بين عينيها حكايا

الجزء السابع والثلاثون

بين_عينيها_حكايا
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين 🚫
أذا لم تستطع قرائتها اقرأ الجزء الذي يليها ❤️
.
.
.
.

التعليق بين الفقرات والتصويت دعماً للقصة
متابعة الحساب دعماً للقصة لطفاً❤️
.
.
.
.
إني رأيتك قد مللت مودتي
فعلمت أن دواءُك الهجرانُ
.
.
.

فَي

_________________________

أيام تمر بهدوء
ضحكات فرح
وابتسامات هيام
وبين كل هذا
فقدان

مفتقدة زيد واتصالاتة ورسايلة
تجيني لحضات اگول يمكن مل مني
وبالفعل جانت فكرة ارتباطنا مجرد شي
تقليدي واعجاب لحضي
مو أكثر

بس رغم هذا هو يعرف مدى معزتة
وعمق محبتة بگلبي
ورغم كل شي أبتعد
عني
واني متركتة اتصل ميرد
وارسل ميجاوب
لذلك اشتريت كرامتي بعد عدة مرات
وگلت اتركة براحتة

هالفترة جانت مليانة مغامرات
سفرات ويا اصدقائي
بروڤات عالمسرح گدام مجموعات
صغيرة من الطلاب

تشجيع قيس المستمر الية
واخيرا

تشجعت وهاي اني واكفة عالمسرح ببروڤات
حفلة رأس السنة
مقبلين على ٢٠١١
واگف بطولة الفارع گدامي ساند نفسة على كرسي
ومميل راسة بطريقة الاعجاب ويستمعلي أغني

-عمدة ارد اتيه الروح وبعاصف الريح
بلجي على نزل هواي من يصفن تطيح
ياهلا
ريت الله لاينطيك يالصحت باسمة
فر فرة الملهوف كلبي شيلزمة
ياهلا
ربي استر على هواي من ممشى الغروب
جاهل واخاف عليه مو ساحك دروب
ياهلا

اغني ومندمجة ويا لحن الفرقة

خلصت

وصدح صوت تصفيق قيس

صعد الدرجات مد ايدة
لزمتهة ونزلت

-فناااااانة كلمة فنانة قليلة بحقج

مشينة نحو القسم وهو يحجي وياية
قبل لا ادخل قاعتي

-فَي

-نعم استاذ

-احححم يااستاذ

همستلة

-مو احنة بالدوام

-كملي محاظرتج وراهة تعاي
للقاعة المصغرة لغرفة التسجيل محتاجج

-من عيوني

-أبوسهن

خزرتة

-شنوووو

رفع حاجبة بتحدي وگال

-أبوووووسهن

اشر على عيوني غمزلي
وطلع يمشي بالممر

تابعت خطواتة واني مبتسمة
أول مرة يحجي بشكل صريح
طول
ذيج الفترة أحس بتلميحاتة
واسوي نفسي هبلة ومو فاهمة