#جبروت نشرَوان
گُلما نتحدث معًا يسألني عن مدىٰ حُبي أليه وَ يختمها
لماذا أحببتني؟.
تسألني احبك ليش؟خلي اكلك ليش..
انتَ ذاك العوض الأجه بعد سنين أذيه
طفل ومضيع امه بهوسة سوك ولكاها
وعيونك ما حبيت غيرك
ولالي نفس لغيرك
"" ""
دانيا: مبوزه حلگي واسأله تفتر بعقلي شتقصد وعلى
منو ومنو هاي تحچي وياها؟! مفهمت حديثها
حست اكو احد يصنت راحت لغادي وضاع مني صوتها
اخذت لبن ورجعت اكل ما خليت بالي وياها
شعليـه بيها احتمال بايكه فلوسها
او عركه بيناتهن، كملنه وشلنه الأمواعين وتكابلنه
نغسل وحده تمسح وحده تجلف بسرعه بسرعه
عَ طاير نريد نلحك على حچيهم..
ضهري انكسر ما اكدر ادنك واديـه ميتات الصحونه
هواي من غير جدوره طابخين بيها
عطرة المطبخ ونزلت البرادي ورحت يَمهم
قسم كاعد على الكرويتات وقسم على الأرض همزين
بعدهم مَمسولفين يشربون چاي
البنات حبوبتي مخليتهن يمهن، اخذ جدي رشفه
من الچاي وحچه
مُهيب: شلون الصـحه ان شاء الله زينات.
اردفت ام الفستان قبل لا تحچي البصفها
ـ الحمدُ اللّٰهِ
مُهيب: شسمائكم؟؟
رأفت: أني رأفت وهاي فتـك وثانيـه مُنى
مُهيب: عاشت الأسامي الحلوه من وين انتم مبين شكولكم موش من البصره
فتـك ـ اصلنـه عراقي لڪن مُقيمين بلخارج وقررنـه
نرجع للعراق ونستقر
مُهيب: ليش چنتوا عايشين بلخارج عدكم عداوات هنا؟
ـ لا الأوضاع قبل بلعراق مو مثل هسه عباره عن حروب فأخذنه ابوي وهاجرنه
سأل واحد من الولد ـ أي بلد هاجرتوا اله؟
فرت حلكها بأحتقان ـ السويد
ـ لهجتكم عراقيه؟ شو متحجون اجنبي؟
فتـك ـ اهالينه علمونه على حچيهم وبلبيت ما نتكلم غير عراقي
دانيا ـ نب ابوي كال ـ چا اهلكم وين، شو شفناكم كاعدين يم بابنـه؟!
فزيت من طفرتها وصوتها فتـك ـ فاتح تحقيق حچي
لو تريد اطلعلنه جناسي
انزعج وتضايق جدي وعمامي من اسلوبها لزمتها مُنى
تداري سالفه ـ اعذرها عمو تعبانه من طريق وجانت البارحه تركص هيـ...
قطع كلامها علي بنفرزه وصدمه ـ تركص!!!!
رمشت بفهاوه من حست شجفصت ابتسمت بوجهه
مُنى: اي تركص من الفرحـه لأن وأخيرًا من بعد
الغربـه رجعنه لديارنه
هز راسه وكام يورث بين المقتنع وبين لا
فتـك: كوم رأفت احنـه نرفع الزحمه ونترخص
ضرب عكازته بلكاع وكف مُهيب: جدي شلون نعوف
بنيات بهلعمر يرحن وحدجن دنيا مَ تتأمن
أنت تقرأ
جبروت نشرَوان
Misteri / Thriller"حقيقيه" مَــا بين الضلم والعذاب مَــا بين الجبروت والتغاليز بيـن العادات وتقاليد بيـن الخوف والغدر. بيـن الحياة والمـوت بيـن الحقيقه والڪذب بيـن الجرائم والقتل والجور لِ تتفطر الحياطين وتنكشف الاسرار الذين لطالما حاولوا بأخفائها لنذهب ونكشف م...
