Double Take

Chapter 8

Polite

"B-Bakit ka nandito? Hindi ka pa ba uuwi?"

Halata kay Greg na hindi siya komportable sa presensiya ko. Para bang takot siya na bigla ko na lang siyang sapukin. Well, I can't blame him. Sa iilang interaksiyon namin, lahat hindi maayos ang pakikitungo ko sa kanya. Eh, anong magagawa ko? Kumukulo dugo ko kapag nakikita ko siya. Kahit nga ngayon, pinipigilan ko lang sarili ko.

"Nakita kasi kitang maraming dala kaya naisip kong tulungan ka..." I said like a good samaritan. "Gano'n kasi ako, alam mo na, maaawain sa kapwa."

Napangiwi ito, halatang hindi kumbinsido pero wala naman akong pakialam.

"Sa'n ba 'to dadalhin? Isasauli ba sa library?" Tanong ko nang mapansing hindi patungong library ang daang tinatahak namin.

He shook his head as if I'm gonna break his neck any moment now. I smiled to assure him that I am not that violent right now. Mabilis ang pag-ilag niya sa tingin.

Hay, bakit parang may phobia na 'to sa akin?

Wala pa nga akong ginagawa, e.

"H-Hindi, e. Sa STEM building lang." He stuttered.

Tumango ako, naghahanap ng tiyempo kung paano sisimulan ang totoong pakay. Lalo na't malapit lang ang STEM building kaya kaunti lang ang magiging oras ko.

I cleared my throat. "Ako nga pala si Benj... If I remember correctly, we weren't introduced to each other yet, right?"

He nodded carefully. "Oo... Pero k-kilala naman kita."

Ah, gano'n ba?

"At... nababanggit ka rin sa akin minsan... ni Rael." Dagdag niya na kaagad nagpaliwanag sa mukha ko.

"Talaga?" Gulat at medyo natutuwa kong tanong.

"O-Oo. Nagtututor daw siya sa'yo..." He said and smiled a bit.

Tumango-tango ako.

"Close pala talaga kayong dalawa..." Marahang saad ko, sinisimulan na ang totoong pakay. "Mula ba pagkabata, magkaibigan na kayo?" Tanong ko kahit alam ko na ang sagot sa bagay na iyon.

"Oo. Matalik na kaming magkaibigan simula pa pagkabata... Magbestfriend rin kasi mga nanay namin..."

I pursed my lips as I listened. "Gano'n kayo ka close?"

Greg nodded proudly.

Palihim naman akong napairap. Ediwow.

"Weh?" Subok ko. "Kung gano'n, kilala mo kung sino crush niya?"

Ano Greg? Patunayan mo nga. Kung totoong magbestfriends kayo, dapat alam mo.

He chuckled lightly. Muling naging mailap ang mga mata. Halatang alam niya pero mukhang walang balak na sabihin sa akin.

What if itapon ko 'tong mga libro?

"Hindi ko pweding sabihin sa'yo. Baka magalit sa akin si Rael." He explained when he noticed my sudden change of mood.

I gritted my teeth but I calmed myself immediately.

"He wouldn't know." I assured him.

Umiling si Greg. "Kapag sinabi ko sa'yo, malalaman niya kaagad 'yon."

Tss. Bakit kaya? Ano? May secret powers ba si Rael? Mind reader? O di kaya'y manghuhula?

Magtatanong pa sana ako pero nakarating na kami sa STEM building kaya sinirado ko na muna ang bunganga ko. Lalo na't nasa hallway pa lang kami at natatanaw ko na ang section nila Jen. Nasa labas ng classroom at mukhang may activity pang ginagawa.