو انتِ

ماجاوبت

:  خرسة متحجين

شتريد انتَ

عاكد حاجبة وجهة غاضب
: شريد بت المطي شكو خاتلة ورة السيارة

: اشش لك لتغلط لا اخلي العالم تبجي على حالك
لك انتَ منو وتخلط ها

:والله وطلع السانج دولي عن وجهي واصلة لهنا ترى
ويأشر على خشمة

ماظل عليَّ بس المزعطة

ركب تلسارة وحرك سريع
درت وجهي ومشيت وكلبي يدك سريع من الخوف

: الحمدلله والشكر الك يارب نجيتني

وجان اطب بالفرع مال بيتنة واشوف منظر
اتمنى حياتي كُلهة ماشوفة

فتحت عيوني كُل وسعها...........

''''''''''''''''''''''

كاعدة على بالبيتونة الفوك مثل يومية

ومخلية كُتبي كبالي واقرا ماعندي كان اقرا بي غيرة

واشوف اختي صعد

: وثول شكو خانسة هنا صالي ساعة
ادور عليج مخليت مكان مادورتة

: وسم على اساس ماتدرين يومية اقرا هنا

: دنجبي المهم امي تكول خلتنزل هنا عمة حلا
وبناتها وعمو نبيل والامة العربية

: اهو يعني شلون مايخلون واحد يقرا
امي شبيهة مو تدري جاي اقرا
ماتكول الاميرة

: مادري انزلي ونجبي بدون لغوة

حصرتني البجية واني اشوف بعد ماعندي مجال اقرا
وفوكاهة هاي مرحلة مصيرية وصعبة

نزلت ارد اطب اسلم عليهم وجان اسمع عمتي تكول

: ايي والله ابو مؤمل يريد يعدل البيت وماعدنة
كان نكعد بي

واسمع امي تكول الها

: يا لعد ماتجون هنا احنة نطلع وانتُ تبقون
البيت بيتكُم

: ماتقصرون والله يأم زهراء بعد هوَّ احنة ماعدنة
مُكان غيركم

صح ضجت بس مابينت طبيت سلمت وكعدت
واني مادري بعد هاي جيتهُم شراح يصير
بيَّ وشنو الينتضرني.......

"" "" "" "" "" ""

لهنا نختم المُقتطف
اتمنى يعجبكُم كاتبة جديدة على الساحة

مع السلامة في حفظ الرحمٰن..