ظلام الجُهل

البارت الاول

السلام عليكم يابه

# ضَلام الجُهل

# الكاتبة ساره سالم
ــــــــــــــــــــــــــــــــــــــــــــــــــــــــــــــ
جيت من المدرسه ورحت لامي بسرعه حتى انطيها العلاج حضرتها اكل

فرح _ هم زين اجيتي متنا جوع

رياحين _ يخسى الجوع حبيبتي هسه يصير الاكل
اجا عليه علي يزحف شلته وبسته رحت سويتله ممه
استوه الاكل وصبيتلهم كعدو ياكلون

مروه _ رياحين ماما تعالي اكُلي مماكلة شي انتِ
رحتي الصبح للمدرسه بدون ريوك

رياحين _ ما اشتهي

مروه _ صاير شي وياج؟

رياحين _ لا والله ماما مابيه شي بس شويه تعبانه
اني من اجوع اكل ليضل بالج حبيبتي انتِ اكلي
واخذي علاجج

مروه _ اكُلي فروحه ماما ليش صافنه

فرح _ هياتني داكل يا ماما انتِ الي ما دتاكلين

رياحين _ ماما انه طالعه لغرفتي اكمل دراستي
صاير عليه تراكمات وماضل شي للمتحانات الشهري

مروه _ قبل ما تدرسين بس نومي علاوي حتى لا يتعبني وحتى انتِ هم تدرسين براحتج بدون عياطه

رياحين بملل _ من عيُوني شعندي غير علي

_ شلته من الكاع جان ديلعب ويناغي وياه روحه
اخذته لغرفة امي خليته على رجلي واهز بي وهاذا
يريد يلعب واني بس اريد انومه حتى اكمل دراستي

رياحين _ وأخيرآ نام بعد تعب دام ساعة
طلعت لغرفتي حتى اكمل دراسه صاير عليه هواي
تراكمات لان ما الحك
ارجع من المدرسه للبيت
ابدل واتغده واطلع ابيع مي بالتقاطع
كملت الدراسه ونزلت جوا البيت هدوء تامّ
امي نايمه علي هم بعده نايم وفرح كاعد ترسم
عفتهم سديت الباب وطلعت
سويتلي چاي وكعدت بالحديقة سقيت الزرع والورد
كاعده بالمرجوحه واشرب چاي

رياحين _ هسه خلي اعرفكم على نفسي
اسمي رياحين عمري 16
واهلي منفصلين ابويه ما ندري عنه شي
ما يهمني شي غير امي واخواتي
امي عدنا مرض الكانسر وحالتها الصحية مو كلش
تمام فرح عمرها 6 سنوات
طبعاً علي مو اخوي
علي ابن خالتي بس خالتي ع الولادة ماتت وزوجها ما راد علي يكول كُله بسببه ماتت لوجين
تنازل عنه وامي قررت تاخذه وتربي
علاقة امي وخالتي جان كُلش قوي بس الموت فرقهم

رياحين _ فزيت على صوت علي يصرخ

يتبع!