بين عينيها حكايا

الجزء السادس والثلاثون

بين_عينيها_حكايا
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
ورحلت أنت
لم يتوقف الزمن في ذلك اليوم لكني
توقفت لديهِ
وأدركت يومها أن الشطر الأخضر من العمر قد أحترق

ظلال

______________________

الاعدادية
المرحلة المفصلية بحياتي وحياة
صديقتي
كل يوم نلتقي بمفترق الشارعين اللي يودونة
للمدرسة

مستمرين بتميزنة
وهدوئنة المعهود
نلتقي وكل كلامنة
عن احلامنة
وجودنة مع بعض
يااما بيتهم او بيتنة يشكل
جزء من يومي
هاي احنة قبل نصف السنة
وداخلين على سنة جديدة

بعد ماخلصنة دوامنا
اتجهت ويا كادي لبيتهم
فتحت البيت ودخلت بيبيتهة بعدهة مراجعة من الدوام

-كاااااادي بيبي شطابخة اليوم

-فاصوووووليا العشق خل ناكل بيبي ب٣ ترجع

-انتضري أتصل بوهج

-الوووو ها وهوجة
اگلج راح اتغدة يم كادي ونكمل قرايتنة
من تخلصين دوام مريلي ماشي

-تمام يلة حبيبتي

-ظلال تعاي نغسل

-طلعيلي ملابس لج

-تتدللين

رحت غسلت وتوجهت للغرفة
لگيتهة مخليتلي تراك وردي بي ارنب

لبستة ودخلت هي لابسة نفسة بنفسجي

-هههههههههههه والله خبلة انت منين جبتيهن

-بيبي جابتهن گالت الج انت وشريجتج تاليجن تتزوجن نفس الرجال

-هههههههههههه بيبي عليهة سوالف

-لا اوگفي شوفي بعد

جابت طوگين نفس الوان التراكات بيهن اذن ارنب

لبستني واحد ولبست الثاني

-هيا فلنقز يا ظلولة

تگمز حوالية بالغرفة وتجرني
وياهة

-لج لا يحترگ الاكل
ركضنة للمطبخ صبت هي
واني طلعت طرشي وحبشكلات
كعدنة ناكل

شوية وسمعنة صوت الباب

-لج كادي گووومي

-ماااااااا جوعانة انت گومي

-عيب لج بيتكم هذا

-ماااااااااا

-طلعت للباب فتحتة

طلع بوجهي شاب لابس زي دوام مبين مدرسة خاصة
صافن بوجهي رفع عينة للطوگ
وكتم ضحكتة

-احمممممم ياشطورة وين ام كادي

باوعتلة صفح شنووو شطورة

-بيبي مموجودة بالدوام