ع الغدا ف بيت بو هزاع
هزاع : في شي مهم لازم تعرفونه
ام هزاع : قول
هزاع : امون خلصتي اكلج
امنه : هيه
هزاع : انزين روحي فوق ايلسي
امنه : اوكي
راحت آمنه فوق
ام هزاع : يلا تكلم
هزاع : مهاري
ام هزاع شافت مهره ؛ خير يا طير شو فيها بعد
مهره فركت أيدها ف بعض و شافت هزاع
هزاع : مب أختنا
ام هزاع : تستهبل انت يعني أنا حملت ف منو
احمد: كيف يعني مب أختنا
هزاع : يوم انتي ربيتي
ام هزاع : هيه
هزاع : خليني اكمل استوا في لخطبه و بالغلط في نيرس بدلت أختنا الصدقيه مع مهره
ام هزاع يت بتقوم : تستهبل ع مخي انت
هزاع : يلسي خليني اكمل
ام هزاع يلست : يلا قول
هزاع : و البنت هاي طلعت وديمه اخت حمدان ربيع احمد
احمد ضحك : تستهبل انت شو كيف يعني اخت ربيعتي اختي و اختي اخت ربيعي
هزاع : أنا اتكلم صدق
ام هزاع : و منو هاي وديمه و حمدان منو هايل
احمد : طبيعي ما بتعرفين منو هايل و انتي ما تعرفين عنا ولا شي
هزاع : احمددد ، حمدان ربيع احمد و اخته وديمه ربيعه مهره فيها داون
ام هزاع : أنا الصاحيه لايعه جبدي منها اخذ مريضه بعد
احمد : و ليش المريضه مب بنتج
هزاع : ما يهمني انتي تبينها ولا لا احنا بنسوي الفحوصات و لو مهره طلعت بنتهم مهره بتروح عندهم و وديمه بتي عدنا
ام هزاع ؛ خلوهم هم الاثنين عندهم أنا مابا ولا وحده
مهره وقفت : دام ما تبين ولا وحده ليش حملتي ليش يبتينا يوم انج مب قد المسؤليه ولا قد انج تستوين ام ليش تزوجتي و حملتي ليش يبتينا و بلشتي هزاع فينا بدال لا انتي تربينا خليتي هزاع الي يربينا و كان يقدر يعقنا ع الخدم لكن ما يبانا نعيش الي هو عاشه ما يبا يحسسنا بالفقد الي هو حسه
ام هزاع قامت بتضربها هزاع وقف بينهم و خش مهره وراه
احمد : ليش تبين تضربينها ما قالت شي غلط انتي بس يبتينا لكن منو ربانا منو اهتم فينا و درسنا انتو شو سويتي طلعتي مع ربيعاتج و سافرتي و استانستي و نحنا منو يونسنا عقيتو علينا فلوس و طلعتو بس
