كانوا البنات متجمعين ويسولفون فجأه قالت ترف : بنات شرايكم نروح البر ونتجمع هناك في جبل جنب بيت عمي عبد المجيد بس احنا
نجد: كيف نروح لوحدنا !!
ترف: اي وانا اللي بسوق فيكم
البنات كلهم انصدموا وترف كملت وقالت لا احد يعلم عشان ما اتوطئ ببطنه سامعين؟
ساره: ترفي ما يصير واذا صار شيء لنا وش نسوي ؟
ترف: بنات اسكتوا شوي بوزع المهام عليكم ، يوم الجمعه العصر بنتجمع ببيت جدي محمد تمام
البنات : تمام
كملت ترف: وساره بتروح عند عمتي منار وتقول لها نبي ........ أما نجد تجهز الاغراض و..... وانا بأسرق سياره اخوي راكان و ......
ترف كملت ولا تدري عن نايف اللي يسمعهم من عند الباب
.
.
.
في يوم الجمعة
نايف سرق مفاتيح العيال كلها عشان محد يروح من البنات وشاف ترف تدور على شيء وجاء عندها و قال: ترف انتي تدورين على ايش ؟
ترف طالعت فيه وشكت هو اللي اخذ المفتاح وقالت : مالك دخل
نايف : انا مالي دخل ؟ طيب بعلم جدتي تبغون تروحون البر من دون ما تعلمون احد اوريك وهرب
ترف مسكته مع شعره وقالت : نايف تكفى لا تعلم
وفيها البكيه
ضحك نايف : طيب لا تبكين ما سويت لك شيء عشان تبك...
ما كمل كلامه الا وبكت ترف
وقال : شفيك تبكين خلاص ما بعلم
ترف: تكفى يا نايف انا من اول مجهزه كل شيء لا تخرب واصلا اخوي من اول قاهرني
نايف : تمام ما بعلم بس تبغين المفتاح ؟
انصدمت ترف وعصبت : يعني انت اللي خبيته صح؟؟
نايف : اي انا خبيته وترا ما بعطيك اي مفتاح حتى وانا امشي معكم
ترف : يا نايف تكفى لا تمشي هذي كشته بنات وش تبي يعني مافيه احد الا احنا .
نايف : انتي قلتيه بنفسك مافيه احد وش يأكد لي اذا مافيه احد غيركم واذا جاء احد عليكم
بعد اقناع طوويل نايف اعطئ المفتاح ترف وترف مررره انبسطت راحت ترف عند البنات وقالت لجدتها وجدها : ياجدي ممكن نروح احنا والبنات لبيت ساره ؟
الجد : لا يبنتي بعيد مره ومن هنا لبيتهم ٥ دقايق اخاف عليكم
ترف : تكفى يا جدي عادي اصلا كل يوم نمشي بالديرة لا تخاف علينا بس حبينا انا والبنات نعلمكم وترا ما بنرجع الا بكره الصباح
الجد : تمام يا بنتي بس خلي نايف يروح معكم
ترف أعطت نايف ذيك النظره: تمام ياجد مع السلامه ،
نايف لحقهم للسياره وقالت ترف : مصدق انت بتروح معنا؟ لا يا حبيبي ما رح تروح
انصدم نايف من كلمه " حبيبي" وجلس يطالع بترف وترف صدت وقالت يا نايف شفيك ؟
نايف صحصح : خلاص روحوا ولا بروح معكم
وترف شغلت السياره وراحت ، ونايف راح البيت وصلوا البنات وجلسوا بالخيمه ، وقاموا يغنون ويسولفون وعايشين الجو مره ،
ترف قامت وقالت: بنات انا بروح اتمشى مين تجي معي ؟ ساره رفضت اما نجد قالت: قدام خلي ذي الخوافه تجلس هنا وراحوا ، وبعد شوي خافت ساره ولحقتهم
وجلسوا يطقطقون على ساره ولا دروا الا لمن ضيعوا المكان حقهم ساره : بنات وين الخيمه تكفون لا تقولون ضيعتوها
نجد : ساره هذا الجبل ما تعرفينه ؟ نحسبك تعرفينه
ترف ماسكه البكيه : خلاص اسكتوا مو وقتكم الحين وين الخيمه ؟
نجد : ما ادريييي
ساره : بنات خلاااص شوي ويجي الظلام خلونا ندور سريع وكل وحده اتجهت جهه ،
بعد نص ساعه
لقت ساره المكان واتصلت على نجد وجت نجد وقالت: وين ترف لا تكون نست جوالها ؟
ساره : ما ادري دقيت على جوالها ما يرد شكله طفي او ما في نت
نجد : طيب وش نسوي الحين ؟
ساره بدق على نايف اخوي يجي .
نجد : روحي فوق الجبل يمكن تقدرين تتصلين من فوق وراحوا فوق الجبل وشافوا بنت شعرها قصير وقربوا شويه لقوها ترف طايحه على الأرض وصرخت ساره بأعلى صوت ونجد مصدومه واغمى عليها اما ساره كانت منهاره مره ما تدري وش تسوي وفجأه سمعت صوت من وراها يقول وش صار ؟ التفتت ساره ولقته نايف مره كان خايف من الصرخه وقرب نايف وانصدم لقي ساره ونجد طايحين بالأرض ،،واتصل على الإسعاف بسرعه ووصلوا وقال نايف لساره وهو مسويه فيهم ؟
ساره بانهيار: والله ما ادري ترف ضاعت وجينا ندور عليها لقيناها طايحه على الأرض وأما نجد شافت ترف وانصدمت واغمى عليها
نايف تمنى ما أعطى المفتاح ترف وراح عند الممرضه وقال : وش فيها ترف ؟
الممرضه : اكلها عقرب واغمى عليها مره تأخرتوا والواضح من زمان أكلها والعقرب كان سام شوي نايف: طيب تقدر تطلع اليوم ؟
الممرضه: لا ما تقدر الحين بتنام خلها لبكره الصباح
نايف : تمام يعطيك العافية
وراح نايف عند ترف وندم مره عليها
،
يوم السبت الساعه ٧ الصباح
صحيت ترف ولقيت نايف نايم على السرير حقها وقالت : نايف نايف
نايف فز وقال: صحيتي الحمدلله على السلامة ليتها فيني ولا فيك
ترف: الله يسلمك سلامتك يانايف بس ابوي يدري عني ؟
نايف : لا ما علمت احد وقلت للبنات لاحد يعلم عشان ما يكفخوني يقولون ليه تخليهم يروحون البر
ضحكت ترف : السياره وينها ؟
نايف : السياره رجعتها لاخوك بدون لا يدري. ليه ؟
ترف : كنت خايفه يقفطني
دخلت عليهم الدكتوره وقالت خلاص تقدرون تخرجون
نايف : يلا يا ترف مشينا
ساعدها نايف وراحوا السياره ، وصلوا بيت ساره ، اما ساره ونجد كانوا خايفين على ترف
اول ما فتح الباب نايف نطوا كلهم يحضنون ترف ويبكون ،،
لمن اتطمنوا عدت الايام ولا احد عرف بالسالفة بس ام ترف "منال" كانت شاكه ببنتها بس ترف ما قالت سيء قالت طحت ووداني نايف والدكتوره تقول عادي مافي شيء بس ايام وتروح .
ومرت الايام وكل واحد سافر مدينه ،
.
.
.
بعد سنتين،
سوا جدهم محمد وجدتهم فاطمة عزيمه كبير
وعزم الكل........
انتهى البارت الأول
