الادعج " قاع الظلام "

الـقـا؏ الثامن وعشرون

الأدعج "قاع الظلام "

بقلمـَي زهراء الساعدي

لطفًا فراشاتي دوسن على النجمة وعلقن بين الفقرات 

حساب الانستا
zahralsadi
قناة التلي
zahralsadi

<~~~~~~~~~~~~~~~>
مسودن بختنا وحظنا مشلول
ومن گد الحزن منهم على الراح

اجت ماريا تركض وتتعثر
وصلت يمي اردفت وهي ترجف
- ماريا : ولچ وتين ماكو بس معطفها يم الشط .

فتحت عيوني بصدمة ، ودهشه
معقولة ؟ معقولة وتين تفرط بروحها بهاي السهوله
گمت اركض للمكان واصيح
- ما انتحرت وتين ما تنتحر

وصلت طحت بالگاع رفعت معطفها شميته وبچيت
لا ياربي لا تختبرنا بيها
ومنو يگول بالشط خاف من هنا ؟

ظليت اتفلت ادور بيها بس للأسف كان سياج قاطع المكان
وهذهِ نهايته ، انخطفت روحي وفرفحت
من شفت الأدعج طالع من عمق الشط وشايل وتين بيده

گمنا اثلاثتنا نتصارخ وماريا ظلت تلطم
خلاها گبالنا ونسى كلشي ونزل يسويلها تنفس اصطناعي
ويضغط على صدرها ويصيح بحرگه
- الأدعج : گومي بوية وتيني لاتعوفيني گومي

ظل يحاول وياها لحد ما ذبت مي من حلگها واتنفست
وكأن الصار حدث تاريخي خارج من فلم خيالي
لكن فرحتنا وبچينا كان الاثبات بأن الصار حقيقـة

سحبها لصدرة وهيَ ترجف خليت المعطف عليها
لبسها وغلقه بأحكام ، وشالها ومشه بيها

هرولنا ورا للبيت
خلاها بالگاع وطلع ، بدلنا إلها وصحناله
اجه گعد يمها عفناهم براحتهم وطلعنا برى
- أدم : ماچنت أدري هيچ سلبوح عزيزة عليّ

- فواطم : ما أذت اي شخص بينا كلنا تحبنا شلون مانحبها

حچت وبچت
- ماريا : تدرون الباشا چان مساومها ويريد تجيب ملفات من عدكم
وما سوتها وهيَ باتعس حالاتها

صفنو سيف و ادم بوجه بعض
اخذتلي صفحه گعدت اعصابي كلها تلفت ماگدر اتحمل بعد مصايب

.....
وتين

- بس اني ما انتحرت ردت اسبح ومادري شصار